«Техникалық реттеу туралы» Қазақстан Республикасының Заңы

Осы Заң өнімге, оның ішінде өнімге қойылатын талаптармен байланысты ғимараттар мен құрылыстарға, жобалау (іздестіруді қоса алғанда), өндіру, құрылыс, монтаждау, баптау, пайдалану, сақтау, тасымалдау, өткізу және кәдеге жарату процестеріне қойылатын міндетті талаптарды белгілеу және орындау кезінде туындайтын қоғамдық қатынастарды реттейді, өнімге, процестерге және қызмет көрсетуге, техникалық реттеу саласындағы сәйкестікті бағалау мен мемлекеттік бақылау мен қадағалауға қойылатын талаптарды ерікті негізде қолдану, сондай-ақ техникалық реттеудің мемлекеттік жүйесінің құқықтық негіздерін белгілейді.

1-тарау. Жалпы ережелер

1-бап. Осы Заңда пайдаланылатын негiзгi ұғымдар

Осы Заңда мынадай негiзгi ұғымдар пайдаланылады:

1) қауіпсіздік – зиян келтіру және (немесе) залал келтіру мүмкіндігіне байланысты жол берілмейтін тәуекелдің болмауы;

2) өзара байланысты стандарттар – техникалық регламенттерде белгіленген талаптардың орындалуын қамтамасыз ететін ұлттық және (немесе) мемлекетаралық стандарттар;

3) сәйкестік сертификатының (көлік құралы типі конструкциясының қауіпсіздігі туралы куәлік, көлік құралы типін мақұлдау) иесі – сәйкестік сертификатын немесе сәйкестікті бағалау туралы өзге де құжатты алған сәйкестікті бағалауды жүргізуге өтінім беруші. Бұл ретте сәйкестік сертификатының иесі тек Қазақстан Республикасының заңды тұлғасы не Қазақстан Республикасының резиденті болып табылатын Қазақстан Республикасында тіркелген жеке кәсіпкер ғана бола алады;

4) сәйкестікті растау құжатын пайдаланушы - бұл Қазақстан Республикасының аумағында тіркелген заңды тұлға не болмаса өнімді кейіннен өткізу үшін сәйкестік сертификаты иесінен немесе декларацияны қабылдаған тұлғадан Қазақстан Республикасының және Еуразиялық экономикалық одақтың заңнамасына сәйкес ресімделген сәйкестікті растау құжаты түпнұсқасының көшірмесін алған жеке кәсіпкер;

5) сәйкестікті бағалау жөніндегі құжаттар – электрондық сәйкестік сертификаттары, сәйкестік туралы декларациялар, жалпы қауіпсіздік туралы декларация, сынақ хаттамалары, көлік құралы конструкциясының қауіпсіздігі туралы куәліктер, көлік құралының типін мақұлдау, шасси типін мақұлдау және техникалық регламенттерде және ұлттық стандарттарда белгіленген өзге де құжаттар;

6) өнімді айналымға шығару - кәсіпкерлік қызметті өтеусіз немесе өтеулі негізде жүзеге асыру кезінде Қазақстан Республикасының не Еуразиялық экономикалық одаққа мүше мемлекеттің аумағында тарату мақсатында өнімді жеткізу (өткізу) немесе әкелу (оның ішінде дайындаушының қоймасынан жөнелту немесе қоймалаусыз жөнелту);

7) мемлекеттік техникалық реттеу жүйесі - техникалық реттеу саласындағы қызметті жүзеге асыратын мемлекеттік органдардың, жеке және заңды тұлғалардың жиынтығы;

8) сәйкестік туралы декларация - дайындаушы, импорттаушы, дайындаушы уәкілеттік берген тұлға және сатушы айналымға шығарылатын өнімнің, процестер мен қызметтердің техникалық регламенттерде қамтылған белгіленген талаптарға сәйкестігін куәландыратын электрондық құжат;

9) жалпы қауіпсіздік жөніндегі декларация - Кеден одағы Комиссиясының 2011 жылғы 28 қаңтардағы № 526 шешімімен бекітілген Кеден одағы шеңберінде міндетті талаптар белгіленетін өнімнің бірыңғай тізбесі (бұдан әрі-бірыңғай тізбе) енгізілмеген өнімге, сондай-ақ Бірыңғай тізбеге енгізілген, бірақ оған қатысты техникалық регламенттер қабылданбаған немесе күшіне енбеген өнімге қатысты дайындаушы, дайындаушы уәкілеттік берген тұлға, импорттаушы, сатушы қабылдайтын электрондық құжат;

10) сәйкестікті ерікті растау - өтінім берушінің бастамасы бойынша стандарттау жөніндегі құжаттарға сәйкестігіне жүргізілетін өнімнің, процестердің және көрсетілетін қызметтердің сәйкестігін растау жүзеге асырылатын рәсім;

11) дәлел материалдар – объективтік куәліктер, оның ішінде фото және бейне тіркеу көмегімен алынған, өнім үлгілерін іріктеу туралы, сынау, зерттеу және (немесе) өлшеу нәтижелері туралы мәліметтерді қамтитын, сондай-ақ сәйкестікті бағалау туралы құжаттарды және (немесе) сәйкестікті бағалау объектісінің техникалық регламенттердің талаптарына сәйкестігін дәлелдейтін өзге де құжаттарды және (немесе) өнімнің бақылау үлгілерін сынақ зертханаларында (орталықтарында) сақтауды, талап етілетін көрсеткіштер мен параметрлерге қол жеткізуді растайтын құжаттарды және қажет болған жағдайларда дайындаушының, импорттаушының, дайындаушы уәкілеттік берген тұлға, сатушы декларацияны қабылдау құқығы;

12) өнімнің өмірлік циклі - жобалау (іздестіруді қоса алғанда), өндіру, құрылыс, монтаж, жөндеу, пайдалану, сақтау, тасымалдау, сату және кәдеге жарату процестері;

13) өтiнiм берушi – Қазақстан Республикасының немесе Еуразиялық экономикалық одаққа мүше мемлекеттің заңнамасына сәйкес тіркелген сәйкестікті растау және (немесе) сынақтар жүргізу үшін өнімді, процестерді және көрсетілетін қызметті ұсынған жеке кәсіпкер ретінде заңды тұлға немесе жеке тұлға (дайындаушы, импорттаушы, дайындаушы уәкілеттік берген тұлға, сатушы);

14) сәйкестiк белгiсi – өнімнің және көрсетілетін қызметтің техникалық регламенттерде және (немесе) ұлттық стандарттарда белгіленген талаптарға сәйкестігін растау рәсімінен өткені туралы сатып алушыларды хабардар ету үшін қызмет ететін белгі;

15) дайындаушы – Қазақстан Республикасының немесе Еуразиялық экономикалық одаққа мүше мемлекеттің заңнамасына сәйкес тіркелген сериялық - шығарылатын өнімді өндіруді немесе өндіруді және өткізуді өз атынан жүзеге асыратын заңды тұлға немесе дара кәсіпкер ретіндегі жеке тұлға;

16) импорттаушы – Қазақстан Республикасының немесе Еуразиялық экономикалық одаққа мүше мемлекеттің заңнамасына сәйкес тіркелген шетелдік дайындаушымен (сатушымен) партиялық – шығарылатын өнімді беруге арналған сыртқы сауда шартын (келісім-шартты) жасасқан заңды тұлға немесе жеке кәсіпкер ретінде жеке тұлға осы өнімді айналымға шығаруды және (немесе) оны Қазақстан Республикасының аумағында сатуды жүзеге асырады;

17) сынақ – сәйкестікті растау шеңберіндегі рәсім не сынақ зертханасы (орталығы) жүргізетін сәйкестікті бағалаудың дербес нысаны, олардың нәтижесі өнім үлгісінің, сәйкестікті бағалаудың өзге объектісінің қасиеттерінің бір немесе бірнеше сандық және (немесе) сапалық сипаттамаларын белгіленген әдістеме бойынша айқындау болып табылады;

18) сынақ зертханасы (орталық) (бұдан әрi – зертхана) – белгіленген тәртіппен аккредиттелген заңды тұлға немесе заңды тұлғаның атынан әрекет ететін, сынақтарды (зерттеулерді) жүзеге асыратын құрылымдық бөлімшесі;

19) тиісті зертханалық практиканың сәйкестік мониторингі – тиісті зертханалық практика қағидаттарын сақтауды растау мақсатында сынақ зертханаларын мерзімді инспекциялау және (немесе) оларды зерттеу нәтижелерінің аудиті;

20) нормативтік техникалық құжат – техникалық және технологиялық нормаларды қамтитын нормативтік құжат;

21) мiндеттi сертификаттау – сәйкестiктi растау жөнiндегi органдардың техникалық реттеу объектілерінің техникалық регламенттің талаптарына сәйкестiгiн міндетті растау нысаны;

22) сәйкестiктi мiндеттi растау - өнімнің техникалық регламенттерде белгіленген талаптарға сәйкестігін растау жүзеге асырылатын рәсім;

23) сәйкестiктi растау жөнiндегi орган - сәйкестiктi растау жөнiндегi қызметті жүзеге асыру үшiн белгiленген тәртiппен аккредиттелген заңды тұлға;

24) сәйкестікті бағалау – техникалық реттеу объектісіне қойылатын талаптардың сақталуын тікелей немесе жанама айқындау;

25) оқыту орталығы - сәйкестікті растау, тауардың шығарылған елін, Еуразиялық экономикалық одақ тауарының немесе шетел тауарының мәртебесін айқындау жөніндегі сарапшы-аудиторларды даярлауды, қайта даярлауды, біліктілігін арттыруды жүзеге асыратын заңды тұлға;

26) сәйкестiктi растау - нәтижесі техникалық реттеу объектісінің техникалық регламенттерде және (немесе) стандарттау жөніндегі құжаттарда белгіленген талаптарға сәйкестігін құжаттамалық куәландыру (сәйкестік туралы декларация немесе сәйкестік сертификаты түрінде) болып табылатын рәсім;

27) тиісті зертханалық практика қағидаттары– клиникаға дейінгі зертханалық зерттеудің сапасын қамтамасыз етуге, оның ішінде адам денсаулығын сақтау, қоршаған ортаның қауіпсіздігі саласындағы клиникаға дейінгі зертханалық зерттеулерді ұйымдастыру, жоспарлау процестеріне, жүргізу және бақылау тәртібіне, осындай зерттеулердің нәтижелерін ресімдеуге, мұрағаттауға және ұсынуға бағытталған талаптар жүйесі;

28) сатушы – Қазақстан Республикасының заңнамасына сәйкес тіркелген, сатып алу-сату шарты бойынша тұтынушыға партиялық-шығарылатын өнімді өткізетін заңды тұлға немесе дара кәсіпкер ретінде жеке тұлға;

29) өнім – материалдық-заттай нысанда ұсынылған және шаруашылық және өзге де мақсатта одан әрі пайдалануға арналған қызмет нәтижесі;

30) процесс - өнiмнiң өмiрлiк циклiнiң процестерiн қоса алғанда, қандай да бiр тапсырылған нәтижеге жету жөнiндегi өзара байланысты және дәйектi iс-қимылдар (жұмыстар) жиынтығы;

31) көлік құралдарын дайындаушыларға халықаралық сәйкестендіру кодтарын беру – Қазақстан Республикасының аумағында шаруашылық қызметін жүзеге асыратын тұлға ретінде тіркелген көлік құралын жасаушыға жекелеген таным белгілерін бекітіп беру;

32) мемлекеттік техникалық реттеу жүйесінің тізілімі (бұдан әрі – техникалық реттеу тізілімі) – электрондық нысанда жүзеге асырылатын техникалық регламенттерді, аккредиттеу субъектілерін, сәйкестікті бағалау жөніндегі берілген құжаттарды, аккредиттеу жөніндегі сарапшы-аудиторларды, жабдықтарды, техникалық регламенттердің талаптарына сәйкес келмейтін өнім туралы ақпаратты және техникалық реттеу, өлшем бірлігін қамтамасыз ету саласындағы және стандарттау саласындағы өзге де мәліметтерді есепке алу жүйесі;

33) орындаушы - Қазақстан Республикасының жеке немесе заңды тұлғалары, ақылы және (немесе) өтеусіз шарт бойынша жұмыстарды орындайтын немесе қызмет көрсететін Қазақстан Республикасында тіркелген жеке кәсіпкерлер;

