Тауардың шығу тегін растайтын құжаттардың тізбесін бекіту туралы» Қазақстан Республикасы Премьер-Министрінің Орынбасары - Қазақстан Республикасының Индустрия және жаңа технологиялар министрінің 2014 жылғы 8 шілдедегі № 257 бұйрығына
өзгерістер енгізу туралы
БҰЙЫРАМЫН:
бұйрықтың кіріспесі мынадай редакцияда жазылсын:
««Қазақстан Республикасының Ұлттық кәсіпкерлер палатасы туралы» 2013 жылғы 4 шілдедегі Қазақстан Республикасы Заңының
14-бабы 8) тармақшасына сәйкес БҰЙЫРАМЫН:»;
көрсетілген бұйрықпен бекітілген тауардың шығу тегін растайтын құжаттардың тізбесі осы бұйрыққа қосымшаға сәйкес жаңа редакцияда жазылсын;
1) осы бұйрықты Қазақстан Республикасы Әділет министрлігінде мемлекеттік тіркеуді;
2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.
|
Лауазымы |
|
Аты-жөні |
Қазақстан Республикасы
Сауда және интеграция министрінің
2020 жылғы « »
№ бұйрығына
қосымша
Қазақстан Республикасы
Премьер-Министрінің орынбасары
– Қазақстан Республикасының
Индустрия және жаңа
технологиялар министрінің
2014 жылғы 8 маусымдағы
№ 257 бұйрығымен
бекітілген
Тауардың шығу тегін растайтын құжаттардың тізбесі
2) заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтаманың (куәліктің) көшірмесі;
3) жеке кәсіпкерлер үшін – жеке кәсіпкер ретінде мемлекеттік тіркеу туралы куәлігінің көшірмесі немесе жеке кәсіпкер ретінде қызметтің басталғаны туралы хабарламаның көшірмесі;
4) шаруа немесе фермер қожалықтары үшін - шаруа (фермер) қожалығын мемлекеттік тіркеу туралы куәліктің көшірмесі немесе жеке кәсіпкер ретінде қызметтің басталғаны туралы хабарламаның көшірмесі.
Тауарды көрмеге (жәрмеңкеге) шығарған жағдайда, сондай-ақ, егер тауар Қазақстан Республикасының аумағынан әкеткеннен кейін сатылған жағдайда, егер бұл бір жақты тәртіппен белгіленген (әкелу) елі (одағы) қолданыстағы (ратификацияланған) халықаралық келісімдердің/шарттардың және/немесе шығарған елді айқындау қағидаларының (шығарған елді айқындау өлшемшарттарының) талаптарына қайшы келмесе, осы Бұйрықтың 2-тармағында көрсетілген құжаттарды ұсыну талап етілмейді.
1) егер өтініш беруші көрсетілген осы тармақтың 2), 4), 5), 6), 7), 8), 9), 12), 13), 14), 15), 16), 17), 18), 19) және 20) тармақшаларында тауарды өндіруші болып табылмаса, онда өтініш берушіге тауарға меншік құқығының өндірушіден өтуін растайтын құжаттардың көшірмелері (тауар өндірушіден өтініш берушіге меншік құқығының өтуін растайтын шарт және (немесе) шот-фактура және (немесе) жүкқұжат және (немесе) өзге құжат) ұсынылады;
2) Қазақстан Республикасының жер қойнауынан, не аумақтық теңізде (Қазақстан Республикасының өзге су қоймасында) немесе түбінде өндірілген пайдалы қазбаларға, минералдық өнімдерге, жер ресурстарына арналған лицензия және (немесе) жер қойнауын пайдалануға арналған келісімшартты және (немесе) жер қойнауын пайдалануға арналған келісімшартты тіркеу туралы акті және (немесе) сенімгерлік басқару шарты ұсынылады (көрсетілген құжаттарды жылына 1 рет ұсынады);
3) өсімдік тектес ауыл шаруашылығы тауарларына, оның ішінде көкөністер мен жемістерге өсімдік тектес ауыл шаруашылығы тауарларына, оның ішінде көкөністер мен жемістерге жүкқұжаттың немесе астық қолхатының көшірмесі немесе астық қолхаты бойынша үзінді немесе тауарға меншік құқығының өтініш берушіге өтуін растайтын өзге де құжат, сондай-ақ өтініш берушіден өнімді жинау орны туралы анықтама беріледі;
4) жабайы өсетін өсімдіктерге және осындай өсімдіктерді және олардың бөліктерін кесу, жинау немесе дайындау заңдылығын куәландыратын құжаттардың көшірмелері ұсынылады;
5) тірі жануарлардың барлық түрлеріне (ауыл шаруашылығы, үй, жабайы, хайуанаттар бағы, теңіз, кәсіпшілік мамық, цирктік, зертханалық және басқалар); тірі құстардың барлық түрлері (үй, жабайы, сәндік); тірі аралар, тарқатуға жарамды жібек құртының пілләлары; тірі сәндік жәндіктер, қосмекенділер, бауырымен жорғалаушылар және рептилиялар; тірі балық (оның ішінде сәндік), тірі бақалар, шаяндар, теңіз омыртқасыздары және басқа гидробионттар, ұстау мен өсіруге арналған шарап ұлулары; ұрықтандырылған уылдырық, эмбриондар, зиготалар, жануарлар ұрығы; инкубациялық жұмыртқа; балықтарға арналған тірі азыққа (оның ішінде, гамарус, артемия салина) ауланған жері туралы анықтаманың немесе өндіріс объектісіне (жануарлар мен құстарды өсіру) есептік нөмір беру туралы растаудың немесе экспортқа рұқсаттың немесе ветеринариялық сертификаттың/анықтаманың көшірмесі ұсынылады;
