JD com-Қытайда қазақстандық экспорттық өнімді ілгерілетудің жаңа мүмкіндіктері

Сауда және интеграция Вице-министрі Қайрат Төребаев China Xinxing Group Co., LTD Бас директоры Чжан Цзянмен келісімге қол қойды. Қытай корпорациясы JD com платформасында Қазақстанның ұлттық павильонының инвесторы ретінде Қытайдағы өндірушілеріміз бен тұтынушыларымыз арасындағы байланыстырушы буын ретінде әрекет етті.

Бұл қазақстандық компанияларға өз тауарлары мен қызметтерін Қытайдағы тауарлар мен қызметтерді сатуға арналған ең ірі онлайн-платформада ілгерілетуге мүмкіндік береді. Қазіргі уақытта Xinxing компаниясы платформада қазақстандық RG Brands Kazakhstan ЖШС (шай, сусындар), Pamiy ЖШС (шоколад пастасы), Якар ЖШС (драже, карамель кәмпиттері) өнімдерін пилот ретінде ұсынуға қызығушылық білдірді.

Қазақстандық экспорттаушылар алдында ашылатын өз өнімдерін онлайн-платформада ілгерілету мүмкіндіктерін ұсына отырып JD.com Қайрат Төребаев елімізде Alibaba.сom. халықаралық сауда платформасында ұлттық павильон ашудың табысты тәжірибесі бар екенін атап өтті, бүгінде осы сауда алаңында 7 500-ден астам қазақстандық тауар орналастырылған.  Соңғы 3 жылда Alibaba.com сатылымы 225 миллион АҚШ долларынан асты.

Бүгін Сианда мемлекеттік сапар аясында Мемлекет Басшысы Қасым-Жомарт Тоқаев JD com электрондық платформасында Қазақстанның ұлттық павильонын ашты.  Бүгінгі таңда JD com платформасында 400 миллионнан астам тіркелген пайдаланушылар бар. Оның платформасында әлемнің 44-тен астам елінің, оның ішінде ЕО, АҚШ, Азия, ТМД елдерінің ұлттық павильондары жұмыс істейді.