Сауда және интеграция министрі Бақыт Сұлтанов Экономикалық ынтымақтастық және даму ұйымының өкілдерімен кездесу өткізді
ҚР Сауда және интеграция министрлігінде ведомство басшысы Бақыт Сұлтановтың Экономикалық ынтымақтастық және даму ұйымының делегациясымен кездесуі болып өтті, делегация құрамында ЭЫДҰ-ның Жаһандық байланыстар хатшылығы Еуразия бөлімінің басшысы Уильям Томпсон, ЭЫДҰ-ның Жаһандық байланыстар хатшылығының Еуразия бөлімшесіндегі Орталық Азия елдері бойынша менеджері Грегори Лекомпт, ЭЫДҰ-ның Жаһандық байланыстар хатшылығының Еуразия бөлімінің саяси талдаушысы Амели Чурик бар.
ҚР Сауда және интеграция министрі кездесуге қатысушыларға Республиканың сауда саясатын трансформациялау барысы туралы айтты, онда өндірушілердің - көлік-логистикалық саласын дамыту, сауда жүйесінің - тұтынушылармен арасындағы байланысты кешенді пайымдау және қамтамасыз ету болжанады.
Тараптар Қазақстанның ЭЫДҰ-мен ынтымақтастығын талқылады.
«Біздің Экономикалық ынтымақтастық және даму ұйымымен өзара іс-қимылымыз біз үшін өте маңызды. Қазақстан өз күш-жігерін экспортқа бағдарлануға бағыттады. Біз тек біздің Еуразиялық одақ аясында ғана емес, сонымен қатар жаңа аймақтық бағыттар бойынша да саудамен бірге бірге ұзақ мерзімді экономикалық интеграцияға да назар аударудамыз», - деді Бақыт Сұлтанов.
- Біз тез қозғалуға тырысамыз, өйткені әлем тез өзгеруде, - деді Сұлтанов.
Оның айтуынша, Қазақстанға «сапалы серпілі» қажет: «Сондықтан да ЭЫДҰ стандарттарын енгізу біз үшін өте маңызды».
ЭЫДҰ Жаһандық байланыстар хатшылығының Еуразия бөлімінің басшысы Уильям Томпсон оған министрліктің регламенті «үлкен әсер бергенін» айтты.
«Сіздерде ішкі сауда міндеттері бар. Бұл өте маңызды болып табылады. Өйткені сыртқы сауда көбінесе ел ішіндегі сауда сапасына байланысты болады», - деді ол.
Тараптар Орталық Азия елдері – Қазақстан, Қырғызстан, Тәжікстан, Түркіменстан, Өзбекстан және Ауғанстан арасындағы сауда-көлік байланысын күшейтуге бағытталған «қосымша құнның жергілікті тізбектерін оңтайландыру» жобасы бойынша жасалатын жұмысты талқылады.
ЭЫДҰ бірінші кезеңінде нақты көлік инфрақұрылымы тұрғысынан Орталық Азия елдеріндегі сын-қатерлер мен байланыстылық проблемаларына талдау жүргізді. Жобаның II кезеңі Орталық Азия елдері арасындағы сауда байланысын күшейтуге бағытталатын болады. Осы жұмыстың мақсаты - Орталық Азия елдерінің үкіметтеріне – Қазақстан, Қырғызстан, Тәжікстан, Түркіменстан, Өзбекстан, Ауғанстанға сауда байланыстарын кеңейту және халықаралық интеграция үшін мүмкіндіктерді барынша пайдалануға мүмкіндік беретін саясат пен құралдарды айқындауға жәрдемдесу.
Уильям Томпсон, сондай-ақ ЭЫДҰ-ның Еуразиялық экономикалық одақтың бәсекелестік саясатына шолу жасау шеңберінде ЕЭК-пен ынтымақтастықты бастайтынын хабарлады.
Тараптар сонымен бірге наурыз айында Грузияда өтетін «Қозғалыстағы экономика: стратегиядан іс-қимылға» тақырыбындағы ДСҰ-ның 12-ші министрлік конференциясына және ЭЫДҰ Еуразия апталығының жыл сайынғы отырысына дайындықты талқылады.