Бангладеш және Италия - Қазақстан үшін жаңа нарық

Қазақстан Республикасы Сауда және интеграция министрлігінің алғашқы отырысы өтті, онда қандай жұмыстар аяқталғанын және не болатынын көрсетті.

2019 жылғы жұмыс қорытындылары және 2020 жылға арналған жоспарлар туралы Министр Бақыт Сұлтанов баяндама жасады.

Әлемдік сауданың трансформациясы және әлемнің ірі экономикалары арасындағы протекционистік шаралардың күшеюі жағдайында сыртқы сауда саясатын жетілдірудің қажеттілігі артып келеді.

Осыған байланысты, Министрлік бүгінгі сын-қатерлерді ескере отырып, экспортты жылжыту орталық міндет болып табылатын сауда саясатын модернизациялауға шоғырландырды.

Осы мақсатта қазақстандық экспорттаушыларға маркетингтік қолдау көрсетілді.  Министрлік жұмыс істеген алты ай ішінде шетелде 300-ге жуық қазақстандық компаниялардың қатысуымен 50-ден астам іс-шаралар өткізілді.  Бизнес-іс-шаралардың нәтижесі 114 млрд. теңгеден астам сомаға немесе 270 млн. доллардан  астам 63 экспорттық келісім-шарт болды.

Қазақстандық өнімдердің экспортын жылжыту, сауда ынтымақтастығын дамыту және мәмілелер жасасу бойынша ынтымақтастықты нығайту мақсатында Сыртқы істер министрлігімен бірлескен іс-шаралар жоспары жасалды.

Біз ,бұл тетіктер өндіріс құнын 5-10% төмендетеді, сонымен қатар экспорт географиясы мен тауарлар түрін кеңейтеді деп үміттенеміз.  Мәселен, жаңа базарлар пайда болды.  Алғаш рет әскери техника Бангладешке, ал аккумуляторлар Италияға жеткізілді, -деп атап өтті сауда және интеграция министрі.