«ЕLLIN SHOES» ЖШС ТҮСІНДІРМЕ ЖҰМЫСТАРЫ

2017  жылдың  21 желтоқсанында  Техникалық реттеу және метрология  Комитетінің  Жамбыл облысы бойынша Департаментінің қызметкерлері «КазИнСт» РМК Жамбыл филиалымен бірлесе отырып Тараз қаласында орналасқан  ЖШС «Еllin shoes» кәсіпорыннына барып,  Қазақстан Республикасы заңнамасының техникалық реттеу саласындағы, өлшем бірлігін қамтамасыз ету сондай-ақ проблемалық мәселелерді талқылау және көмек көрсету үшін оларды шешу мақсатында түсіндірме жұмысын жүргізіп қайтты.

ЖШС "Еllin shoes" өз қызметін 2015 жылдан бастады. Компания ерлер аяқ киімінің жергілікті отандық өндірушісі болып табылады.  Компанияда түпнұсқалық былғарыдан, жүннен жасалған және басқа да сапалы компоненттерден жасалған еуропалық стандарттың жазғы, күзгі және қысқы аяқ киімдерінің кең ассортименттері шығарылады. Модельдік аяқ киім, аяқ киім, сандалдар - жақсы сапа ғана емес, сонымен қатар талғампаз және стильді көрініс.

Кездесу соңында техникалық реттеу және метрология саласының өзекті мәселелерін талқылау жөнінде дөңгелек үстел өтті. Кәсіпорын өкілдеріне өнімді каталождау бойынша, ұлттық стандарттарды әзірлеу бойынша өтініш беруге, өндірісте орнатылған жабдықтың өлшем құралына жататындығы немесе жатпайтындығын анықтауға, өнім сәйкестігін растау бойынша, сонымен қоса Қазақстан Республикасы аумағында орналасқан Кеден одағының аккредиттеу субъектілерінің деректер қорын қолдануға көмек көрсету ұсынылды.