34) көлік құралын дайындаушының халықаралық сәйкестендіру кодын беру туралы куәлік - Қазақстан Республикасының аумағында шаруашылық қызметті жүзеге асыратын тұлға ретінде тіркелген көлік құралын дайындаушының халықаралық сәйкестендіру коды берілгенін растайтын құжат;

35) сәйкестік сертификаты - өнімнің, процестердің және көрсетілетін қызметтердің техникалық регламенттерде және (немесе) стандарттау жөніндегі құжаттарда белгіленген талаптарға сәйкестігін куәландыратын электрондық құжат;

36) сертификаттау - сәйкестікті растау жөніндегі орган өнімнің, көрсетілетін қызметтің белгіленген талаптарға сәйкестігін куәландыратын рәсім;

37) сәйкестікті растау схемасы - сәйкестікті растау рәсімдерінің жиынтығы мен дәйектілігі;

38) техникалық кедергi - стандарттау жөніндегі техникалық регламенттерде және құжаттарда қамтылған талаптардың айырмашылықтары немесе өзгермелілігі салдарынан елдер арасындағы саудада туындайтын кедергі;

39) техникалық регламент - өнімге және (немесе) олардың өмірлік циклінің процестеріне қойылатын міндетті талаптарды белгілейтін, Қазақстан Республикасының техникалық реттеу саласындағы заңнамасына сәйкес немесе Қазақстан Республикасының заңнамасында белгіленген тәртіппен ратификацияланған Қазақстан Республикасының халықаралық шартына сәйкес әзірленетін және қолданылатын нормативтік құқықтық акт;

40) техникалық реттеу – өнімге немесе өнімге қойылатын талаптарға байланысты жобалау (іздестіруді қоса алғанда), өндіру, құрылыс, монтаждау, баптау, пайдалану, сақтау, тасымалдау, өткізу және кәдеге жарату процестеріне қойылатын міндетті талаптарды белгілеу, қолдану және орындау саласындағы, сондай-ақ сәйкестікті бағалау саласындағы қатынастарды құқықтық реттеу;

41) техникалық хатшылық – көлік құралының типін мақұлдауды, шасси типін мақұлдауды ресімдеудің дұрыстығын және негізділігін тексеру, көлік құралы конструкциясының қауіпсіздігі туралы берілген куәліктер туралы мәліметтер жинау және көлік құралдарын дайындаушыларға халықаралық сәйкестендіру кодтарын беру жөніндегі қызметті жүзеге асыруға уәкілетті орган айқындайтын ұйым;

42) уәкілетті орган - техникалық реттеу саласындағы мемлекеттік реттеуді жүзеге асыратын мемлекеттік орган;

43) дайындаушы уәкілеттік берген тұлға – Қазақстан Республикасының заңнамасына сәйкес немесе Еуразиялық экономикалық одақтың өзге қатысу-мемлекеті тіркеген, дайындаушымен, оның ішінде шетелдік дайындаушымен шарт негізінде осы дайындаушының атынан Қазақстан Республикасының аумағында сериялық-шығарылатын өнімнің сәйкестігін бағалау және айналымға шығару кезінде іс-қимылды жүзеге асыратын заңды тұлға немесе жеке кәсіпкер ретінде жеке тұлға;

44) көрсетілетін қызмет - нәтижелері материалдық көрінбейтін және стандарттау жөніндегі құжаттардың талаптарына сәйкес келетін жеке тұлғалардың, дара кәсіпкерлердің және (немесе) заңды тұлғалардың қажеттіліктерін қанағаттандыруға бағытталған қызмет;

45) сәйкестікті растау жөніндегі аудитор-сарапшылар – уәкілетті органмен анықталатын тәртіпте аттестацияланған жеке тұлғалар;

46) техникалық реттеудің ақпараттық жүйесінің веб-порталы (бұдан әрі – веб-портал) - техникалық реттеудің ақпараттық жүйесіне қол жеткізудің бірыңғай нүктесін ұсынатын Интернет желісінде орналастырылған интернет-ресурс;

47) техникалық реттеудің ақпараттық жүйесі – техникалық реттеу тізілімінде қамтылған мәліметтер мен ақпараттарды сақтауға, өңдеуге, іздестіруге, таратуға, беруге және ұсынуға арналған автоматтандырылған ақпараттық жүйе;

48) техникалық жағынан күрделі бұйым – техникалық жағынан күрделі ішкі құрылғысы бар өнеркәсіптік бұйым, ол көптеген құрылымдық элементтерді немесе бір бүтін элементтерді құрайтын, оны мақсаты бойынша пайдалануға мүмкіндік беретін әртекті элементтерді қамтиды.

2-бап. Қазақстан Республикасының техникалық реттеу саласындағы заңнамасы

Қазақстан Республикасының техникалық реттеу саласындағы заңнамасы Қазақстан Республикасының Конституциясына негiзделедi және осы Заңнан және өзге де нормативтiк құқықтық актiлерден тұрады.
Егер Қазақстан Республикасы ратификациялаған халықаралық шартта осы Заңда қамтылғандардан басқа ережелер белгiленсе, онда халықаралық шарттың ережелерi қолданылады.
Өнімдердің (жұмыстардың, көрсетілетін қызметтердің) жекелеген түріне қатысты техникалық реттеудің ерекшелігі тиісті саланың заңдарымен реттеледі.

3-бап. Осы Заңның қолданылу саласы

Техникалық реттеу объектілері:

азаматтық авиация өнімдерін, қорғаныс және қауіпсіздік мүдделерін қамтамасыз етуге арналған қорғаныс өнімдерін, оның ішінде мемлекеттік қорғаныс тапсырысы бойынша жеткізілетін өнімді, мемлекеттік құпияны құрайтын мәліметтерді (Мемлекеттік құпияларды) қорғау мақсатында пайдаланылатын немесе заңнамаға сәйкес қорғалатын қолжетімділігі шектеулі өзге де ақпаратқа жататын өнімді, ол туралы мәліметтер мемлекеттік құпияны құрайтын өнімді (мемлекеттік құпияларды) қоспағанда, өнім), атом энергиясын пайдалану саласындағы қауіпсіздікті қамтамасыз етуге байланысты талаптар белгіленетін өнімдер, бұрын пайдалануда болған өнімдер, ветеринариялық препараттар, дәрілік заттар, медициналық бұйымдар (медициналық мақсаттағы бұйымдар мен медициналық техника);

өнімге қойылатын талаптарға байланысты жобалау (іздестіруді қоса алғанда), өндіру, құрылыс, монтаждау, баптау, пайдалану, сақтау, тасымалдау, өткізу және кәдеге жарату процестері;

реттелуі Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде белгіленген мемлекеттік, медициналық, білім беру, қаржылық, банктік және басқа да қызметтерді қоспағанда, көрсетілетін қызметтер болып табылады.

Мемлекеттік органдар, сондай-ақ Қазақстан Республикасының аумағында қызметін жүзеге асыратын және техникалық реттеу объектілеріне қатысты Қазақстан Республикасының азаматтық заңнамасына сәйкес пайдалану құқығына ие жеке және заңды тұлғалар техникалық реттеу субъектілері болып табылады.

4-бап. Техникалық реттеудiң және сәйкестікті бағалаудың негiзгi мақсаттары мен принциптерi

Техникалық реттеудiң негiзгi мақсаттары:

1) өнiмнiң, адам өмiрi мен денсаулығы және қоршаған ортаға, оның iшiнде жануарлар мен өсiмдiктер дүниесiне арналған процестер қауiпсiздiгiн қамтамасыз ету;

2) қоғамдық қауiпсiздiктi қамтамасыз ету;

3) өнімнің, көрсетілетін қызметтің қауіпсіздігі мен сапасына қатысты тұтынушыларды адастыруға әкелетін өнімдердің сәйкестігін бағалау мен қадағалаудың дұрыстығын қамтамасыз ету арқылы іс-әрекеттердің алдын алу;

4) саудадағы техникалық кедергiлердi жою;

5) сатып алушыларға, оның ішінде тұтынушыларға өнімді, жұмыстар мен қызметтерді құзыретті таңдауда жәрдемдесу болып табылады.

Техникалық реттеу және сәйкестікті бағалау мынадай принциптерге негізделеді:

1) мемлекеттiк техникалық реттеу және сәйкестікті бағалау жүйесiнiң бiрлiгi мен тұтастығы;

2) техникалық регламенттерде, сондай-ақ Қазақстан Республикасы қатысушысы болып табылатын ұйымдардың техникалық регламенттерінде бірыңғай міндетті талаптарды белгілеу;

3) дайындаушы, импорттаушы, дайындаушы уәкілеттік берген тұлға, сатушы өз өнімінің қауіпсіздігін қамтамасыз етуді декларациялауды

4) дайындаушының, импорттаушының, дайындаушы уәкілеттік берген тұлғаның, сатушының техникалық регламенттерге және (немесе) стандарттау жөніндегі құжаттарға сәйкес келетін өнімді айналымға шығарғаны үшін жауапкершілігі;

5) техникалық реттеу субъектілерінің техникалық реттеу процестеріне қатысуы үшін тең мүмкіндіктерді қамтамасыз ету;

6) техникалық регламенттер мен өзара байланысты стандарттарды әзiрлеу кезiнде ғылым мен техника жетiстiктерiн, халықаралық және өңiрлiк стандарттарды және шет мемлекеттерінің стандарттарын басым пайдалану;

7) техникалық регламенттерінің талаптарының мемлекет экономикасының дамуы, материалдық-техникалық базасы және ғылыми-техникалық дамуы деңгейiне сәйкестігі;

8) аккредиттеу және сәйкестікті растау жөніндегі өкілеттіктерді бір органның қоса атқаруына жол бермеу;

9) бiр мемлекеттiк органда мемлекеттiк бақылау мен қадағалау және сәйкестiктi растау функцияларының үйлеспеушiлiгi;

10) сәйкестікті растау жөніндегі органдардың дайындаушылардан, импорттаушылардан, дайындаушы уәкілеттік берген тұлғалардан, сатушылардан тәуелсіздігі;

11) сәйкестiктi растау жөнiндегi жұмыстарда бәсекелестiктiң шектелуiн болдырмау;

12) сәйкестікті бағалау рәсімдерінің дұрыстығы мен қадағалануы;

13) өнімнің, жұмыстар мен қызметтердің сапасын арттыру жолымен олардың бәсекеге қабілеттілігін арттыруды қамтамасыз ету.

5-бап. Мемлекеттік техникалық реттеу жүйесінің құрылымы

Мемлекеттік техникалық реттеу жүйесінің құрылымын:

Қазақстан Республикасының Үкіметі;
уәкілетті орган, оның ведомосі, ведомостің аумақтың бөлімшелері;
өз құзыреті шектеріндегі мемлекеттік органдар;
аккредиттеу жөніндегі орган;
Стандарттау жөніндегі ұлттық орган;
мемлекеттік органдар жанындағы техникалық реттеу саласындағы сараптамалық кеңестері (бұдан әрі – сараптамалық кеңестері);
Саудадағы техникалық кедергілер, санитариялық және фитосанитариялық шаралар жөніндегі ақпарат орталығы (бұдан әрі – Ақпарат орталығы);
сәйкестікті растау жөніндегі органдар, зертханалар;
сәйкестiктi растау және аккредиттеу жөніндегі сарапшы-ayдиторлар;
тиісті зертханалық практика мониторингі органы құрайды.

6-бап. Қазақстан Республикасы Үкiметiнiң техникалық реттеу саласындағы құзыретi

Қазақстан Республикасы Үкіметінің техникалық реттеу саласындағы құзыретіне:

1) мемлекеттік саясаттың техникалық реттеу саласындағы негізгі бағыттарын әзірлеу;

2) мемлекеттік техникалық реттеу жүйесін құру;

3) техникалық реттеу саласында құқықтық реформаны қамтамасыз ету;

4) өнімнің өмірлік циклі сатыларында Қазақстан Республикасының Үкіметі айқындаған тиісті техникалық регламенттер талаптарының сақталуына мемлекеттік бақылауды (қадағалауды) жүзеге асыру жөніндегі уәкілетті органдарды айқындау;

5) тиісті зертханалық практика принциптерін іске асырудың мемлекеттік бағдарламасын бекіту;

6) оған Қазақстан Республикасының Конституциясымен, заңдарымен және Қазақстан Республикасы Президентінің актілерімен жүктелген басқа да функцияларды орындау жатады.

7-бап. Уәкілетті органның құзыреті

Уәкiлеттi орган мынадай функцияларды орындайды:

Техникалық реттеу саласында:

1) мемлекеттiк техникалық реттеу жүйесiн құруға қатысады;

2) мемлекеттік саясатты техникалық реттеу саласында іске асыруды жүзеге асырады;

3) Техникалық реттеу саласындағы мемлекеттік органдардың, жеке және заңды тұлғалардың қызметін салааралық үйлестіруді жүзеге асырады;

4) көлік құралының типін мақұлдауларды, шасси типін мақұлдауларды бекіту және тіркеу жөніндегі қағиданы бекітеді;

5) көлік құралдарын жасаушыларға халықаралық сәйкестендіру кодтарын беру қағидасын бекітеді;

6) көлік құралын жасаушыға халықаралық сәйкестендіру кодын беру туралы куәліктің нысанын бекітеді;

7) тиісті зертханалық практика принциптерін іске асыру бағдарламасын әзірлейді;

8) техникалық регламенттерді әзірлеу жөніндегі жоспарды бекітеді;

9) техникалық реттеу мәселелері бойынша сараптамалық кеңестермен, жеке және заңды тұлғалармен өзара іс-қимыл жасайды;

10) Қазақстан Республикасының атынан техникалық реттеу, сәйкестiктi растау және аккредиттеу жөнiндегi халықаралық және өңiрлiк ұйымдарда өкілдік етеді;

11) техникалық реттеу тізілімін қалыптастыру, жүргізу және ілестіру қағидаларын бекітеді;

12) Ақпарат орталықтың жұмыс жасауын қамтамасыз етеді;

13) сәйкестікті растау жөніндегі сарапшы-аудиторларға рұқсат беру талаптарын, оларға сәйкестікті растайтын құжаттар тізбесін, сондай-ақ аттестаттау, ұзарту, тоқтата тұру, (кері қайтарып алу) айыру және сәйкестікті растау жөніндегі сарапшы-аудиторлардың аттестаттарының қолданылуын тоқтату тәртібін бекітеді;

14) сәйкестікті раста, сарапшы-аудиторларды даярлауды, қайта даярлауды, біліктілігін арттыруды жүзеге асыратын оқу орталықтарына қойылатын талаптарды әзірлейді және бекітеді, сондай-ақ олардың тізбесін жүргізеді;

15) тауардың шығарылуы туралы, Еуразиялық экономикалық одақ тауарының немесе шетел тауарының мәртебесін айқындау туралы сараптама актілерін беруді куәландыру кезінде тауардың шығарылған елін, Еуразиялық экономикалық одақ тауарының немесе шетел тауарының мәртебесін айқындау жөніндегі сарапшы-аудиторлардың қызметін бақылауды жүзеге асырады;

16) Техникалық реттеу саласындағы Қазақстан Республикасының заңнамасында, техникалық регламенттерде, ұлттық стандарттарда белгіленген талаптардың сақталуына мемлекеттік бақылауды және қадағалауды жүзеге асырады;

17) техникалық реттеу саласында мемлекеттік бақылауды және қадағалауды жүргізу бойынша Қазақстан Республикасының Кәсіпкерлік кодексіне сәйкес тәуекел дәрежесін бағалаудың тексеру парақтары мен критерийлерін әзірлейді және бекітеді;

18) тиісті зертханалық практика мониторингі органын анықтайды;

19) өнiмнiң және процестердiң қауiпсiздiгiн қамтамасыз ету мүдделерінде консультациялық-кеңесшi органдар құрады;

20) әзірленген техникалық регламенттерге сараптама жасауды, келісуді, техникалық регламенттердің қолданылуын тоқтата тұруды немесе жоюды келісуді, оның ішінде салалық мемлекеттік органдардың техникалық регламенттердің қолданылуын тоқтата тұру немесе жою мәселелеріне бастамашылық етуді жүзеге асырады;

21) техникалық регламенттерді әзірлеу, сараптау, қабылдау, өзгерту және күшін жою тәртібін белгілейді;

22) техникалық регламенттерді бекітеді;

23) техникалық регламент талаптарына сәйкес келмейтін өнімді жою тәртібін бекітеді;

24) профилактикалық бақылауды жүзеге асыру үшін қажетті мәліметтер тізбесін, сондай-ақ оларды техникалық реттеу саласындағы мемлекеттік органдардың, ұйымдардың және мемлекеттік бақылау және қадағалау субъектілерінің ұсыну тәртібін бекітеді;

25) техникалық регламенттердің талаптарына сәйкес келмейтін өнімді айналымға шығаруға, әкелуге және транзиттеуге тыйым салады;

26) мемлекеттік бақылау және қадағалау жүргізу кезінде өнім үлгілерін іріктеуді жүргізеді;

27) техникалық реттеу саласындағы заңнама талаптарының бұзылуын жою туралы нұсқамалар береді;

28) уәкілетті орган белгілеген тәртіппен сәйкестікті бағалау жөніндегі құжаттардың қолданылуын тоқтата тұруды, қайта жаңартуды және тоқтатуды жүзеге асырады;

29) өнімнің техникалық регламенттерге сәйкессіздігі анықталған жағдайда, оның өмірлік циклінің кез келген сатыларында сәйкессіздік себептерін тексеруге бастамашылық жасайды;

30) техникалық регламенттерде белгіленген талаптарға сәйкес келмейтін өнімді Қазақстан Республикасының азаматтық іс жүргізу заңнамасына сәйкес оны алып қою және сотқа талап-арыз беру жолымен оны иелену, пайдалану және оған билік ету құқығынан айыруға дейін айналымға шығарудың жолын кесу және оған жол бермеу жөнінде ықпал ету шараларын қабылдайды;

31) мемлекеттік органдарға техникалық реттеу объектілерін қозғайтын нормативтік құқықтық актілер мен құқықтық актілерді Қазақстан Республикасының техникалық реттеу саласындағы заңнамасына, техникалық регламенттерге және ұлттық стандарттарға сәйкес келтіру туралы ұсыныстар енгізу;

28) жеке, заңды тұлғалар мен дара кәсіпкерлер техникалық реттеу саласындағы лауазымды адамдар берген заңды талаптарды немесе ұйғарымдарды, қаулыларды орындамаған немесе тиісінше орындамаған кезде сотқа жүгінеді;

29) техникалық реттеу саласына жататын мәселелер бойынша мемлекеттік органдармен өзара әрекеттеседі.

Сәйкестікті бағалау саласында:

сәйкестікті бағалау қағидаларын бекітеді;
зертханааралық салыстырмалы сынақтар (салыстыру) бойынша

жұмыстарды ұйымдастыруды қамтамасыз етеді;

көлік құралының типін мақұлдауды, шасси типін мақұлдауды ресімдеудің дұрыстығын және негізділігін тексеру жөніндегі қағидаларды бекітеді;
Кеден одағы шеңберінде міндетті талаптар белгіленетін, сондай-ақ Бірыңғай тізбеге енгізілген, бірақ оған қатысты техникалық регламенттер қабылданбаған немесе күшіне енбеген өнімдердің бірыңғай тізбесіне енгізілмеген өнімді айналымға шығару қағидаларын, сондай-ақ оған қатысты жалпы қауіпсіздік туралы декларация қабылданатын өнімнің тізбесін, жалпы қауіпсіздік туралы декларацияның нысанын бекітеді;
Қазақстан Республикасының аумағында Еуразиялық экономикалық одақтың техникалық регламенті талаптарының сақталуын қамтамасыз ету, техникалық реттеу объектілерінің Еуразиялық экономикалық одақтың техникалық регламенті талаптарына сәйкестігін бағалау кезінде зерттеулер (сынақтар) мен өлшемдер жүргізу мақсатында Қазақстан Республикасының ұлттық стандарттары ретінде Еуразиялық экономикалық одаққа мүше мемлекеттердің ұлттық (мемлекеттік) стандарттарын қолдану үшін бекітеді;
сәйкестікті бағалау жөніндегі органдарды Еуразиялық экономикалық одақтың сәйкестігін бағалау жөніндегі органдардың бірыңғай тізілімінің ұлттық бөлігіне енгізу туралы шешімдер қабылдау тәртібін белгілейді (одан алып тастаулар);
қолданысқа енгізілген (күшіне енген) техникалық регламенттер немесе қолданыстағы талаптар болмаған жағдайда, азаматтардың өмірі мен денсаулығына, қоршаған ортаға, оның ішінде өсімдіктер немесе жануарлар дүниесіне тікелей қауіп төндіруге әкеп соғатын төтенше жағдай кезінде мемлекеттік реттеудің жедел шараларын қабылдау қажеттілігіне байланысты сәйкестікті бағалау объектісін сәйкестікті міндетті растау объектілерінің тізбесіне енгізу туралы ұсыныстарды дайындау және енгізу тәртібін белгілейді;
осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.

8-бап. Мемлекеттік органдардың техникалық реттеу саласындағы құзыреті

Мемлекеттік органдар өз құзыреті шектерінде техникалық реттеу саласында:

1) техникалық регламенттерді бекітуді, олардың күшін жоюды, тоқтата тұруды, сондай-ақ уәкілетті органмен келісу бойынша өздерінің құзыретіне кіретін мәселелер бойынша техникалық регламенттерге өзгерістер енгізуді;

2) Қазақстан Республикасының заңнамасында белгіленген тәртіппен техникалық регламенттерді әзірлеу туралы ұсыныстар немесе техникалық регламенттерге өзгерістер және (немесе) толықтырулар әзірлеу және уәкілетті органға енгізу;

3) техникалық регламенттерді әзірлеу жөніндегі жұмыстарды ұйымдастыруды;

4) сараптамалық кеңестерді құруды;

5) Қазақстан Республикасының заңнамасында белгіленген тәртіппен өз құзыретіне кіретін мәселелер бойынша өнімнің өмірлік циклінің сатыларында Қазақстан Республикасының Үкіметі айқындаған тиісті техникалық регламенттер талаптарының сақталуын мемлекеттік бақылау (қадағалау);

6) техникалық регламенттерді, оның ішінде Еуразиялық экономикалық одақты іске асыру жөніндегі іс-шаралар жоспарларын әзірлеу және орындау;

7) салалық құзыреттілікке сәйкес тиісті зертханалық практика қағидаттарын іске асыру мәселелері бойынша ведомстволық бағдарламаларды әзірлеу;

8) тиісті зертханалық практика саласында Экономикалық ынтымақтастық және даму ұйымының (бұдан әрі – ЭЫДҰ) талаптарына сәйкес келетін нормативтік-әдістемелік базаны әзірлеу (әзірлеуге қатысу) ;

9) сәйкестікті растау жөніндегі органдарды және сәйкестікті міндетті растауға жататын өнімдер жөніндегі зертханаларды құру, жаңғырту және жарақтандыру жөнінде ұсыныстар дайындау;

10) сәйкестікті бағалау жөніндегі органдарды Еуразиялық экономикалық одақтың сәйкестігін бағалау жөніндегі органдардың бірыңғай тізілімінің ұлттық бөлігіне енгізу жөніндегі жұмысқа қатысады (одан алып тастаулар);

11) техникалық регламенттердің талаптарын іске асыру үшін нормативтік техникалық құжаттар қолданылған жағдайда, оларды белгіленген тәртіппен ұлттық стандарттар ретінде әзірлеуді қамтамасыз етеді;

12) осы Заңда, Қазақстан Республикасының өзге де заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.

9-бап. Стандарттау жөніндегі ұлттық органның техникалық реттеу саласындағы өкілеттіктері

Стандарттау жөніндегі ұлттық орган:

1) мемлекеттік саясатты техникалық реттеу саласында іске асыруға қатысады;

2) техникалық регламенттерді әзірлеуге қатысады;

3) сәйкестікті растау жөніндегі жұмыстарды жүргізуге қатысады;

4) Қазақстан Республикасының техникалық реттеу саласындағы заңнамасында белгіленген өзге де өкілеттіктерді жүзеге асырады.

