«СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ЖӨНІНДЕГІ ҰЛТТЫҚ БАЯНДАМАНЫ» ТАНЫСТЫРУ МАҚСАТЫНДАҒЫ ДӨҢГЕЛЕК ҮСТЕЛ ОТЫРЫСЫ ӨТКІЗІЛДІ

Қазақстан Республикасы Индустрия және инфрақұрылымдық даму министрлігі Техникалық реттеу және метрология Комитетінің Маңғыстау облысы бойынша Департаментінде Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша Департаменті өкілдерімен «Сыбайлас жемқорлыққа қарсы іс-қимыл жөніндегі ұлттық баяндама» тақырыбындағы  дөңгелек үстел отырысы өткізілді.

Отырыс барысында, Қазақстан Республикасы Индустрия және инфрақұрылымдық даму министрлігі Техникалық реттеу және метрология комитетінің Маңғыстау облысы бойынша департаментінің Бөлім басшысы - Ж.Б. Акмаганбетов жиынға қатысушыларға сыбайлас жемқорлыққа қарсы әрекет ету және қызметтік әдеп нормалары бұзылуының алдын алу шаралары  жөнінде айтып өтті.

Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша Департаментінің сыбайлас жемқорлық профилактикасы басқармасының басшысы – Абельдинов Куандык Каршыгаевич  «Сыбайлас жемқорлыққа қарсы іс-қимыл жөніндегі ұлттық баяндама» тақырыбында баяндама жасап, сыбайлас жемқорлық фактілеріне қатысты бейне материалдар көрсетті.

Дөңгелек үстел отырысы пікір алмасу форматында өтіп, қойылған сұрақтарға тиянақты жауаптар алынды.