6) ауыл шаруашылығы малдарынан алынған бүтіндей, жартылай, төрттен бір бөліктегі, бөліктегі етке, ауыл шаруашылығы құстарының етіне, сондай-ақ ауыл шаруашылығы малдары мен құстарының сойылған субөнімдеріне, қыртыс, қақталмаған және ерітілген майларға өндіріс объектісіне (сою цехына) есептік нөмір берілгені туралы растаудың, тірі жануарлар мен құстарға (союға (союға) ұшыраған ветеринариялық анықтаманың және (немесе) өндіріс объектісіне (жануарлар мен құстарды өсіру) есептік нөмір берілгені туралы растаудың және (немесе) ауыл шаруашылығы малдарынан алынған, экпортқа рұқсаттың (болған жағдайда) және (немесе) ветеринариялық сертификаттың/анықтаманың көшірмесі ұсынылады;
7) жас, тоңазытылған, мұздатылған балыққа, теңіз жануарларының, су организмдерінің, оның ішінде ұлулардың, шаян тәрізділердің, басқа да су омыртқасыздарының етіне балық аулаудың шығу тегі туралы анықтаманың немесе экспортқа рұқсаттың немесе ветеринариялық сертификаттың/анықтаманың көшірмелері ұсынылады. Егер Тізбенің осы тармақшасында көрсетілген тауарды аулау/қайта өңдеу жүргізілетін кемені Қазақстан Республикасының резиденті жалға алса (жалға алса), онда осындай фактіні растайтын құжаттардың көшірмелері ұсынылады;
8) жабайы жануарлар мен құстардан алынған бүтіндей, жартылай, төрттен бір бөліктегі, бөліктегі етке, сондай-ақ жабайы жануарлар мен құстардың сойылған субөнімдеріне, қақталмаған және ерітілген майларға ветеринариялық сертификаттың көшірмесі немесе экспортқа рұқсаттың көшірмесі ұсынылады;
9) ара балына; тауарлық құс жұмыртқасына; тері және мамық жүнді шикізатқа, эндокринді шикізатқа; ішек шикізатына; тағамдық емес субөнімдерне; өңделмеген мүйіз тұяқты шикізатқа, оның ішінде сүйектерге; шашқа (қыл, жүн, мамық, қауырсын, қыл-қыбыр, түлеген терілер), тері шикізатының шеліне және кесінділеріне, өт, балауыз, ара желімі, мерва, аналық сүт, ара уы, жылан уы, аңшылық олжа, қиға (құстың қиы) ветеринариялық сертификаттың/анықтаманың көшірмесі немесе экспортқа рұқсаттың көшірмесі ұсынылады;
10) бұрын пайдалануда болған және Қазақстан Республикасының аумағында жиналған түсті және қара металдардың сынықтары мен қалдықтарына лицензияның (рұқсаттың) немесе түсті және қара металдардың сынықтары мен қалдықтарын жинау (дайындау), сақтау, қайта өңдеу және өткізу жөніндегі қызметтің басталғаны туралы хабарламаның көшірмесі және осы Тізбеге 2-қосымшаға сәйкес өтініш берушінің анықтамасы ұсынылады;
11) қайта өңдеу жөніндегі өндірістік немесе өзге де операциялар нәтижесінде алынған қалдықтарға (қайталама шикізатқа), оның ішінде түсті және қара металдардың сынықтары мен қалдықтарына қалдықтарды/сынықтарды есептен шығару (пайда болу) актісінің (анықтамасының) көшірмесі және (немесе) негізгі құралдарды істен шығаруға (есептен шығаруға) арналған актінің көшірмесі және (немесе) негізгі құралдарды бөлшектеу және демонтаждау кезінде алынған қорларды кіріске алу туралы актінің көшірмесі және (немесе) осы Тізбеге 3-қосымшаға сәйкес өтініш берушінің анықтамасы ұсынылады (осы құжаттарды түсті және қара металдардың қалдықтары мен сынықтарын өңдеуге байланысты қызмет түрін жүзеге асырмайтын өтініш беруші ғана береді);
12) суға су объектілерін пайдаланудың заңдылығын растайтын құжаттардың көшірмелері немесе сумен жабдықтау және (немесе) суды тартуға шарттың көшірмесі ұсынылады;
13) осы тармақтың 2) тармақшасында көрсетілген шикізат пен материалдардан ғана өндірілген тауарларға өндіруге арналған лицензияның және (немесе) жер қойнауын пайдалануға арналған келісімшартты тіркеу туралы акт және (немесе) сенімгерлікпен басқару шартының көшірмесі (көрсетілген құжаттарды жылына 1 рет ұсынуға рұқсат етіледі), технологиялық процестің қысқаша сипаттамасының көшірмесі, соған сәйкес тауар өндірілген стандарттау жөніндегі құжаттың көшірмесі (тауарды қосымша сәйкестендіруді жүргізу немесе жеткілікті қайта өңдеу өлшемін айқындау қажет болған жағдайда уәкілетті тұлғаның сұрау салуы бойынша ұсынылады) ұсынылады;
