ЭТАЛОН ОРТАЛЫҒЫНА - 12 ЖЫЛ!

12 жыл бұрын, 2006 жылы 12 желтоқсанда Қазақстан Республикасының Президенті Нұрсұлтан Назарбаев уақыт пен жиіліктің  мемлекеттік  эталонын іске қосып, Эталон орталығын ресми түрде ашты.

Есілдің сол жағалауында, елорданың әкімшілік орталығында орналасқан ғимарат, мемлекеттік өлшем жүйесінің негізгі міндеттерін шешеді - шамалар бiрлiктерiнің эталондық базасын жасайды және жетілдіреді, оларды құру, бекіту және сақтау қағидаларын белгілейді.

Орталықта Қазақстан Республикасы Инвестициялар және даму министрлігінің стандарттау, метрология және сертификаттау саласында жұмыс істейтін ұйымдар орналастырылған – ҚР ИДМ-нің Техникалық реттеу және метрология комитеті, «ҚазМетрИн» РМК зертханаларымен бірге, «ҚазСтИн» РМК - стандарттау және сертификаттау институты, «ҰАО»  ЖШС - ұлттық аккредиттеу орталығы.

Орталық мемлекеттік құрылымдардың, ғылыми қоғамдастықтардың, Қазақстанның студенттік және іскер топтарының өкілдерінің жұмысын біріктіреді және шетелдік делегациялардың қатысуымен ресми кездесулер өткізу орны болып табылады. Сонымен қатар ғимарат еліміздің өңірлеріндегі, халықаралық серіктестермен және өкілдіктермен бейнеконференциябайланыс режимінде келіссөздер жүргізу үшін техникалық шешімдермен жабдықталған.

Эталон орталығының қызметі тәуелсіз мемлекеттің нышаны болып табылады және сауда-экономикалық және ғылыми-техникалық салалардағы Қазақстанның басқа елдермен ынтымақтастығын дамытуға, соның ішінде техникалық реттеу саласындағы талаптарды  түсіну және орындау процесін жеңілдетуге қолдау көрсетуде маңызды үлес болып табылады.

Саяси тұрақтылық және ел экономикасының белсенді қалыптасуы еліміздің техникалық және экономикалық тәуелсіздігін қамтамасыз ететін және отандық тауар өндірушілердің бәсекеге қабілетті өнімдерін өндіруге ықпал ететін жаңа эталондар жүйесін қалыптастыруға мүмкіндік берді.

Бүгінгі таңда Қазақстандағы эталондық база 101 бірлік эталондары мен эталондық жабдықтан тұрады, оның ішінде: 53 бірлік мемлекеттік эталон және 48 бірлік жұмыс істеп тұрған мемлекеттік эталон, оның негізгі міндеттері:

• Қазақстанда жасалған өлшемдердің нақтылығы мен анықтығына халықаралық сенім арту;
• халықаралық талаптармен үйлестірілген берік нормативтік базаны құру;
• экономика салалары үшін жоғары дәлдігі жоғары өлшемдерді орындау;
• ғылыми-зерттеу жұмыстарын жүргізу;
• кәсіпорындарға  метрологиялық қызмет көрсету үшін өңірлік орталықтар құру.

 Қазақстанның эталондық базасы өлшемдердің түрлі салаларында жұмыс істейтін, кәсіпорындар, ұйымдар, жеке сектор арасындағы буынды байланыстыратын, өлшемдерің, өндірушілер мен өлшем құралдарын пайдаланушылардың нәтижелерін тұтынушылар болып табылатын, әртүрлі өлшем салаларында жұмыс істейтін эталондар жиынтығын тұспалдайтын еліміздің экономикасын метрологиялық қамтамасыз ету жүйесінің маңызды элементімен отандық метрологияны дамытудың орталығы болды.

Тәуелсіздік жылдары ішінде республиканың эталондық базасы тек сандық ғана емес, сапалы да дамыды және жетілді. Қолданыстағы эталондық базаны тұрақы түрде жаңғырту республиканың метрологиясын сапалы жаңа деңгейге көтеруге, сондай-ақ Қазақстандық қатысушыларды өнімдерді экспорттау және елдердегі басым және жоғары экспорттық қызығушылықтағы қазақстандық бизнестің мүдделерін қорғау үшін кедергілерді еңсеруде  сыртқы экономикалық қызметке ықпал етуге мүмкіндік берді.