Қазақстанда қазір жұмыс істеп тұрған тұтынушылардың 65 қоғамдық бірлестігі бар, олардың 40-қа жуығы бізбен белсенді өзара іс-қимыл жасауда. Айта кету керек, бүгінгі таңда Комитет құрамына еліміздің 15 өңіріндегі 30 қоғамдық ұйым кіретін Қазақстанның республикалық тұтынушылар қауымдастығымен тығыз ынтымақтастық орнатқан.
Қоғамдық бірлестіктермен бірлесіп тұрақты негізде тұтынушылардың құқықтарын қорғау саласын одан әрі дамыту жоспарында министрлік бастамаларын талқылау бойынша кездесулер, конференциялар өткіземіз. Мәселен, таяудағы Үкімет отырысында біздің министр бірқатар бастамаларды ұсынды. Олардың бірі-барлық қоғамдық ұйымдарды өңірлердегі өкілдіктермен бірыңғай ұлттық тұтынушылар қауымдастығына біріктіру және тұтынушылардың құқықтарын қорғау жүйесінде азаматтық сектордың рөлін нығайту үшін омбудсмен институтын енгізу. Бұл ұсыныстар азаматтық қоғаммен жоғары бағаланып, толық қолдау тапты, өйткені оларды алдыңғы қатарлы шет елдер сынап көрді.
Біздің барлық бастамаларымызды іске асыру мақсатында Комитет тұтынушылардың құқықтарын қорғаудың біртұтас жүйесін құру үшін іс-шаралар жоспарын әзірледі, оны таяу уақытта Үкімет бекітетін болады.