Арман Шакқалиев Қостанай облысының тұрғындарымен кездесті
А.ж. 21 маусымында ҚР Сауда және интеграция бірінші вице-министрі Арман Шакқалиев Қостанай облысында халықпен кездесу өткізіп, азаматтарды жеке қабылдап, бірқатар өндірістік, сауда және ауыл шаруашылығы нысандарын аралады.
«Мен ағаш өңдеу, кен байыту және тамақ өнеркәсібі дамыған дәнді дақылдардың ірі жеткізушісі болып табылатын Қостанай облысына келгеніме қуаныштымын», - деп атап өтті Арман Шакқалиев.
Бірінші вице-министрдің айтуынша, жыл басынан бері өңірде ӘМАТ бағасының өсуі 3,9%-ды құрады, бұл орташа республикалық көрсеткіштен 0,4%-ға төмен.
Қостанай облысы бойынша Ұлттық статистика бюросының деректері бойынша 2023 жылғы қаңтар-мамырда ішкі тауар айналымы 498 млрд. теңгені немесе 2022 жылғы тиісті кезең деңгейіне 19%-ды құрады. Оның ішінде, бөлшек саудаға 190,9 млрд.теңге және көтерме саудаға 307,5 млрд. теңге тиесілі. 2024 жылғы келесі маусымаралық кезеңде жалпы сомасы 314,2 млн. теңгеге 2 390 тонна көлемінде көкөніс өнімдерінің жалпы қоры қалыптастырылды.
«ӘМАТ-ң баға белгілеу тетігін іске асыруға 7,3 млрд.теңге бөлінді, оның ішінде тұрақтандыру қорының қызметіне – 2,8 млрд. теңге, «айналым схемасына» – 4,5 млрд. теңге. Тұрақтандыру қорында 16,6 мың тонна көлемінде 15 атау бойынша қорлар қалыптастырылды», - деді Қостанай облысы әкімінің орынбасары Әбенов Арман.
Шілдеден бастап күшіне енетін тұрақтандыру қорлары үшін әлеуметтік маңызы бар өнімді форвардтық сатып алу қағидаларына өзгерістер енгізу бойынша жұмыс жүргізіліп жатқаның хабарлады, онда 19 өнімнің 9 түрін сатып алу ішкі нарықта өнімді сатудың қарсы міндеттемесі кезінде тікелей өндірушіден жүзеге асырылатын болады. Мұндай сатып алуды бақылау тауарларды қадағалау жүйесі арқылы жүзеге асырылатын болады.
Кәсіпкерлермен кездесуде бірқатар мәселелер қаралды. "МегаМельПром" ЖШС СЗ меңгерушісі Талғат Мұхамедов қашықтан аккредиттеу жүргізу мүмкіндігі туралы мәселені көтерді, өйткені шағын зертхана үшін Астанадан мамандар тарту өте қымбат.
«Техникалық құзыреттілігін анықтай алатын мамандар болса, бұл тәжірибені қолдануға болады деген пікіріңізбен келісемін. Сондықтан тиісті нұсқау беріп, пысықтап, жауабын беретін боламыз», — деді Арман Шаққалиев.
«Бекиров» ШҚ басшысы Бакир Бекировтың, көкөніс өнімдерінің ірі өндірушісі және облыста көкөністерді сату бойынша көтерме кәсіпкердің сұрақтары айтылды. Ол қияр, қызанақ, шөптер және т. б. үшін маусымаралық және қысқы кезеңде бағаның күрт өсуі байқалғанын хабарлады. Жылыжай жағдайында көкөніс өсіру кезінде бизнесті қолдау мәселесі қарастырыла ма?
Сондай-ақ, ол өңірде картоп өндіру мәселесін үлкен көлемде атап өтті, бірақ елде бұл өнімді өткізу үшін қайта өңдеу кәсіпорындары жоқ. Картоп, фри, чиптерді өңдеуді ұйымдастыру үшін арнайы қаржыландыру бағдарламасын қабылдау жоспарлануда ма?
«Сауда және интеграция министрлігінің желісі бойынша анықтамалар мен нормативтерді қамтитын стандарт әзірленді. Бұл стандарт ережелерге енгізілетін болады», - деп атап өтті вице-министр.
Бұл мәселеге Ауыл шаруашылығы департаменті директорының орынбасары Сұлтан Айхан Ауыл шаруашылығы министрлігінің ережелерге өзгерістер енгізу және электр энергиясы мен газ шығындарын субсидиялау жоспарлары туралы түсініктеме берді.
Кездесу қорытындысы бойынша барлық мәселелер тыңдалды, соның ішінде азаматтарды жеке қабылдаудағы мәселелер бойынша да орталық және жергілікті атқарушы органдарға тиісті түсіндірмелер мен тапсырмалар берілді.
Сапар барысында сауда және интеграцияның бірінші вице-министрі Рудный қаласына барып, "Жас-Қанат 2006" ЖШС құс фабрикасының, "Лидер-2010" ЖШС сүт зауытының, "Карагулина" ЖК наубайханасының, "Inmart" супермаркетінің жұмысымен танысты. Қостанай қаласында "Солнечный" супермаркетіне барып, "Терра" ШҚ көкөніс қоймасының өндірістік қызметімен танысты.