10-бап. Техникалық реттеу саласындағы аккредиттеу жөніндегі органның өкілеттіктері

Акредиттеу жөніндегі орган:

техникалық реттеу саласындағы мемлекеттік саясатты іске асыруға қатысады;
аккредиттеу субъектілері қызметінің аккредиттеу критерийлеріне сәйкестігі және аккредиттеуден кейінгі шарт талаптарының орындалуы мәніне мониторинг жүргізеді;
техникалық реттеу тізілімінің құруды, жүргізуді және ілестіруді жүзеге асырады;
аккредиттеуді ұсынады, кері қайтарып алады, тоқтата тұрады, жаңартады және Қазақстан Республикасының заңнамасында көзделген негіздер бойынша және тәртіппен аккредиттеуді жою туралы өтінішпен сотқа жүгінеді;
Қазақстан Республикасының Техникалық реттеу, сәйкестікті бағалау және өлшем бірлігін қамтамасыз ету саласындағы аккредиттеу саласындағы заңнамасында белгіленген өзге де өкілеттіктерді жүзеге асырады.

11-бап. Сараптамалық кеңестер

Сараптамалық кеңестер қызметті жетілдіру, перспективалық бағыттарды дамыту, техникалық регламенттерді қолдануға, мемлекеттік саясат пен техникалық реттеу саласындағы мақсаттарға сәйкестігіне талдау жүргізуге байланысты мәселелерді қарау жөнінде ұсыныстарды әзірлеу үшін жетекшілік ететін салаларда құрылады.
Сараптамалық кеңестер туралы құрамды және ережелерді мемлекеттік органдар бекітеді.

Сараптамалық кеңестің құрамына мемлекеттік органдардың, стандарттау жөніндегі бейінді техникалық комитеттердің, Ұлттық Кәсіпкерлер палатасының, салалық қауымдастықтардың өкілдері және басқа да мүдделі тұлғалар енгізілуі мүмкін.

Сараптамалық кеңестердің жұмысы отырыс түрінде жүзеге асырылады. Сараптамалық кеңестердің ұсынымдарын ескере отырып, Еуразиялық экономикалық одақтың құқығын және Қазақстан Республикасының заңнамасын, сондай-ақ Қазақстан Республикасының келіссөз ұстанымын құрайтын халықаралық шарттар мен актілерге ұсыныстар мен ескертулер қалыптастырылады.

12-бап. Техникалық реттеу тізілімі

Техникалық реттеу тізілімін уәкілетті орган айқындайтын тіркеуші рұқсаттар мен хабарламалар, жеке және заңды тұлғаларды тіркеу, бухгалтерлік есеп пен қаржылық есептілік, басқа да орталық және жергілікті атқарушы органдардың, сондай-ақ «Азаматтарға арналған үкімет» мемлекеттік корпорациясының деректері мен мәліметтері негізінде қалыптастырып, жүргізеді.

Мемлекеттік органдар мен өзге де ұйымдар техникалық реттеу тізілімін қалыптастыру, жүргізу және сүйемелдеу қағидаларына сәйкес тізілімге ақпаратты береді.

Пайдаланушылары үшін техникалық реттеу тзілімінің деректеріне қол жеткізу уәкілетті органның веб-порталы арқылы жүзеге асырылады.
Тізілімді қалыптастыру, жүргізу және сүйемелдеу мыналарды қамтиды:

1) техникалық реттеудің ақпараттық жүйесі арқылы техникалық реттеу тізілімінің деректерін қалыптастыру, жүргізу, беру және сақтау;

2) өтінім берушінің жеке кабинетін ашу;

3) Қазақстан Республикасының заңдарына сәйкес техникалық реттеудің ақпараттық жүйесіне енгізілген мәліметтер мен ақпаратты алуға құқығы бар мемлекеттік органдарға мәліметтер мен ақпаратты беру;

4) техникалық реттеудің ақпараттық жүйесін пайдаланушыларға ақылы электрондық қызметтер көрсету;

5) мәліметтер мен ақпаратты жариялау;

6) Қазақстан Республикасының заңнамасына сәйкес өзге де функциялар.

13-бап. Ақпарат орталығы

Ақпарат орталығы мүдделі тараптар мен шет мемлекеттерге олардың сұрау салулары бойынша мыналар:

1) қолданыстағы немесе әзірленетін техникалық регламенттер, ветеринариялық, санитариялық және фитосанитариялық шаралар, стандарттау жөніндегі құжаттар, оларға өзгерістер және өнімнің, көрсетілетін қызметтің сәйкестігін растау рәсімдері;

2) Қазақстан Республикасының стандарттау, сәйкестікті растау, аккредиттеу, ветеринария және фитосанитария саласындағы, халықтың санитариялық-эпидемиологиялық салауаттылығы саласындағы, екі жақты және көп жақты сипаттағы Халықаралық ұйымдарға және халықаралық шарттарға мүшелігі немесе қатысуы;

3) әзірленетін және қабылданған техникалық регламенттердің, стандарттау жөніндегі құжаттардың, ветеринариялық, санитариялық және фитосанитариялық шаралардың және өнімнің, көрсетілетін қызметтің сәйкестігін растау рәсімдерінің жобаларын немесе олар туралы ақпаратты жариялау көздері туралы құжаттар мен ақпараттың көшірмелерін ұсыну жөнінде консультациялық қызметтер көрсету мақсатында Дүниежүзілік сауда ұйымының Хатшылығымен, Дүниежүзілік сауда ұйымының мүшелерімен, халықаралық және шетелдік стандарттау жөніндегі ұйымдармен өзара іс-қимыл жасау үшін Қазақстан Республикасының Үкіметі айқындайтын тәртіппен құрылып, жұмыс істейді.

Қазақстан Республикасының Дүниежүзілік сауда ұйымындағы міндеттемелеріне байланысты мәселелер бойынша Дүниежүзілік сауда ұйымының Хатшылығымен және Дүниежүзілік сауда ұйымының мүшелерімен өзара іс-қимыл Дүниежүзілік сауда ұйымының мәселелері бойынша Ақпарат орталығы арқылы жүзеге асырылады.
Осы баптың 1-тармағында көзделген ақпарат Ақпарат орталығының интернет ресурсына хабарлама түрінде орналастырылады. Хабарламаларды толтыру және ұсыну нысандарын, тәртібін уәкілетті орган айқындайды.

14-бап. Тиісті зертханалық практика сәйкестігін мониторингілеу органы

Тиісті зертханалық практика сәйкестігін мониторингілеу органы сынақ зертханаларының тиісті зертханалық практика принциптеріне сәйкестік дәрежесін бағалау және бастапқы деректер мен жазбаларды сынақ зертханаларының аралық және қорытынды есептеріндегі деректер мен жазбалармен салыстыру үшін тиісті зертханалық практиканың сәйкестік мониторингінің бағдарламасына енгізілген сынақ зертханалары қолданатын рәсімдер мен нормативтерді тексеру жүргізу мақсатында құрылады.
Тиісті зертханалық практика сәйкестігін мониторингілеу органы мынадай функцияларды жүзеге асырады:

1) сынақ зертханаларының тиісті зертханалық практика принциптеріне сәйкестігіне мониторинг жүргізеді;

2) сынақ зертханасының тиісті зертханалық практика принциптеріне сәйкестік мәртебесін анықтайды;

3) тиісті зертханалық практика принциптеріне сәйкестік мониторингін жүзеге асыратын инспекторларды дайындайды;

4) тиісті зертханалық практика принциптеріне сәйкестік мониторингі бағдарламасына енгізілген сынақ зертханаларының тізілімін жүргізеді;

5) ЭЫДҰ басқа да мүше мемлекеттерімен тиісті зертханалық практика принциптеріне сәйкестік мониторингіне қатысты ақпарат алмасуды жүзеге асырады;

6) тиісті зертханалық практика мәселелеріне жататын нормативтік құқықтық актілердің жобаларын әзірлеуге қатысады;

7) клиникалық емес зертханалық зерттеу нәтижелерін тануға жататын өзге де функцияларды жүзеге асырады.

15-бап. Сәйкестікті растау жөніндегі органдар

Сәйкестікті растау жөніндегі органдар аккредиттеу туралы заңнамада белгіленген тәртіппен аккредиттелуге жатады.
Сәйкестікті растау жөніндегі органдар міндетті растау кезінде аккредиттелген зертханалардың сынақ нәтижелерін пайдалануға тиіс.
Сәйкестікті растау жөніндегі органдар өтініш берушілермен шарт талаптарында аккредиттеу саласы шегінде мынадай функцияларды жүзеге асырады:

1) өтінім берушілердің сәйкестікті міндетті және ерікті растау жөніндегі жұмыстарды жүргізуге өтінімдерін қарайды, сәйкестікті растау үшін ұсынылған өнімді, көрсетілетін қызметті сәйкестендіреді;

2) сәйкестікті міндетті және ерікті растау жөніндегі жұмыстарды жүргізеді;

3) сәйкестік туралы декларацияны қабылдау үшін қажетті жұмыстарды дайындаушының, импорттаушылардың, дайындаушының уәкілетті тұлғаларының, сатушылардың өтінімдері бойынша жүргізеді;

4) сәйкестiктi растау схемасына сай сәйкестiгi мiндеттi растаудан өткен өнiмге инспекциялық бақылау жүргiзедi, оның белгiленген талаптарға сәйкес еместiгi анықталған жағдайда, берiлген сәйкестiк сертификаттарының қолданылуын немесе сәйкестiк туралы декларацияны тiркеудiң қолданылуын уәкiлеттi орган айқындайтын тәртiппен тоқтата тұрады немесе олардың күшiн жояды;

5) өнімді зерттеу (сынау) және өлшеу процесін, нәтижелерін фото және (немесе) бейне тіркеуді жүргізеді (егер бұл техникалық регламентпен көзделсе).

Сәйкестікті растау жөніндегі органдар:

1) сәйкестікті растау саласында құжаттарды электронды нысанда беру арқылы дайындаушының (орындаушының), сатушының өтiнiмi бойынша аккредиттеу саласы шегiнде объектiлердiң сәйкестiгiн мiндеттi және ерiктi түрде растауды жүргізуге;

2) өтiнiм берушiден сәйкестiктi растау жөнiндегi жұмыстарды орындау үшiн қажеттi құжаттардың ұсынылуын сұратуға құқылы.

Сәйкестікті растау жөніндегі органдар:

өтiнiм берушiнiң сәйкестiктi растау қағидалары мен шарттары туралы ақпаратқа кедергiсiз қол жеткiзуiн қамтамасыз етуге;

2) өтінім берушіге қатысты кемсітушілікке жол бермеуге;

3) сәйкестік туралы тіркелген декларациялар, берілген, тоқтата тұрған, күші жойылған (тоқтатылған) сәйкестік сертификаттары туралы, сертификаттаудан бас тарту, сынақ хаттамалары туралы деректердің электрондық есебін және оларды уәкілетті орган белгілеген тәртіппен беруді жүзеге асыруға;

4) өнiмнің, көрсетiлетiн қызметтің шығарылған еліне қарамастан, өтiнiм берушiнiң коммерциялық мүддесiн құрайтын ақпараттың құпиялылығын қамтамасыз етуге;

5) Қазақстан Республикасының техникалық реттеу саласындағы заңнамасының талаптарын сақтауға мiндеттi.

Сәйкестікті растау жөніндегі органдар және сарапшы-аудиторлар сәйкестікті растау қағидаларын бұзғаны және сәйкестік сертификатын заңсыз бергені үшін Қазақстан Республикасының заңдарына сәйкес жауапты болады.
Сәйкестiктi растау жөнiндегi органдар аккредиттеу саласында консалтингтік қызмет көрсетуге құқылы емес және осы қызметтердi көрсететiн тұлғалармен аффилирленген болуға тиiс емес.
Сәйкестікті растау жөніндегі органда меншік құқығында немесе өзге де заңды негізде техникалық реттеу объектілерін сынауды қамтамасыз ететін зертханасы болуға және пайдалануға тиіс.

16-бап. Зертханалар

Зертханалар сәйкестiктi растау жөнiндегi органдармен немесе басқа өтінім берушiлермен жасалған шарт талаптарында:

1) өзiнiң аккредиттеу саласы шегiнде сәйкестiктi мiндеттi немесе ерiктi растау мақсатында объектiлерге сынақ жүргiзедi;

2) сынақ нәтижелерiнiң дәйектiлiгiн қамтамасыз етедi;

3) сәйкестікті бағалау қағидаларында көзделген тәртiппен және нысандар бойынша жұмыс нәтижелерiн ресiмдейдi және бередi;

4) процесті, өнімді зерттеу (сынау) және өлшеу нәтижелерін фото және (немесе) бейне тіркеу жүргізеді (егер бұл техникалық регламентте көзделген болса);

5) зерттелген (сыналған) өнімнің бақылау үлгілерін сақтайды;

6) Қазақстан Республикасының заңнамасына сәйкес өзге де қызметтi жүзеге асырады.

Зертханада меншік құқығында немесе өзге де заңды негізде көлемін (тізбесін) жеке салалардағы уәкілетті орган белгілейтін зертханалық жабдық болуға тиіс.
Сәйкестікті бағалау саласындағы заңнаманы бұзғаны үшін зертханалар Қазақстан Республикасының заңдарына сәйкес жауапты болады.

17-бап. Сәйкестік сертификаты (сәйкестікті бағалау туралы өзге құжат) иесінің, декларацияны қабылдайтын тұлғаның және техникалық реттеу саласындағы өзге де жеке және заңды тұлғалардың құқықтары мен міндеттері

Өнімді дайындаушы, дайындаушының уәкілетті тұлғасы болып табылатын өтінім беруші сериялық өндіріс өнімін (немесе) өнім партиясын (дара бұйымның) сертификаттауға, өнімді дайындаушы, импорттаушы, сатушы болып табылатын өтінім беруші тек өнім партиясын (дара бұйымның) сертификаттауға өтінім бере алады.
Сәйкестік сертификатының иесі:

1) сәйкестікті растау жөніндегі органға қайта сертификаттауға өтініммен жүгінуге;

2) сәйкестікті растау жөніндегі органға сәйкестік сертификатына және құзыреттілік сертификатына өзгерістер және (немесе) толықтырулар енгізу, сертификаттың телнұсқасын беру, сертификаттың қолданылуын тоқтату, қайта сертификатталған жағдайда сертификат беру туралы өтінім беруге;

3) уәкілетті органға сәйкестікті растау жөніндегі органның шешімдеріне және (немесе) әрекеттеріне (әрекетсіздігіне), ал олардың шешімімен келіспеген не заңнамада белгіленген мерзімде жауап ала алмаған жағдайда, сот органдарына шағым жасауға;

4) осы Заңға, Қазақстан Республикасы заңнамасының өзге де актілеріне, Еуразиялық экономикалық одақтың техникалық регламенттеріне және Еуразиялық экономикалық одақтың өзге де құқықтарына, сондай-ақ Еуразиялық экономикалық одақтың құқығын құрайтын Қазақстан Республикасының халықаралық шарттарына, сертификаттау жөніндегі жұмыстарды орындауға арналған шартқа, объектіге инспекциялық бақылау жүргізу жөніндегі жұмыстарды орындауға арналған шартқа сәйкес өзге де құқықтарды жүзеге асыруға құқылы.

Сәйкестік сертификатының иесі:

1) сертификаттауға өтінім беруші мен сәйкестікті растау жөніндегі орган арасындағы шарттың талаптарына сәйкес сәйкестікті растау жөніндегі орган өзіне жеткізген тиісті өзгерістерді іске асыруды қоса алғанда, сертификаттау талаптарын тұрақты орындауға;

2) сәйкестігіне сертификаттау жүргізілген техникалық регламенттерде белгіленген өнімге қойылатын талаптарды орындауға;

3) инспекциялық бақылауды жүзеге асыратын сәйкестікті растау жөніндегі орган өкілдерінің ұйым аумағына кедергісіз кіруін қамтамасыз етуге және оларға құжаттар мен жазбаларды қарауға ұсынуды, сәйкестік сертификаты иесінің жабдығына, персоналына және қосалқы мердігерлеріне қол жеткізуді қамтамасыз етуді қоса алғанда, оны жүргізу үшін қажетті барлық жағдайларды жасауға;

4) инспекциялық бақылауды жүзеге асыру кезінде сәйкестікті растау жөніндегі сарапшы-аудиторлардың жұмысына бақылаушылардың қатысуына (қажет болған жағдайда) кедергі келтірмеуге;

5) сертификатталған өнімге барлық жарнамалардың (талаптардың) есебін жүргізуге және олар туралы сәйкестікті растау жөніндегі органға дереу хабарлауға, сертификаттау талаптарын сақтауға әсер ететін өнімде табылған осындай жарнамаларға (шағымдарға) және кез келген кемшіліктерге қатысты тиісті шаралар қабылдауға және қабылданған әрекеттерді құжаттауға;

6) сәйкестікті растау жөніндегі органның беделіне нұқсан келтіруі мүмкін өнімді сертификаттауды пайдаланбауға, сәйкестікті растау жөніндегі орган жаңылыстыратын немесе заңсыз деп санай алатын өз өнімін сертификаттауға қатысты ешқандай мәлімдеме жасамауға;

7) сәйкестік сертификаты тоқтатыла тұрғаннан немесе жойылғаннан кейін сертификаттауға қандай да бір сілтемелері бар барлық жарнамалық материалдарды пайдалануды тоқтатуға және сертификаттау схемасында талап етілетін шараларды қабылдауға;

8) сәйкестік сертификатын пайдаланушыларға Қазақстан Республикасының және Еуразиялық экономикалық одақтың заңнамасына сәйкес ресімделген сәйкестік сертификаттарының көшірмелерін беруге;

9) сәйкестік сертификаттарын пайдаланушылардың есебін жүргізуге;

10) сәйкестікті растау жөніндегі органды өнімнің, оны өндіру процесінің, басқару жүйесінің (болған жағдайда) барлық өзгерістері, өндірістің технологиялық жарақтандырылуының өзгергені, өндірістік алаңдардың ауыстырылғаны, ұйымдық-құқықтық мәртебесінің немесе меншік нысанының өзгергені, мекенжайының, байланыс деректерінің өзгергені туралы хабардар етуге;

11) қажет болған жағдайда, сәйкестік сертификатының қолданылу мерзімі аяқталғанға дейін кемінде екі ай бұрын сәйкестікті растау жөніндегі органға сәйкестік сертификатының қолданылу мерзімін ұзарту туралы хат жолдауға міндетті.

Егер осындай өнімнің сертификатының иесі нарықта әкелінетін және өткізілетін өнімнің міндетті талаптарға сәйкестігін бағалау кезінде осындай құжатта өтінім беруші ретінде көрсетілген тұлға болып табылса, Қазақстан Республикасының аумағында сәйкестік сертификатының түпнұсқасын пайдалануына жол беріледі.
Қазақстан Республикасының аумағында Қазақстан Республикасы мен Еуразиялық экономикалық одақ заңнамасының талаптарын бұза отырып ресімделген сәйкестік сертификаттарының көшірмелерін пайдалануға жол берілмейді.
Сәйкестік сертификатының иесі сәйкестік сертификатында көрсетілген техникалық регламенттерде белгіленген талаптарға жауап бермейтін өнімнің сертификатталған және таңбаланған сәйкестік белгісін бергені (өткізгені) үшін Қазақстан Республикасының заңнамасында белгіленген жауаптылықта болады. Сәйкестік сертификатының түпнұсқасы иесінің сәйкестік сертификатының көшірмелерін беру тәртібін немесе сәйкестік сертификаттарының көшірмелерін ресімдеу үшін сәйкестік сертификатының түпнұсқасын басқа заңды тұлғаларға немесе жеке кәсіпкерлерге беру тәртібін бұзуы сәйкестікті растау жөніндегі органның сәйкестік сертификатының қолданылуын тоқтата тұруына немесе жоюына әкеп соғады. Сәйкестік сертификатының иесі сертификаттауға тек сертификаттау саласына (өнімге, қолданылатын сертификаттау схемасына, техникалық регламенттерге) сәйкес талап қоя алады.
Декларацияны қабылдайтын тұлға:

1) сәйкестікті декларациялау кезінде қолданылатын сәйкестікті растаудың кез келген схемасын олардың қолданылу шарттарын ескере отырып, осы сәйкестікті бағалау объектісі үшін көзделген схемалар арасынан таңдауға;

2) Қазақстан Республикасының техникалық регламентінде немесе Еуразиялық экономикалық одақтың техникалық регламентінде анықталған таңдап алынған сәйкестікті растаудың схемасын және дәлелдеме материалдарының құрамына қойылатын талаптарды ескере отырып белгілі бір сәйкестікті бағалау объектісіне қатысты дәлелдеме материалдарының нақты құрамын, ал егер Қазақстан Республикасының техникалық регламенттері немесе Еуразиялық экономикалық одақтың техникалық регламенттері болмаған немесе егер дәлелдеме материалдарының құрамы олардың тарапынан анықталмаған жағдайда, сәйкестікті растау қағидаларына сәйкес айқындауға;

3) егер Еуразиялық экономикалық одақтың техникалық регламенттерінде және Еуразиялық экономикалық одақтың өзге де құқықтарында өзгеше көзделмесе, сәйкестікті растау жөніндегі органға жазбаша нысанда декларацияны тіркеу туралы өтініш беруге;

4) сәйкестікті растау жөніндегі органға жазбаша нысанда сәйкестік туралы декларацияны тіркеудің қолданылуын тоқтату туралы өтінішті, Еуразиялық экономикалық одақтың техникалық регламенттеріне сәйкестік туралы декларацияның қолданылуын тоқтату туралы хабарламаны немесе бірыңғай нысан бойынша сәйкестік туралы декларацияның қолданылуын тоқтату туралы өтінішті беруге;

5) аккредиттеу жөніндегі органға сәйкестікті растау жөніндегі органның іс-әрекетіне (әрекетсіздігіне), ал аккредиттеу жөніндегі органның шешімі болмаған не жауап алмаған немесе оның шешімімен келіспеген жағдайда, сотқа шағымдануға құқылы.

Декларацияны қабылдайтын тұлға:

1) Қазақстан Республикасының және (немесе) Еуразиялық экономикалық одақтың сәйкестікті растау қағидаларының сәйкестікті декларациялауды жүргізуге және декларацияларды тіркеуге қатысты талаптарын орындауға;

2) өзіне қатысты декларация қабылданған және тіркелген өнімнің Қазақстан Республикасының және (немесе) Еуразиялық экономикалық одақтың техникалық регламенттерінде белгіленген талаптарға сәйкестігін қамтамасыз етуге;

3) өзіне қатысты сәйкестікті растау рәсімдері жүргізілген және Қазақстан Республикасының және (немесе) Еуразиялық экономикалық одақтың техникалық регламенттерінің талаптарына сәйкес келетін өнімді таңбалау үшін Қазақстан Республикасының және (немесе) Еуразиялық экономикалық одақтың заңнамасына сәйкес, Қазақстан Республикасының және (немесе) Еуразиялық экономикалық одақтың техникалық регламенттерінде және Қазақстан Республикасының ұлттық стандарттарында белгіленген тәртіппен сәйкестік белгісін қолдануға;

4) егер бұл өнім декларацияда көрсетілген актілерде (құжаттарда) жазылған техникалық талаптарға сәйкес келмесе, өзіне қатысты тіркелген декларациясы бар өнімді айналымға шығаруды тоқтата тұруға немесе тоқтатуға міндетті.

Егер осындай өнімнің сәйкестігі туралы декларацияны қабылдаған тұлға нарықта әкелінетін және өткізілетін өнімнің міндетті талаптарға сәйкестігін бағалау кезінде осындай құжатта өтінім беруші ретінде көрсетілген тұлға болып табылса, Қазақстан Республикасының аумағында сәйкестік туралы декларацияның түпнұсқасын пайдалануына жол беріледі.
Осы баптың 1-тармағының ережелері Еуразиялық экономикалық одақтың тиісті техникалық регламентінде қарастырылған ерекшеліктерді ескере отырып, көлік құралы типі конструкциясының қауіпсіздігі туралы куәліктің, көлік құралы типін мақұлдаудың иелеріне қатысты.

18-бап. Сәйкестікті растау жөніндегі сарапшы-аудиторлардың құзыреті және оларға қойылатын талаптар

Сәйкестікті растау жөніндегі сарапшы-аудиторлар сәйкестікті растау жөніндегі органның құрамында өнімнің, көрсетілетін қызметтің белгілі бір түрлерінің сәйкестігін растау жөніндегі жұмыстарды жүргізуге қатысады.
Жеке тұлғалардың сәйкестікті растау жөніндегі сарапшы-аудитор ретінде қызметті сәйкестікті растау жөніндегі бір органның немесе зертхананың құрамында ғана жүзеге асыруға құқығы бар.
Сәйкестікті растау жөніндегі сарапшы-аудиторлардың, егер олар өтінім берушінің мүдделерін білдірсе немесе онымен еңбек немесе өзге де шарттық қатынастарда болса, нақты өнімнің, көрсетілетін қызметтің сәйкестігін растау жөніндегі жұмыстарды орындауға құқығы жоқ.
Сәйкестікті растау жөніндегі сарапшы-аудиторларға үміткер жеке тұлғалардың сәйкестікті растау жөніндегі аттестатты алуы, оларды кейіннен аттестаттау, сәйкестікті растау жөніндегі сарапшы-аудиторлардың аттестатын ұзарту, тоқтата тұру, одан айыру (қайтарып алу) немесе қолданылуын тоқтату мәселелері уәкілетті орган айқындаған тәртіппен жүзеге асырылады.

2-тарау. Техникалық регламенттер

19-бап. Жалпы ережелер

Техникалық регламенттер осы Заңның 4-бабының 1-тармағында қарастырылған мақсаттарда әзірленеді және қолданылады.

2.Қазақстан Республикасының бекітілген (қабылданған) және қолданысқа енгізілген (күшіне енген) техникалық регламенттерінің және Еуразиялық экономикалық одақтың техникалық регламенттерінің талаптары мемлекеттік техникалық реттеу жүйесінің барлық субъектілерінің сақтауы үшін міндетті болып табылады.

Техникалық регламенттерде белгіленген талаптар міндетті болып табылады, Қазақстан Республикасының бүкіл аумағында тікелей қолданылады және тиісті техникалық регламенттерге өзгерістер және (немесе) толықтырулар енгізу арқылы өзгертілуі мүмкін.

4.Оларға қатысты өнімдер үшін не болмаса Еуразиялық экономикалық одақтың техникалық регламенттері қолданысқа енгізілмеген (күшіне енбеген) әзірлеу, жобалау, іздестіру, өндіру, салу, монтаждау, баптау, пайдалану (қолдану), сақтау, тасу (тасымалдау), өткізу және кәдеге жарату процестеріне қойылатын талаптарға байланысты өнімдер үшін, Қазақстан Республикасының техникалық регламенттерінің және Қазақстан Республикасының өзге де нормативтік құқықтық актілерінің не болмаса Еуразиялық экономикалық комиссия шешімдерінің талаптары қолданылады.

5.Егер сыртқы сауда шартының талаптарында Қазақстан Республикасының техникалық регламенттерімен немесе Еуразиялық экономикалық одақтың техникалық регламенттерімен белгіленгеннен өзге техникалық талаптар айқындалса, Қазақстан Республикасында Еуразиялық экономикалық одақтың кедендік аумағынан тысқары жерлерге экспортқа өткізуге арналған өнімді өндіру кезінде осындай шарттың талаптары қолданылады.

Процестерге техникалық регламенттерде айқындалған талаптар, егер олар осы Заңның 4-бабының 1-тармағында көзделген мақсаттарға қол жеткізуге әсер етуі мүмкін болған жағдайда ғана белгіленеді және қолданылады.
Техникалық регламенттерде белгіленген талаптар кәсіпкерлік қызмет үшін осы Заңның 4-бабының 1-тармағында көзделген мақсаттарды орындауға қажеттіден көп дәрежеде кедергі жасамауға тиіс.
Техникалық регламент осы Заңның 4-бабының ережелеріне, сондай-ақ Қазақстан Республикасы ратификациялаған халықаралық шарттарға сәйкес келмеген жағдайда, техникалық регламентті әзірлеген мемлекеттік орган осындай нормативтік құқықтық актінің күшін жою немесе оған өзгерістер енгізу рәсімін бастауға міндетті.
Техникалық регламент техникалық регламентті қолданысқа енгізу, нормативтік немесе техникалық құжаттаманы әзірлеу және (немесе) түзету мәселелері, сондай-ақ өнімді шығаруға байланысты мәселелер ескерілуге тиіс өтпелі кезеңнің уақытын белгілейтін, оны қолданысқа енгізу мерзімі мен шарттарын көздеуге тиіс.
Егер өнімді өндіру кезінде өзара байланысты стандарттар қолданылса, техникалық регламенттердің талаптары орындалды деп есептеледі.

Өзара байланысты стандарттарды талдауды және жүйелендіруді Қазақстан Республикасының стандарттау саласындағы заңнамасына сәйкес Стандарттау жөніндегі ұлттық орган жүзеге асырады.

Өнімді өндіру кезінде техникалық регламенттерде белгіленген талаптар мен нормалардың орындалуын қамтамасыз ету шартымен стандарттау жөніндегі құжаттар пайдаланылуы мүмкін.

Техникалық регламенттерде өнімнің сәйкестігін растау схемалары болмаған жағдайда, олар ұлттық стандарттарда айқындалады.

20-бап. Техникалық регламенттердің мазмұны

Техникалық регламенттер зиян келтіру тәуекелінің дәрежесін ескере отырып, өнімнің, процестердің қауіпсіздігін қамтамасыз ететін ең аз қажетті талаптарды белгілейді.
Техникалық регламент:

1) оның талаптары қолданылатын өнімдердің, процестердің толық тізбесін;

2) техникалық регламентті қабылдау мақсаттарына қол жеткізуді қамтамасыз ететін өнімнің сипаттамаларына, процестерге қойылатын талаптарды қамтуы тиіс.

Техникалық регламентте өнімнің сынамасын іріктеу және сынау ережелері, сәйкестікті растау ережелері мен нысандары (оның ішінде сәйкестікті растау схемалары) және (немесе) терминологияға, орауға, таңбалауға немесе затбелгі жапсыруға және оларды салу ережелеріне қойылатын талаптар болуы мүмкін.

Техникалық регламентте, зиян келтіру тәуекелінің дәрежесі ескеріле отырып, конструкцияға және орындауға қойылатын талаптардың болмауына байланысты осы Заңның 4-бабының 1-тармағында көзделген мақсаттарға қол жеткізу қамтамасыз етілмейтін жағдайларды қоспағанда, өнімнің конструкциясы мен орындалуына қойылатын талаптар қамтылмауға тиіс.
Нормалар және халықаралық, өңірлік стандарттар мен шет мемлекеттердің стандарттары, егер олар осы Заңның 4-бабының 1-тармағында көзделген мақсаттарға сәйкес келсе, техникалық регламенттерді әзірлеу кезінде негіз ретінде толық немесе ішінара қолданылуы мүмкін.
Егер ұзақ уақыт пайдалануы зиян келтіруі мүмкін өнімге қойылатын талаптарды анықтау мүмкін болмаған жағдайда, оның әсері жол берілетін тәуекел дәрежесін анықтауға мүмкіндік бермейтін факторларға байланысты болса, техникалық регламент тұтынушыны өнімнің ықтимал зияны және ол тәуелді факторлар туралы хабардар етуге қатысты талаптарды қамтуы тиіс.
Техникалық регламенттерде зиян келтіру тәуекелінің дәрежесін ескере отырып:

1) азаматтардың жекелеген санаттарын (кәмелетке толмағандар, жүкті әйелдер, бала емізетін аналар, мүгедектер) қорғауды қамтамасыз ететін;

2) егер климаттық және географиялық ерекшеліктеріне байланысты мұндай талаптардың болмауы осы Заңның 4-бабының 1-тармағында көзделген мақсаттарға қол жеткізбеуге әкеп соқса, Қазақстан Республикасының жекелеген әкімшілік-аумақтық бірліктерінде қолданылатын;

3) техногендік сипаттағы төтенше жағдайлар кезінде адамның өмірі мен денсаулығына, Қазақстан Республикасының және басқа да шектес мемлекеттердің қоршаған ортасына қатер төндіретін трансшекаралық қауіпті өндірістік объектілерге арнайы талаптар болуы мүмкін.

Техникалық регламенттерде өнімнің, процестердің қауіпсіздігін қамтамасыз ететін талаптар белгіленеді.

21-бап. Техникалық регламентті әзірлеу, сараптау, қабылдау, өзгерту және күшін жою ерекшеліктері

Техникалық регламент, техникалық регламентке өзгерістер және (немесе) толықтырулар осы Заңның ережелері ескеріле отырып, белгіленген тәртіппен әзірленеді, қабылданады және күшін жоюға жатады.
Техникалық регламентті әзірлеу, өзгерту, толықтыру немесе күшін жою жөніндегі ұсыныстарды стандарттау жөніндегі техникалық комитеттердің, Қазақстан Республикасының Ұлттық Кәсіпкерлер палатасының, стандарттау жөніндегі Ұлттық органның, мүдделі тараптардың ұсыныстарын ескере отырып, құзыретіне міндетті ережелер мен нормаларды белгілеу кіретін мемлекеттік органдар дайындайды және уәкілетті органға беріледі.
Уәкілетті орган техникалық регламенттерді әзірлеу жөніндегі жоспардың жобасын жасап бекітеді. Техникалық регламенттерді әзірлеу жөніндегі бекітілген жоспар бекітілген күннен бастап күнтізбелік он күн ішінде жариялануға тиіс.

Техникалық регламенттерді әзірлеу жөніндегі жұмыстарды техникалық регламенттерді әзірлеу жөніндегі жоспарда көзделмеген бюджет қаражаты есебінен қаржыландыруға жол берілмейді.

Техникалық регламенттiң жобасын әзiрлеген мемлекеттiк орган жобаны, нормативтiк құқықтық актiге өзгерiстер мен толықтыруларды немесе оның күшiн жоюды әзiрлей бастаған кезден бастап бiр айдан кешiктiрмей, ортақ пайдаланылатын ақпараттық жүйеге техникалық регламенттiң жобасын әзiрлеу, оған өзгерiстер және (немесе) толықтырулар енгiзу немесе оның күшiн жою туралы белгіленген нысанда хабарлама бередi.
Техникалық регламент жобасын әзірлеген, мемлекеттік орган:

1) жобаны жария талқылауды ұйымдастырады;

2) алынған ескертулердi есепке ала отырып жобаны пысықтайды және ортақ пайдаланылатын ақпараттық жүйеге орналастырады;

3) техникалық регламенттiң жобасына алынған ескертпелердi мүдделi тараптарға олардың сауал салуы бойынша бередi;

4) қолдану нәтижесінде техникалық регламент талаптарының сақталуы қамтамасыз етілетін өзара байланысты стандарттардың тізбесін, сондай-ақ техникалық регламент талаптарын қолдану мен орындау және өнімнің сәйкестігін бағалауды (растауды) жүзеге асыру үшін қажетті зерттеулер (сынақтар) мен өлшемдердің қағидалары мен әдістерін, оның ішінде үлгілерді іріктеу қағидаларын қамтитын өзара байланысты стандарттардың тізбесін (бұдан әрі – тізбелер) қалыптастырады, олар техникалық регламент жобасына қосымша түрінде ресімделеді.

Қолдану нәтижесінде техникалық регламенттің талаптарын сақтау қамтамасыз етілетін өзара байланысты стандарттардың тізбесі, техникалық регламенттің талаптары тікелей орындалуы мүмкін болған жағдайда қалыптастырылмайды.

Зерттеулер (сынақтар) мен өлшемдердің қағидалары мен әдістерін, оның ішінде техникалық регламенттің талаптарын қолдану мен орындау және өнімнің сәйкестігін бағалауды (растауды) жүзеге асыру үшін қажетті үлгілерді іріктеу қағидаларын қамтитын өзара байланысты стандарттардың тізбесі (бұдан әрі - қағидалар мен әдістерді қамтитын өзара байланысты стандарттар тізбесі), техникалық регламентте сәйкестікті бағалауды жүргізу туралы талаптар болмаған не болмаса техникалық регламенттің талаптарына сәйкестікті бағалау зерттеулер (сынақтар) мен өлшемдерді жүргізбей жүзеге асырылуы мүмкін жағдайларда қалыптастырылмайды.

