Тұтынушылар құқығын қорғау комитетінің тапсырысы бойынша азық-түлік өнімдерінің қауіпсіздігін қамтамасыз ету және тұтынушылар құқығын қорғау мақсатында сарапшылар кең таралған сүт өнімдерінің бірі – айранды зерттеді. «Маңғыстау облыстық тұтынушылар құқығын қорғау қоғамы» қоғамдық бірлестігімен жүргізген зерттеу нәтижелері өте алаңдатарлық.
Алматы облысының Қонаев қаласындағы дүкендердің бірінен сатып алынған айран үлгісі Алматы қаласындағы Ұлттық сараптама орталығы филиалының аккредиттелген зертханасында зерттелді. Талдау нәтижесінде өнімнің Кеден одағының техникалық регламенттерінің талаптарына сай келмейтіні анықталды. Атап айтқанда, каприл қышқылының мөлшері жоғары, ал каприн қышқылының мөлшері төмен болды.
Каприл қышқылының мөлшерінің жоғары болуы өндіріс технологиясының бұзылуы немесе өнімнің дұрыс сақталмауы салдарынан болуы мүмкін. Бұл айранның дәмдік қасиеттерінің нашарлауына, сондай-ақ тұтынушылардың денсаулығына теріс әсер етуіне, ас қорыту жүйесінің бұзылуына әкелуі мүмкін.
Ал каприн қышқылының мөлшерінің төмен болуы өнімнің майлылығы бұзылуының белгісі болып табылады, бұл оның сапасы мен тағамдық құндылығына теріс әсер етуі мүмкін. Сонымен қатар сүт өнімінің жасанды түрде жасалуы немесе сұйылтылуының белгісі болып табылады, сондай-ақ оның табиғилығы мен стандарттар сәйкестігіне күмән тудырады.
Сапалы айранды қалай таңдауға болады?
Сарапшылар айран таңдағанда мынадай жайттарға назар аударуды ұсынады: