ТАЛДЫҚОРҒАН ҚАЛАСЫНДАҒЫ "ТФ АЖАР" ЖШС ТІГІН ФАБРИКАСЫНДА ЖҰМЫС КЕЗДЕСУІ ӨТТІ

Техникалық реттеу және метрология комитетінің Алматы облысы бойынша департаментінің мамандары Талдықорған қаласындағы «ТФ Ажар» ЖШС тігін фабрикасында Техникалық реттеу мәселелері бойынша жұмыс кездесуін өткізді.

Жұмыс кездесуі барысында техникалық реттеу, өлшем бірлігін және Еуразиялық экономикалық одақтың құжаттарын қамтамасыз ету мәселелері бойынша ақпараттық-түсіндіру жұмыстары, сондай-ақ техникалық реттеу саласындағы проблемалық мәселелерді анықтау, КО ТР 017/2011 «Жеңіл өнеркәсіп өнімдерінің қауіпсіздігі туралы» қолдану тәжірибесі, Тоқыма материалдарының, олардан жасалған бұйымдардың қауіпсіздігін талап ету бөлігінде өткізілді.

«Жеңіл өнеркәсіп өнімдерінің қауіпсіздігі туралы» техникалық регламент адамның өмірі мен денсаулығын қорғау, сондай-ақ өнімді пайдаланушыларды (тұтынушыларды) жаңылыстыруға әкелетін әрекеттердің алдын алу мақсатында әзірленді.

Өнімді таңбалауға қойылатын талаптар түсіндірілді, атап айтқанда, тоқыма материалдардан жасалған бұйымдар үшін қосымша ақпарат::

- бұйымның үстіңгі және астары материалындағы табиғи және химиялық шикізаттың түрі мен массалық үлесі (пайыздық құрамы). Шикізаттың нақты құрамының ауытқуы + 5 пайыздан аспауы тиіс;

- өнімді күту белгілері;

- пайдалану процесінде бұйымды күту ерекшеліктері бойынша нұсқаулық (қажет болған жағдайда).

«Өлшем бірлігін қамтамасыз ету туралы» ҚР Заңына өзгерістер түсіндірілді, жауапты қызметкерлерді өлшем бірлігін қамтамасыз ету саласында жұмыстарды жүргізуге құқығы бар салыстырып тексеру зертханалары туралы ақпарат бар Қазақстандық метрология институтының сайтымен таныстырды.

Соңында кәсіпорын өкілдерінің қойылған барлық сұрақтарына толық жауаптар берілді.