ЕАЭО елдерін аккредиттеу органдары басшыларының кеңесі 2024 жылы алғашқы отырысын өткізді
Ұлттық аккредиттеу орталығы атынан бас директор Талғат Момышев қатысты, қатысушылар бес сұрақты қарастырды.
Отырыста ЕАЭО елдерінде заңсыз сертификаттар беру және олардың айналымына байланысты проблемаларға, осы мәселені шешу жолдарын талқылауға, ортақ экономикалық кеңістікте «сұр» сәйкестік құжаттарын айырбастаудың болдырмау үшін бес елдің аккредиттеу органдарының күш-жігерін үйлестіруге баса назар аударылды.
Атап айтқанда, қатысушылар белгіленген талаптарға сәйкес келмейтін өнімді айналымға шығаруға әкеп соқтырған сертификаттарды негізсіз беруге жол берген ЕАЭО елдерінің сертификаттау органдарының қызметкерлері туралы ақпарат алмасудың қолжетімді тәсілдерін талқылады. Сонымен қатар, жеке деректерге қолжетімділіктің құпиялылығына қойылатын талаптарды ескере отырып, сәйкестік сертификаттарын жаппай немесе жүйелі негізсіз беруде байқалған тұлғалардың дерекқорын (бірыңғай тізілімін) қалыптастыру мүмкіндігі қарастырылды.
Отырыста төрағалық етуші ҚР Ұлттық аккредиттеу орталығы ЕАЭО экономикалық кеңістігінде заңсыз сертификаттауға қарсы тұру бойынша күн тәртібін қалыптастыруға белсенді қатысатынын атап өтті. Осылайша, ҰАО Қазақстан Республикасының заңнамасында қамтылған жеке тұлғалардың деректеріне қол жеткізу бойынша шектеулерді ескере отырып, ЕАЭО бірыңғай тізіліміне сертификаттау жүйесінің жосықсыз қатысушылары туралы мәліметтерді енгізу туралы ұсыныстар қалыптастырылып, Басшылар кеңесінің хатшылығына енгізілді.
Бұдан басқа, ҰАО Бас директоры сәйкестікті бағалау рәсімінің бұзылуы себебінен кейіннен аккредиттеуден немесе аккредиттеу саласының бір бөлігінен айырылған, сертификаттау жөніндегі органдар берген сертификаттарға ЕАЭО-ға мүше бес елдің бірыңғай тәсілдерін әзірлеу қажеттігі туралы айтты.
Отырыс шеңберінде аккредиттеу органдары басшылары Кеңесінің 2024 жылға арналған жұмыс жоспары бекітілді, Кеңесте төрағалық ету мерзімін екі күнтізбелік жылға дейін ұзарту бөлігінде Басшылар кеңесі туралы ережеге өзгерістер енгізілді, ЕАЭО-ға мүше мемлекеттерде РФ Аккредиттеу жөніндегі федералдық қызметтің базарплейстермен өзара іс-қимыл тәжірибесін енгізу туралы уағдаластыққа қол жеткізілді.