Қағидалар мен әдістерді қамтитын өзара байланысты стандарттар тізбесіне ұлттық стандарттар және (немесе) мемлекетаралық стандарттар, ал олар болмаған жағдайда өнімнің сәйкестігін бағалауды (растауды) жүзеге асыру үшін міндетті болып табылатын өлшемдерді орындау әдістемесі енгізіледі.

Қағидалар мен әдістерді, ұлттық стандартты және (немесе) мемлекетаралық стандартты қамтитын өзара байланысты стандарттар тізбесінде, ал олар болмаған жағдайда техникалық регламенттің талаптарын қолдану мен орындау және техникалық реттеу объектілерінің сәйкестігін бағалауды жүзеге асыру үшін қажетті өлшемдерді орындау әдістемесі болмаған жағдайда, техникалық регламенттің тиісті талабы тиісті ұлттық стандарт және (немесе) мемлекетаралық стандарттар, ал олар болмаған жағдайда өлшемдерді орындау әдістемесі ережелер мен әдістерді қамтитын стандарттар тізбесіне енгізілгеннен кейін ғана күшіне енеді.

Техникалық регламенттің жобасын жария талқылау мерзімі (оны әзірлеу туралы хабарлама жарияланған күннен бастап жария талқылаудың аяқталғаны туралы хабарлама жарияланған күнге дейін) кемінде күнтізбелік алпыс күн болуға тиіс.
Техникалық регламенттің жобасын жария талқылаудың аяқталғаны туралы хабарлама жалпы пайдаланымдағы ақпараттық жүйеде жариялануға және жобамен және алынған ескертулер тізбесімен танысу тәсілі туралы ақпаратты, техникалық регламенттің жобасын әзірлеген мемлекеттік органның атауын, оның пошталық және электрондық мекенжайын қамтуға тиіс.
Техникалық регламент жобасының түпкілікті редакциясы Қазақстан Республикасының заңнамасында белгіленген тәртіппен қабылдау үшін ұсынылады.
Техникалық регламентті қабылдау күні мен қолданысқа енгізу немесе күшін жою күні арасында оның талаптарының сақталуын қамтамасыз ету жөніндегі іс-шараларды жүзеге асыру үшін қажетті уақыт кезеңі көзделуге тиіс.
Төтенше жағдайлардан туындаған техникалық регламентті әзірлеу, қабылдау және қолданысқа енгізу, оның ішінде оған өзгерістер енгізу қажет болған кезде (мемлекеттік органнан адамның өмірі мен денсаулығына, қоршаған ортаға немесе ұлттық қауіпсіздікке тікелей қатер туралы ақпарат), техникалық регламент хабарламаларсыз және жария талқылаусыз қабылданады.

Қабылданған техникалық регламент туралы хабарлама ортақ пайдаланылатын ақпараттық жүйеде жариялануға, сондай-ақ Дүниежүзілік сауда ұйымының Хатшылығына жіберілуге тиіс.

3-тарау. Сәйкестікті бағалау

22-бап. Сәйкестікті бағалау

Айналымға шығарылатын өнімнің техникалық регламенттердің және (немесе) стандарттау жөніндегі құжаттардың талаптарына сәйкестігін бағалау оны айналымға шығарғанға дейін жүзеге асырылады.
Техникалық реттеу объектілерінің сәйкестігін бағалауды Техникалық реттеу тізіліміне енгізілген аккредиттелген сәйкестікті бағалау жөніндегі органдар жүзеге асырады.
Уәкілетті орган ішінде мыналар белгіленген сәйкестікті бағалау қағидаларын әзірлейді және бекітеді:

1) сәйкестікті бағалау және сынау схемалары, рәсімдері;

2) сәйкестікті бағалау құжаттарының нысандары, оларды ресімдеу тәртібі;

3) ерікті сертификаттау жүйесін құру және қолдану, сондай-ақ тіркелген ерікті сертификаттау жүйелерінің тізілімін жүргізу тәртібі және көрсетілген тізілімде қамтылған мәліметтерді ұсыну тәртібі.

4) мемлекеттік органдардың салалық заңнамалық актілерде белгілейтін сәйкестікті растау нысандарын техникалық реттеу жөніндегі уәкілетті органмен келісу тәртібі.

23-бап Сәйкестікті бағалау нысандары мен объектілері

Сәйкестікті бағалау:

1) сертификаттау;

2) декларациялау;

3) егер олар техникалық регламенттерге сәйкес сәйкестікті бағалаудың дербес нысаны болып табылса, сынақтар;

4) техникалық регламенттерде және (немесе) ұлттық стандарттарда белгіленген өзге нысандары түрінде жүргізіледі.

Мемлекеттік органдардың салалық заңнамалық актілерде сәйкестікті бағалау нысандарын белгілеуі уәкілетті органмен келісілуге тиіс.
Сәйкестікті бағалау объектілері сәйкестікті бағалау саласындағы аккредиттеу туралы заңнамада айқындалады.

24-бап. Сәйкестікті бағалау жөніндегі құжаттар және сәйкестікті бағалау саласындағы өзге құжаттар

Сәйкестікті бағалау жөніндегі құжаттарға:

1) сәйкестік сертификаты;

2) сәйкестік туралы декларация;

3) егер сынақ техникалық регламентке сәйкес сәйкестікті бағалаудың өзіндік нысаны болып табылса, сынақ хаттамасы;

4) жалпы қауіпсіздік жөніндегі декларация;

5) тіркеу (мемлекеттік тіркеу), сынау, сараптама және (немесе) өзге де нысанда техникалық регламенттерде және ұлттық стандарттарда белгіленген өзге құжаттар жатады.

25-бап. Өнімнің, процестер мен қызметтердің белгіленген талаптарға сәйкестігін растау

Өнімнің техникалық регламенттерде белгіленген талаптарға сәйкестігін растау сәйкестік туралы декларацияны қабылдау нысанында және (немесе) сертификаттауды жүргізу және сәйкестік сертификатын беру нысанында жүргізіледі.
Сәйкестікті растау жөніндегі жұмыстарды басқару мемлекеттік техникалық реттеу жүйесі шеңберінде жүзеге асырылады.
Өнімнің техникалық регламенттерде белгіленген талаптарға сәйкестігін растау сәйкестік туралы декларацияны қабылдау нысанында және (немесе) сертификаттауды жүргізу және сәйкестік сертификатын беру нысанында жүргізіледі.
Қазақстан Республикасының аумағында өнімдер мен процестердің сәйкестігін растау міндетті немесе ерікті сипатта болады.
Уәкілетті орган сәйкестікті растау қағидаларын әзірлейді және бекітеді, онда:

1) сәйкестікті растау схемалары, рәсімдері;

2) сәйкестікті растау құжаттарының нысандары, оларды ресімдеу тәртібі;

3) техникалық регламенттердің талаптарына сәйкестікті растау құжаттарын тіркеу, олардың қолданылуын тоқтата тұру, жаңғырту және тоқтату тәртібі;

4) сертификатталған өнімнің, процестердің техникалық регламенттерде және ұлттық стандарттарда белгіленген талаптарға сәйкестігін растау жөніндегі аккредиттелген органның инспекциялық бақылауды жүзеге асыру тәртібі;

5) ерікті сертификаттау жүйесін құру және қолдану, сондай-ақ тіркелген ерікті сертификаттау жүйелерінің тізілімін жүргізу тәртібі және көрсетілген тізілімде қамтылған мәліметтерді ұсыну тәртібі белгіленеді.

Сәйкестікті растау схемасында сәйкестікті белгілеу тәсілдері (сынау, өндірістің жай-күйін талдау, сапа менеджменті жүйесін бағалау, техникалық құжаттаманы талдау, инспекциялық бақылау) қамтылады және сәйкестікті растау жөніндегі органдар және (немесе) өнімді дайындаушылар сертификаттау рәсімдерін жүргізу немесе сәйкестік туралы декларацияны қабылдау кезінде қолданады.

26-бап. Сәйкестікті міндетті растау

Сәйкестігі міндетті расталуға жататын өнім техникалық регламенттерде айқындалады.

Сәйкестікті растау туралы құжаттарсыз өнімді айналымға шығару жеке және заңды тұлғалардың құқықтарына, заңды мүдделеріне, адамдардың өмірі мен денсаулығына, қоршаған ортаға, қоғамдық қауіпсіздікке тікелей қатер төндіреді.

Сәйкестікті міндетті растау:

1) сәйкестiк туралы декларация қабылдау;

2) міндетті сертификаттауды жүргізу нысандарында жүзеге асырылады.

Өнімнің сәйкестігін міндетті растау техникалық регламенттерде белгіленген талаптарға сәйкестігіне жүзеге асырылады.

Өнімді сәйкестендіру мақсатында ұйым стандарттарын қолдануға жол беріледі, бірақ ұйым стандарттары сәйкестікті міндетті растау рәсімдерін жүргізу үшін қолданылмайды.

Сәйкестікті растау схемасында сәйкестікті белгілеу тәсілдері (сынау, өндірістің жай-күйін талдау, сапа менеджменті жүйесін бағалау, техникалық құжаттаманы талдау, инспекциялық бақылау) қамтылады және сәйкестікті растау жөніндегі органдар және (немесе) өнімді дайындаушылар міндетті сертификаттау жүргізу немесе сәйкестік туралы декларацияны қабылдау кезінде қолданады.

Өнімнің сәйкестігін міндетті түрде растау кезінде техникалық сарапшылар тартылуы мүмкін.

Егер техникалық регламенттерде өзгеше белгіленбесе, тұтынуда болған, көрме үшін және оны нысаналы пайдаланбай әкелінетін, сондай-ақ ізгілік көмек желісі бойынша жеткізілетін өнім сәйкестікті міндетті растау объектілеріне жатпайды.

27-бап. Өнімдердің жалпы қауіпсіздігі туралы декларация

Өнімнің жалпы қауіпсіздігі туралы декларация Бірыңғай тізбеге енгізілмеген өнімге, сондай-ақ Бірыңғай тізбеге енгізілген, бірақ оған қатысты техникалық регламенттер қабылданбаған немесе күшіне енбеген өнімге қатысты ресімделеді.
Өнімнің жалпы қауіпсіздігі туралы декларацияны дайындаушы, дайындаушы уәкілеттік берген тұлға, импорттаушы, сатушы қабылдайды және декларацияны қабылдаған тұлғадан алынған хабарлама негізінде техникалық реттеудің ақпараттық жүйесіне енгізіледі.
Қолданылуы айналымға шығарылатын өнімге қолданылатын ұлттық стандарттарды ерікті негізде қолдану өнімнің жалпы қауіпсіздігін қамтамасыз ету үшін жеткілікті шарт болып табылады.
Жалпы қауіпсіздік туралы декларация ұлттық стандарттарды және (немесе) стандарттау жөніндегі басқа да құжаттарды қолдану және (немесе) техникалық құжаттаманы пайдалану нәтижесінде алынған дәлелдемелер және (немесе) зерттеулер (сынақтар) мен өлшемдер нәтижелері негізінде қабылданады.

28-бап. Көлік құралының типін мақұлдауды, шасси типін мақұлдауды ресімдеудің дұрыстығын және негізділігін тексеру

Көлік құралының типін мақұлдауды, шасси типін мақұлдауды ресімдеудің дұрыстығы мен негізділігін тексеру көлік құралының типін мақұлдауды, шасси типін мақұлдауды бекіту және тіркеу мақсатында жүзеге асырылады.
Сәйкестікті растау жөніндегі орган көлік құралының типін мақұлдауды, шасси типін мақұлдауды ресімдеудің дұрыстығын және негізділігін тексеру жөніндегі ережеде көрсетілген құжаттардың тізбесін техникалық хатшылыққа ұсынады.
Техникалық хатшылық құжаттарды қарауды олар техникалық хатшылыққа келіп түскен күннен бастап есептелетін отыз жұмыс күні ішінде жүзеге асырады.
Ұсынылған құжаттар толық болмаған және (немесе) олар көлік құралының типін мақұлдауды, шасси типін мақұлдауды ресімдеудің дұрыстығы мен негізділігін тексеру жөніндегі қағидаларда белгіленген талаптарға сәйкес келмеген жағдайда, техникалық хатшылық жазбаша дәлелді бас тартуды қоса бере отырып, ұсынылған құжаттарды күнтізбелік он бес күн ішінде сәйкестікті растау жөніндегі органға қайтарады.
Оң шешім шығарылған жағдайда техникалық хатшылық көлік құралының типін мақұлдауды, шасси типін мақұлдауды уәкілетті органға жібереді.
Техникалық хатшылық құжаттарды ресімдеуде және беруде бұзушылықтарға жол берген сәйкестікті растау жөніндегі органдар мен сынақ зертханаларының (орталықтарының) қызметіне мемлекеттік бақылау жүргізу үшін көлік құралы конструкциясының қауіпсіздігі туралы берілген куәліктер туралы мәліметтер жинауды жүзеге асырады.

