ҚазСтандарт пен GSO ынтымақтастық жоспарынбекітті

5 қазанда ҚазСтандарт Парсы шығанағындағы араб мемлекеттерінің ынтымақтастық кеңесінің Стандарттау жөніндегі ұйымының Президенті – Сауд әл-Хусаиби мырза бастаған өкілдерімен кездесті.

Парсы шығанағындағы араб мемлекеттерінің ынтымақтастық кеңесінің Стандарттау жөніндегі ұйымы GCC (GSO) – бұл өңірлік стандарттау ұйымы (RSO), ол 2001 жылы GCC Жоғарғы Кеңесінің шешімімен құрылып, 2004 жылдың мамыр айында қызметіне кірісті. Үкімет мүшелерінің құрамына Біріккен Араб Әмірліктері, Катар, Кувейт, Бахрейн Корольдігі, Сауд Арабиясы және Оман Сұлтандығы кіреді. 2010 жылы оларға Йемен Республикасы қосылды. GSO миссиясы-Парсы шығанағындағы араб мемлекеттерінің ынтымақтастық кеңесі (GCC) мемлекеттеріне стандарттау бойынша түрлі іс-шараларды біріктіруге және кейіннен мүше мемлекеттермен жүзеге асыруға көмектесу (НОС).

Кездесу барысында тараптар Қазақстан мен Парсы шығанағы елдеріндегі ауыл шаруашылығы өнімдері сапасының инфрақұрылымын талқылады, бірақ басты тақырып ҚазСтандарт пен GSO ынтымақтастығының ықтимал жолдары болды. Кездесудің қорытындысы2021-2022 жылдарға арналған іс-шаралар жоспарына қол қою болды, оған байланыс топтарын құру, стандарттармен және оларды әзірлеу тәжірибесімен алмасу, сондай-ақ сарапшылармен алмасу үшін тағылымдамалар ұйымдастыру кіреді.