Аккредитация субъектілерінің қызметіне жүргізілген мониторинг нәтижесі бойынша бұзушылықтар анықталды

ЕАЭО техникалық регламенттерінің талаптарына сәйкестігі мен аккредиттелген субъектілердің олар үшін бекітілген аккредиттеу саласы шегінде қызметті орындауы мақсатында берілген сертификаттар мен сәйкестік декларацияларына Ұлттық аккредиттеу орталығы тұрақты негізде мониторинг жүргізеді.

2023 жылғы 4 қаңтардан 20 ақпанға дейінгі кезеңде ҰАО  ЕАЭО 82 сәйкестік сертификаты, ЕАЭО 72 сәйкестік декларациясы, ҚР 10 сәйкестік сертификаты бойынша бұзушылықтар анықталды. Қолданыстағы заңнама шеңберінде шаралар қабылдау үшін ҚР СИМ Техникалық реттеу және метрология комитетіне 164 сәйкестікті растау құжаты жіберілді.

Мәселен, ҚР бағалау субъектілерінің бірі ЕЭК Кеңесінің 2018 жылғы 18 сәуірдегі № 44 "сәйкестікті бағалаудың үлгілік схемалары туралы" шешімінің III бөлімін бұза отырып, сәйкестік сертификатының қолданылу мерзімі ішінде сертификатталған өнімге мерзімді бағалау жүргізу жөніндегі талаптарды орындау бөлігінде және "сәйкестікті бағалау саласындағы аккредиттеу туралы" Қазақстан Республикасы Заңының 20-бабының 4-тармағы" заңды тұлға таратылғаннан кейін Кеңес сертификаттарын беруді жалғастырды.

Тағы бір субъект "Сәйкестікті бағалау саласындағы аккредиттеу туралы" ҚР Заңының 14-бабының 5-тармағын бұза отырып, сәйкестікті бағалау жөніндегі жұмыстарды толық көлемде және бекітілген аккредиттеу саласы шегінде жүргізу бөлігінде әрекет етті, нәтижесінде аккредиттеу материалдарын қарау жөніндегі комиссияның хаттамасы негізінде осы сынақ орталығын "Ойын автоматтары"өнім бөлігінде аккредиттеу аттестаты кері қайтарылып алынды. 8 сынақ хаттамасының күші жойылды.