14) 3) тармақшада көрсетілген шикізат пен материалдардан ғана өндірілген тауарларға жүкқұжаттың немесе астық қолхатының көшірмелері немесе астық қолхаты бойынша үзінді немесе өтініш берушіге тауарға меншік құқығының ауысқанын растайтын өзге құжат, өнімді жинау орны туралы анықтама, технологиялық процестің қысқаша сипаттамасы, соған сәйкес тауар өндірілген стандарттау жөніндегі құжат ұсынылады (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады);
15) осы тармақтың 4) тармақшасында көрсетілген шикізат пен материалдардан ғана өндірілген тауарларға мұндай өсімдіктерді және олардың бөліктерін кесу, жинау немесе дайындау заңдылығын куәландыратын құжаттардың көшірмелері, технологиялық процестің қысқаша сипаттамасы, оларға сәйкес тауар өндірілген стандарттау жөніндегі нормативтік құжаттар ұсынылады (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады);
16) осы тармақтың 5), 6), 8) және 9) тармақшаларында көрсетілген шикізат пен материалдардан ғана өндірілген тауарларға ветеринариялық анықтаманың көшірмесі, технологиялық процестің қысқаша сипаттамасының көшірмесі, соған сәйкес тауар өндірілген стандарттау жөніндегі құжаттың көшірмесі (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады) және тауар өндірушіге өндіріс объектісіне есептік нөмір беру туралы растаудың көшірмесі ұсынылады;
17) осы тармақтың 7) тармақшасында көрсетілген шикізаттар мен материалдардан ғана өндірілген тауарларға ветеринариялық анықтаманың немесе балықтың қайдан ауланғаны туралы анықтаманың, технологиялық процестің қысқаша сипаттамасының, соған сәйкес тауар өндірілген стандарттау жөніндегі құжаттың (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады) және тауар өндірушіге өндіріс объектісіне есептік нөмір беру туралы растаудың көшірмесі ұсынылады;
18) түсті және қара металдардың сынықтары мен қалдықтарынан ғана өндірілген тауарларға қалдықтарды/сынықтарды есептен шығару (пайда болу) актісінің (анықтамасының) көшірмесі және (немесе) негізгі құралдардың істен шығуына (есептен шығаруға) арналған актінің көшірмесі және (немесе) негізгі құралдарды бөлшектеу және демонтаждау кезінде алынған қорларды кіріске алу туралы актінің көшірмесі, технологиялық процестің қысқаша сипаттамасының көшірмесі, соған сәйкес тауар өндірілген стандарттау жөніндегі құжаттың көшірмесі ұсынылады (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады);
19) түсті және қара металдардың сынықтары мен қалдықтарынан басқа қалдықтардан (қайталама шикізаттан) ғана өндірілген тауарларға қалдықтардың пайда болу анықтамасының көшірмесі және (немесе) негізгі құралдардың істен шығуына (есептен шығаруға) арналған актінің көшірмесі және (немесе) негізгі құралдарды бөлшектеу және демонтаждау кезінде алынған қорларды кіріске алу туралы актінің көшірмесі, технологиялық процестің қысқаша сипаттамасының көшірмесі, соған сәйкес тауар өндірілген стандарттау жөніндегі құжаттың көшірмесі ұсынылады (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады);
20) осы тармақтың 2), 3), 4), 5), 6), 7), 8), 9), 10), 11), 12) және 13) тармақшаларында көрсетілген шикізат пен материалдардан ғана өндірілген тауарларға осы тармақтарда көрсетілген құжаттар, сондай-ақ технологиялық процестің қысқаша сипаттамасының көшірмесі және оған сәйкес тауар өндірілген стандарттау жөніндегі құжаттың көшірмесі ұсынылады (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады);
21) тек атмосфералық ауадан өндірілген тауарларға технологиялық процестің қысқаша сипаттамасының көшірмесі, соған сәйкес тауар өндірілген стандарттау жөніндегі құжаттың көшірмесі ұсынылады (тауарды қосымша сәйкестендіруді жүргізу немесе жеткілікті қайта өңдеу өлшемшарттарын айқындау қажет болған жағдайда, уәкілетті тұлғаның сұрау салуы бойынша ұсынылады);
22) электр, жылу және өзге де энергия түрлеріне өтініш берушіге тауарға меншік құқығының ауысқанын растайтын шарттың немесе өзге де құжаттың көшірмесі ұсынылады.
