Қазақстаннан қарақұмықты шығару квоталанатын болады

Қарақұмық жармасына ішкі бағаларды тұрақтандыру және халықты қамтамасыз ету мақсатында Еуразиялық экономикалық комиссия Алқасының шешімімен үш ай мерзімге 2021 жылғы 31 тамызға дейін ЕАЭО-ға мүше мемлекеттерден қарақұмық экспортына сандық шектеулер енгізіледі.

Қарақұмықтың ішкі қорларының, экспорттық келісімшарттардың болуын ескере отырып, қазақстандық кәсіпкерлер үшін қарақұмық экспортын 4200 тонна шегінде жүзеге асыру мүмкіндігі сақталды.

Сонымен қатар ЕАЭО-ның басқа елдерінде аталған жарманы шығаруға нақтысында тыйым салынды.

Қазіргі уақытта Ауыл шаруашылығы министрлігі мен Сауда және интеграция министрлігі экспорттаушылар арасында осы квотаны бөлу ережелерін талқылауда.

Анықтамалық:  2020 жылы қарақұмық экспорты (СЭҚ ТН коды 100810000) 4,3 млн.АҚШ доллар соммасына 7,5 мың.тоннаны құрады, 2019 жылмен салыстырғанда заттай көріністе 5,85% - ға ұлғайды (2,61 млн.АҚШ доллары соммасына 7,1 мың тонна). Сонымен қатар, 2020 жылы олардың көп бөлігі Украинаға (94%), аз ғана бөлігі Қырғызстан, Тәжікстан, Түркия және Польшаға экспортталды.

 

Қазақстан Республикасы

 Сауда және интеграция министрлігі

Баспасөз қызметі