Ұлттық аккредиттеу орталығының қатысуымен АРАС Бас Ассамблеясы

Бұл күндері АҚШ-тың Калифорния штатындағы Анахайм қ. Азия-Тынық мұхиты аккредиттеу ынтымақтастығы Бас ассамблеясы өтуде. Осы ірі халықаралық форумның жұмысына Қазақстан өкілдері: ҰАО Бас директоры Талғат Момышев, оның орынбасары Нұрлан Шоқбарбаев және сапа жөніндегі басшылықтың өкілі Гүлжан Аманжолова қатысты.

АРАС тең төрағаларының әлем бойынша ондаған елдерінен келген 150 қатысушыға сөйлеген сөзінде бұл «2019 жылы APAC құрылғаннан бері аккредиттеу бойынша әлемдегі ең ірі аймақтық қауымдастықтың аккредиттеу тақырыптарын талқылау үшін жиналуының екінші мүмкіндігі. Біздің кездесулер біздің көптен бергі достығымыз бен кәсіби қарым-қатынасымызды жаңартуға мүмкіндік береді, сондай-ақ бағалау технологияларын кеңінен қолдану әлеміне көшкен кезде соңғы тәжірибеміздегі кемшіліктерді жою және бір-бірімізден үйрену алаңы болып табылады».

Қазақстан өкілдері еліміздің халықаралық сапа жүйесіне енуі тұрғысынан маңызды болып табылатын бірқатар іс-шараларға қатысуда.

Осылайша, 29 маусымда АРАС төрағасының орынбасары Радж Натанмен және Үндістанның NABCB аккредиттеу органының бас атқарушы директоры Раджеш Махешваримен кездесу өтті. ҰАО басшысы Талғат Момышев пен QCI Үндістанның сапа жөніндегі кеңесінің басшысы Жақсай Шах арасында «QCI Үндістанның сапа жөніндегі кеңесі мен ҰАО арасындағы техникалық ынтымақтастық туралы» 2016 жылғы 4 қарашадағы келісімді ұзарту туралы толықтыруларға қол қойылды. Сол күні Қазақстан делегациясы АРАС Бас Ассамблеясының валидация және верификация жөніндегі техникалық комитетінің отырысына қатысты.

Бейсенбі, 29 маусымда АРАС MRA Кеңесінің отырысы өтті. Бұл аббревиатура Азия-Тынық мұхиты елдері арасындағы сәйкестікті бағалау нәтижелерін өзара тану туралы Келісімді білдіреді. MRA Келісімін ілгерілету APAC-тың сәйкестікті бағалау нәтижелерін: сынақ хаттамаларын, сәйкестік сертификаттарын, инспекциялық есептерді және басқа құжаттарды АТА елдері мен әлемнің басқа аймақтарында өзара тануға бағытталған негізгі миссиясын қамтиды. Мұндай өзара тану қайта сынау, тексеру немесе сертификаттау қажеттілігін азайтады, осылайша уақыт пен қаржыны үнемдейді, экономикалық тиімділікті арттырады және халықаралық сауданы жеңілдетеді.

30 Маусымда АРАС Бас Ассамблеясы өтеді, онда Қазақстан 2010 жылы қол қойған MRA Келісіміне қатысушы жаңа елдер ұсынылады.