Сауда министрлігі – КazanЕxpress маркетплейсінде "Made in KZ" алаңы ашылады

Қазан - 2021 жылғы 29 сәуір. Бүгін Қазақстан мен Татарстан сауда-экономикалық және инвестициялық салалардағы екіжақты ынтымақтастықты дамыту мәселелерін талқылауда. Осылайша, Қазақстанның Ресейдегі Сауда өкілдігі қазақстандық және татар компаниялары мен ведомстволарының басшылары арасында бірқатар кездесулер ұйымдастырды.

Татарстан Республикасына сапары барысында ҚР Сауда және интеграция министрі Бақыт Сұлтанов KazanExpress маркетплейсінің негізін қалаушысымен және басшылығымен кездесу өткізді, оның барысында оған компанияның қызметі, сондай-ақ оны дамыту жоспарлары таныстырылды.

Сонымен, компанияда айтып өткендей, шекаралық ынтымақтастық аясында маркетплейс Орал, Ақтөбе және Петропавл қалаларында беру пункттерін ашу жоспарланып отыр.

Бақыт Сұлтанов, өз кезегінде, қолда бар даму әлеуетін атап өтіп, Қазақстандағы фуллфилмент-орталықтар желісін дамытуға қатысу мүмкіндігін қарастыруды ұсынды.

Бүгінгі таңда KazanExpress - Ресейдің 52-ден астам қалаларын қамтитын, AliExpress-пен және Ресейдің көптеген логистикалық компанияларымен белсенді ынтымақтастық жасайтын, жылдам дамып келе жатқан жас маркетплейстерінің бірі. 2020 жылы осы алаңның түсімінің өсуі 900% - дан астам құрады. Алаңда 3000-нан астам кәсіпкер жұмыс істейді және 500-ге жуық тауар беру пункттері бар.

Бақыт Сұлтанов белгілі бір бірлескен жұмыс басталғанын атап өтті. Бұған дейін ҚР-ның РФ-дағы Сауда өкілдігі QazTrade және KazanExpress-пен бірлесіп, маркетплейс алаңында саудаға мүдделі қазақстандық кәсіпкерлер үшін алғашқы вебинар өткізді,

Жүргізілген жұмыстың арқасында жекелеген қазақстандық компаниялар осы өткізу арнасын игеріп жатыр және сауда өкілдігінің көмегімен КazanЕxpress-те қазақстандық шай өнімдерін сатуды ашу жоспарлануда.

Ал бүгін кездесу барысында тараптар қазақстандық тауарларды танымал ету үшін "kazanexpress" интернет дүкенінде "Made in KZ" арнайы алаңын ұйымдастыруға келісті. Бұл үшін Қазандағы Сауда өкілдігі қазақстандық тауарларды сатуды одан әрі тестілеу үшін тауарлардың сынамалық партиясын шоғырландырылған жеткізуді ұйымдастыру бойынша жұмыс жүргізеді.