ТЕХНИКАЛЫҚ РЕТТЕУДІҢ РӨЛІ

Әр адамның өмірі әдеттегідей өтуде. Нарыққа немесе үлкен супермаркетке баратын әрбір адам өздері үшін және жақын адамдары үшін қауіпсіз өнімдерді алуды қалайды (тамақ, киім, косметика, ойыншықтар және т.б.). Бірақ біз тіпті бұл бұйымдардың айналымға шықпай тұрып, адамдардың өмірін, денсаулығының, жануарлардың және қоршаған ортаны қорғау талаптарына сәйкестігін тексеріп, растау үшін, олар барлық циклдар арқылы өтетініне күмәнданбаймыз.

Осы үдерістерді реттейтін негізгі заң «Техникалық реттеу туралы» Қазақстан Республикасының Заңы болып табылады. Осы құжатсыз, техникалық реттеу саласындағы өнімдерді, қызметтерді, өнімнің өмірлік циклінің процестерін, сәйкестікті бағалауды, аккредиттеуді және мемлекеттік бақылауды міндетті және ерікті талаптарды белгілеу, қолдану және орындау кезінде әлеуметтік қатынастарды реттеуге болмайды.

Техникалық реттеу объектілері өнімдер, қызметтер, процестер болып табылады. Техникалық реттеу субъектілері болып Қазақстан Республикасының аумағында жұмыс істейтін және Қазақстан Республикасының азаматтық заңнамасына сәйкес техникалық реттеу объектілерін пайдалану құқығына ие мемлекеттік органдар, сондай-ақ жеке және заңды тұлғалар табылады.

Техникалық реттеудің негізгі мақсаттары:

- өнімді, адам өміріне, денсаулығына және қоршаған ортаға, оның ішінде өсімдіктер мен жануарлар өміріне қауіпсіздігін қамтамасыз ету;

- ұлттық қауіпсіздікті қамтамасыз ету;

- тауарлар мен қызметтердің қауіпсіздігі мен сапасына қатысты тұтынушыларды адастыру әрекеттерінің алдын алу;

- саудадағы техникалық кедергілерді жою;

- отандық өнімдердің бәсекеге қабілеттілігін арттыру;

- табиғи және энергетикалық ресурстарды үнемдеу.

Бұл құжат техникалық регламенттерді әзірлеу мен қабылдауда маңызды болып табылады. Осыған байланысты, өнімді сатып алудан бұрын, осы өнім сәйкестіктің расталғандығын және өнімге қолданылатын техникалық регламенттерге сәйкес сертификаттар немесе сәйкестік туралы декларация бар-жоқтығына назар аударуды ұсынамыз.