Өтініштердің бірінде тұтынушы тауарды айырбастаудан және қайтарудан бас тарту мәселесі бойынша жүгініп, тұтынушы автосалоннан жаңа көлік сатып алып, машинаны қабылдау кезінде бамперден сынық тапқанын мәлімдеген, деп хабарлайды jambylinfo.kz.
Тұтынушы Павлодар облысы бойынша сауда және тұтынушылардың құқықтарын қорғау департаментіне жүгінген. Осы орайда «Тұтынушылардың құқықтарын қорғау туралы» ҚР Заңының 30 бабының 2-1 тармағына сәйкес, тұтынушы техникалық жағынан күрделі тауардың елеулі кемшілігін анықтаған және ол шартты бұзу және тауар үшін төленген ақшаны қайтару туралы талап қойған жағдайда, техникалық жағынан күрделі тауарды және оның құрамдасын сатушы осы талапты үш жұмыс күні ішінде қанағаттандыруға міндетті.