Департамент 2023 жылы тұтынушылардың 1310 өтінішін қарады. 2022 жылмен салыстырғанда олардың саны 34% - ға өсті ."Тұтынушылардың құқықтарын қорғау туралы" ҚР Заңына сәйкес тұтынушыларға ұсынылатын тауарлар, қызметтер, жұмыстар сапалы әрі қауіпсіз болуға тиіс. Заң шеңберінде тұтынушылардың құқықтары мен сатушылардың (дайындаушылардың, орындаушылардың) міндеттері белгіленген. Тұтынушылардың тауардың (жұмыстың, көрсетілетін қызметтің) кемшіліктері салдарынан олардың өміріне, денсаулығына және (немесе) мүлкіне келтірілген залалды (зиянды) және моральдық зиянды өтеуге құқығы бар.