1) егер өтініш беруші мәлімделген тауарды өндіруші болып табылмаса, онда тауарға меншік құқығының өндірушіден өтініш берушіге өтуін растайтын құжаттардың көшірмелері (шарт және (немесе) шот-фактура және (немесе) жүкқұжат және (немесе) тауар өндірушіден өтініш берушіге меншік құқығының өтуін растайтын өзге де құжат) ұсынылады);
2) тауар өндірісінде пайдаланылатын шикізат пен материалдарға меншік құқығының өтуін растайтын шарттың және (немесе) шот-фактураның және (немесе) өзге де құжаттың көшірмесі;
3) тауарды өндірудің технологиялық процесін қысқаша сипаттаудың көшірмесі;
4) оған сәйкес тауар өндірілген стандарттау жөніндегі құжаттың көшірмесі (тауарды қосымша сәйкестендіруді жүргізу немесе жеткілікті қайта өңдеу өлшемін айқындау қажет болған жағдайда уәкілетті тұлғаның сұрау салуы бойынша ұсынылады);
5) шетелде шығарылған шикізат пен компоненттердің құнын бөле отырып, франко-зауыт бағасы бойынша тауар құны шығындары калькуляциясының көшірмесі.
1) тауарды сатып алуға арналған құжаттардың көшірмелері (шарт және (немесе) шот-фактура немесе тауардың өтініш берушіге меншік құқығының өтуін растайтын өзге құжат);
2) Қазақстан Республикасының аумағына тауарды әкелу фактісін растайтын құжаттардың көшірмелері (тауарларға арналған декларация (егер тауар Еуразиялық экономикалық одаққа мүше мемлекеттердің аумағынан әкелінген болса, онда тауарларға арналған декларация ұсынылмайды), тауарды тасымалдау туралы құжаттар (егер тауар Еуразиялық экономикалық одаққа мүше мемлекеттердің аумағынан автомобиль көлігімен тасымалданатын болса, онда қосымша мемлекеттік бақылаудан өту талоны ұсынылады);
3) тауардың шығу тегін растайтын құжаттардың көшірмелері (тауардың шығу тегі туралы сертификаттың көшірмесі немесе қолданыстағы (ратификацияланған) халықаралық келісімдердің/шарттардың және (немесе) әкету елі (одағы) біржақты тәртіппен белгілеген шығарылған елді айқындау ережесінің (шығарылған елді айқындау өлшемшарттарының) талаптарына сәйкес берілген тауардың шығу тегі туралы декларацияның көшірмесі).
1) тауарға кедендік декларацияның көшірмесі;
2) егер тауар Еуразиялық экономикалық одаққа мүше мемлекеттердің елдеріне экспортталса, онда көлік құжаттарының көшірмелері ұсынылады.
1) шикізаттың, материалдардың, тауардың шығу тегін растайтын құжаттардың көшірмелерін;
2) аккредиттелген сынақ зертханалары (орталықтары) берген шикізатқа, материалдарға және (немесе) тауарға сынақ хаттамаларының көшірмелерін сұратады.
Ескертпе:
Шарттың қолданылу мерзімі бір күнтізбелік жылдан және одан көп созылатын ұзақ мерзімді шарттар (келісімшарттар, келісімдер) және Өтініш берушінің мәртебесін, сондай-ақ тауардың сериялық өндірісін, тауарды дайындау құқығын растайтын құжаттар оларға қандай да бір өзгерістер мен толықтырулар енгізілуіне қарай кейіннен жаңартылып, бір рет ұсынылады.
Ақпараттық жүйелерден алуға болатын құжаттар мен мәліметтерді талап етуге жол берілмейді.