2022 жылғы қаңтар-шілдедегі Қазақстанның Қытаймен өзара саудасы

«QazTrade» АҚ хабарлауынша, Қазақстан мен Қытай арасындағы тауар айналымы 2022 жылдың қаңтар-шілде айларында 13,5 млрд АҚШ долл. құрады, бұл өткен жылдың ұқсас кезеңімен салыстырғанда 38,3%-ға жоғары (9,7 млрд. АҚШ доллары).

Сауда балансы жақсарып, + 2,5 млрд АҚШ долл. жетті (өткен жылдың ұқсас кезеңінде +0,8 млрд.АҚШ долл.)

2022 жылғы қаңтар-шілдеде Қазақстаннан Қытайға экспорт 51,7%-ға өсіп, 8 млрд АҚШ долларын құрады.

Қытайға экспорттың өсуі шикі мұнай, мыс кендері мен концентраттары, мыстан жасалған мыс пен катодтар, уран, мырыш кендері мен концентраттары, циклді көмірсутектер және т. б. сияқты тауарларды жеткізудің ұлғаюымен негізделеді.

Өңделмеген мырыш, алюминий оксидтері мен гидроксидтері, бағалы металдардың кендері мен концентраттары, бидай, табиғи газ сияқты тауарлардың экспорттық жеткізілімдерінің төмендеуі байқалады.

2022 жылғы қаңтар-шілдеде Қытайдан Қазақстанға импорт 22,6% - ға өсіп, 5,5 млрд АҚШ долларын құрады.

Қытайдан импорттың өсуі мынадай тауарларды әкелудің ұлғаюымен негізделеді: электр генераторлық қондырғылар, басқа да қара металдардан жасалған бұйымдар, ауаны баптауға арналған қондырғылар, автомобильдер мен тракторларға арналған бөлшектер мен керек-жарақтар, шиналар, жеңіл автомобильдер, топырақты сұрыптауға және ұсақтауға арналған жабдықтар және т. б.

Есептеу машиналары, табаны бар және үсті резеңкеден немесе пластмассадан жасалған өзге де аяқ киім, шұлық-ұйық бұйымдары, өзге де жаңғақтар, арнайы мақсаттағы автомобильдер сияқты тауарлардың импорттық жеткізілімдерінің төмендеуі байқалады.