Ағымдағы жылы Сауда және интеграция министрлігі Тұтынушылардың құқықтарын қорғау комитетінің, «Жаңа Шабыт» және «Әділет «Тұтынушылардың құқықтарын қорғау қоғамы» Қоғамдық Бірлестіктерінің қолдауымен оқыту және ақпараттық-әдістемелік қызметтер арқылы тұтынушылардың құқықтарын қорғау мәселелері бойынша ақпараттық-ағарту бағдарламасы іске асырылуда.
«Астанада жаңа оқу жылының басынан бастап Л. Н. Гумилев Еуразия ұлттық университетінде бейресми білім беру аясында «Тұтынушылардың құқықтарын қорғау» пәні курсының бағдарламасын енгізді. Жыл соңына дейін осындай білім беру бағдарламалары Алматы Менеджмент университетінде, Шымкент қаласында Орталық Азия Инновациялық университетінде, Қазтұтынуодағы Қарағанды университетінде және Батыс және Шығыс Қазақстан облысының университеттерінде іске асырылады»,- дейді «Жаңа Шабыт» ҚБ төрағасы Талғат Ахымбетов.
Осы мақсатта Қазақстан тұтынушыларының ұлттық лигасы ЖОО студенттеріне арналған оқулық пен лекторларға арналған әдістемелік ұсыныстар әзірледі. Сонымен қатар, ағымдағы жылы «Жастар қозғалысы Қазақстанның болашағы үшін» қоғамдық бірлестігі тұтынушылардың құқықтарын қорғау саласы мәселелері бойынша Қазақстанның барлық өңірлері халқының қоғамдық пікірін зерделеу жолымен әлеуметтік зерттеу жүргізуде.