МАҢҒЫСТАУ ОБЛЫСЫНДА «СЫБАЙЛАС ЖЕМҚОРЛЫҚТАН АДА ӨҢІРЛЕР» ЖОБАСЫ АЯСЫНДА КЕЗДЕСУ ӨТКІЗІЛДІ

2019 жыл 31 мамырда Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша Департаментінің төрағалығымен Қазақстан Республикасы Индустрия және инфрақұрылымдық даму министрлігі Техникалық реттеу және метрология комитетінің Маңғыстау облысы бойынша Департаменті мамандарының қатысуымен  «ҚазТрансГаз Аймақ» АҚ-ның Маңғыстау облысы бойынша өндірістік филиалында «Сыбайлас жемқорлықтан ада өңірлер» жобасы аясында кездесу өткізілді.

Кездесудің мақсаты Қазақстан Республикасының 2015-2025 жылдарға арналған Сыбайлас жемқорлыққа қарсы стратегиясын жүзеге асыру және өңірімізде сыбайлас жемқорлыққа қарсы мәдениетін қалыптастыруға бағытталған. Сондай-ақ  «Сыбайлас жемқорлықтан ада өңірлер» - «Адалдық алаңы»» жобаларын жүзеге асырудың басты мақсаты - қоғамның санасын трансформациялау және адал емес көріністерге қарсы тұрақты төзбеушілікті қалыптастыру, тұрмыстық сыбайлас жемқорлықты жою болып табылады.

Кездесу барысында Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша Департаментінің сыбайлас жемқорлық профилактикасы басқармасының басшысы – Абельдинов Куандык Каршыгаевич «Digital agent» мобильдік қосымшасымен таныстырып, көрсетілетін қызметтер нәтижесін бағалауға, қоңырау шалу арқылы аумақтық департаментке өз өтініштері мен оң пікірлерін қалдыруға мүмкіндік берілгендігін эксперимент негізінде көрсетті. Отырысқа қатысушылар сол бойда «Digital agent» мобильдік қосымшасын өз смартфондарына жүктеп, ендігі жерде мемлекеттік органдарды жағаламай, үйде отырып та кез-келген қызметке арыз-шағымын қалдыра алатындықтарына көздерін жеткізді.

Кездесу  пікір алмасу форматында өтіп, қойылған сұрақтарға тиянақты жауаптар алынды.