29-бап. Көлік құралының типін мақұлдауды, шасси типін мақұлдауды бекіту және тіркеу

Көлік құралының типін мақұлдауды, шасси типін мақұлдауды бекіту және тіркеу, көлік құралдарының типін мақұлдауды, шасси типін мақұлдауды бекіту және тіркеу жөніндегі қағидаларға сәйкес жүзеге асырылады.
Техникалық хатшылық бекіту және тіркеу үшін уәкілетті органға көлік құралының типін мақұлдауды, шасси типін мақұлдауды ұсынады.
Көлік құралының типін мақұлдауды, шасси типін мақұлдауды бекітуді және тіркеуді уәкілетті орган, олардың уәкілетті органға келіп түскен күнінен бастап есептелетін күнтізбелік он күн ішінде жүзеге асырады.

30-бап. Көлік құралдарын дайындаушыларға халықаралық сәйкестендіру кодтарын беру

Көлік құралдарын дайындаушыларға халықаралық сәйкестендіру кодтарын беруді көлік құралдарын дайындаушыларға халықаралық сәйкестендіру кодтарын беру қағидаларына сәйкес техникалық хатшылық жүзеге асырады.
Көлік құралын дайындаушы халықаралық сәйкестендіру кодын беру туралы куәлікті алу үшін көлік құралдарын дайындаушыларға халықаралық сәйкестендіру кодтарын беру қағидаларына сәйкес көлік құралын дайындаушыға құжаттар тізбесін техникалық хатшылыққа жібереді.
Көлік құралдарын дайындаушыларға халықаралық сәйкестендіру кодтарын беру бойынша құжаттарды қарастыру олардың техникалық хатшылыққа түскен күнінен бастап есептелетін отыз күнтізбелік күн ішінде жүзеге асырылады.
Құжаттарды қарау нәтижелері бойынша көлік құралын дайындаушыға көлік құралын дайындаушыға халықаралық сәйкестендіру кодын беру туралы куәлік беріледі.

31-бап. Сәйкестікті растау саласындағы өнімді дайындаушылардың, импорттаушылардың, дайындаушы уәкілеттік берген тұлғалардың, сатушылардың құқықтары мен міндеттері

Өнімді дайындаушылар, импорттаушылар, дайындаушы уәкілеттік берген тұлғалар және сатушылар:

1) техникалық регламенттерде белгіленген талаптарға осы өнім үшін көзделген сәйкестікті растау нысаны мен схемасын таңдауға;

2) аккредиттеу саласы мәлімделген өнімге қолданылатын сәйкестікті растау жөніндегі кез келген органға жүгінуге;

3) егер бұл сәйкестікті растаудың таңдалған схемасында көзделсе, сәйкестікті міндетті растаудан өткен өнімге сәйкестік белгісін қолдануға;

4) сәйкестікті растау жөніндегі органдардың және аккредиттелген зертханалардың заңсыз әрекеттеріне уәкілетті органға Қазақстан Республикасының заңнамасына сәйкес шағыммен жүгінуге;

5) өзінің құқықтары мен заңды мүдделерін қорғау үшін сотқа жүгінуге құқылы.

Сәйкестігі міндетті расталуға жататын өнімді дайындаушылар, импорттаушылар, дайындаушы уәкілеттік берген тұлға, сатушылар

1) техникалық регламенттерде белгіленген талаптарға өнімнің сәйкестігін қамтамасыз етуге;

2) өнім сәйкестігін растауды өткізуді қамтамасыз етуге;

3) егер бұл сәйкестікті растаудың таңдалған схемасында көзделсе, сәйкестікті растаудан өткен өнімге инспекциялық бақылау жүргізу үшін шарттарды қамтамасыз етуге;

4) сәйкестікті растағаннан кейін ғана өнімді өткізуге;

5) мемлекеттік бақылауды және қадағалауды жүргізу кезінде мемлекеттік бақылауды және қадағалауды жүзеге асыратын лауазымды тұлғаларға қажетті ақпаратты, сәйкестік сертификаттарын (олардың көшірмелерін), өнімнің сәйкестігі туралы декларацияны (олардың көшірмелерін), басқа да дәлелдеме материалдарды беруге;

6) ілеспе құжаттамада сәйкестік сертификаты немесе сәйкестік туралы декларация туралы мәліметтерді көрсетуге;

7) егер сәйкестік сертификатының немесе сәйкестік туралы декларацияның қолданылу мерзімі аяқталса не болмаса сәйкестік сертификатының немесе сәйкестік туралы декларацияның қолданылуы тоқтатыла тұрса, күші жойылса немесе тоқтатылса, өнімді айналымға шығаруды тоқтата тұруға немесе тоқтатуға;

8) сертификатталған өнімді өндірудің техникалық құжаттамасына немесе технологиялық процестеріне енгізілетін өзгерістер туралы сәйкестікті растау жөніндегі органға хабарлауға;

9) сәйкестікті растау нәтижелері бойынша, техникалық регламенттерде белгіленген талаптарға сәйкес келмейтін өнімді өндіруді (әкелуді) тоқтата тұруға;

10) техникалық регламенттердің талаптарына сәйкес келмейтін өнімді кері қайтарып алуды қамтамасыз етуге;

11) уәкілетті органның ұйғарымын уәкілетті орган белгілеген мерзімде орындауға;

12) Қазақстан Республикасының заңнамасына сәйкес жауапкершілік алуға міндетті.

32-бап. Сәйкестік сертификаты

Сәйкестікті растаудың таңдалған схемасына сәйкес барлық рәсімдерді орындаудың оң нәтижелері болған жағдайда өнімге, процестер мен қызметтерге сәйкестікті растау жөніндегі орган өтінім берушіге сәйкестік сертификатын береді.

Сәйкестік сертификатының иесі дайындаушы, импорттаушы, дайындаушы уәкілеттік берген тұлға, сатушы болып табылады.

Сәйкестік сертификатының нысандарын және оларды ресімдеу тәртібі сәйкестікті бағалау қағидаларымен белгіленеді.

Сәйкестік сертификаты оны берген сәйкестікті растау жөніндегі органда тіркеуге жатады.

Сәйкестік сертификатының күші Қазақстан Республикасының барлық аумағында қолданылады.
Сериялық шығарылатын өнімге сәйкестік сертификаты сәйкестікті растау схемасымен белгіленген мерзімге беріледі.

33-бап. Сәйкестік белгісі

Сәйкестік белгісі сәйкестікті растау рәсімінен өткен өнімді таңбалау үшін арналған.
Сәйкестік белгісінің бейнесін, оған қойылатын техникалық талаптарды және таңбалау тәртібін ұлттық стандарттар айқындайды.
Сәйкестік сертификатын алған дайындаушы, импорттаушы, дайындаушы уәкілеттік берген тұлға, сатушы сәйкестік белгісін олар үшін қолайлы кез келген ұлттық стандарттарда белгіленген тәсілдермен қолдануға құқылы.
Сәйкестігі міндетті расталуға жататын және техникалық регламенттерде және өзара байланысты ұлттық стандарттарда белгіленген талаптарға сәйкестігін растаудан өтпеген өнімге сәйкестік белгісін салуға рұқсат етілмейді.
Сәйкестік белгісімен таңбаланған өнім сәйкестік сертификатымен ілестірілмеуі мүмкін.

34-бап. Сәйкестік туралы декларация

Сәйкестік туралы декларация, егер бұл техникалық регламенттерде көзделген жағдайда, сәйкестігі міндетті расталуға жататын өнімге қатысты ресімделеді.
Сәйкестік туралы декларацияның иесі дайындаушы, импорттаушы, дайындаушы уәкілеттік берген тұлға, сатушы болып табылады
Сериялық-шығарылатын өнімге және өнім топтамасына сәйкестік туралы декларацияның қолданылуы сәйкестікті растау схемасымен белгіленеді.
Сәйкестік туралы декларация сәйкестікті растау жөніндегі органда тіркеуге жатады, оның аккредиттеу саласы өнімнің осы түрін қамтиды.
Сәйкестік туралы декларация Қазақстан Республикасының бүкіл аумағында сәйкестік сертификатымен тең заңды күші бар.
Сәйкестікті декларациялау:

1) жеке дәлелдемелер негізінде сәйкестік туралы декларацияны қабылдауда;

2) менеджмент жүйелерін сертификаттау жөніндегі органның және (немесе) аккредиттелген сынақ зертханасының (орталығының) және (немесе) өнімді сертификаттау жөніндегі органның қатысуымен алынған дәлелдемелер негізінде сәйкестік туралы декларацияны қабылдаумен жүзеге асырылуы мүмкін.

Сәйкестікті растау үшін дәлелдемелер ретінде пайдаланылуы мүмкін құжаттардың тізбесі тиісті техникалық регламентте айқындалады.

Дәлелдемелер ретінде өнімнің техникалық регламенттерде белгіленген талаптарға сәйкестігін растау үшін негіз болған техникалық құжаттама, меншікті зерттеулер (сынаулар) мен өлшемдердің нәтижелері және (немесе) басқа да құжаттар пайдаланылады.

Өз дәлелдері мен сәйкестікті растау жөніндегі органның қатысуымен алынған дәлелдері негізінде сәйкестікті декларациялау кезінде өтінім беруші өз дәлелдемелеріне қосымша өз қалауы бойынша зертханада жүргізілген зерттеулер (сынаулар) мен өлшемдердің хаттамаларын пайдалануға, сапа менеджменті жүйесінің сертификатын ұсынуға құқылы.

Егер осындай өнім үшін техникалық регламенттерде сәйкестікті растаудың өзге нысаны көзделген жағдайды қоспағанда, сапа менеджменті жүйесінің сертификаты өнімнің сәйкестігі туралы декларацияны қабылдау кезінде дәлелдемелер құрамында пайдаланылуы мүмкін.

Сәйкестік туралы декларацияның қолданылу мерзімі аяқталған сәттен бастап үш жыл ішінде сәйкестік туралы декларацияның бірінші данасы және сәйкестікті растау үшін дәлелдемелер ретінде пайдаланылатын материалдар өтініш берушіде, ал сәйкестік туралы декларацияның екінші данасы - оны тіркеген сәйкестікті растау жөніндегі органда сақталады.

35-бап. Сәйкестігі міндетті расталуға жататын өнімнің нарықтағы айналым шарттары

Сәйкестігі міндетті расталуға (сертификаттауға немесе декларациялауға) жататын өнімнің нарықтағы айналымының қажетті шарты белгіленген тәртіппен расталған техникалық регламенттерде белгіленген талаптарға сәйкестігі болып табылады.
Сәйкестігі міндетті расталуға жататын, сәйкестігі растаудан өтпеген, сондай-ақ Қазақстан Республикасының және Еуразия экономикалық кеңесінің заңнамасына сәйкес ресімделген, сәйкестікті растайтын құжаттары жоқ өнімді әкелуге және айналымға шығаруға тыйым салынады.

Белгіленген тәртіппен сәйкестікті растаудан өтпеген, сәйкестігін міндетті растауға жататын өнімдерді жарнамалауға рұқсат етілмейді.

Сәйкестігі міндетті расталуға жататын импортталатын өнімді жеткізуге жасалған шарттарда сәйкестікті растау жөніндегі міндеттеме көзделуі тиіс.
Сәйкестігі міндетті расталуға жататын және саудаға арналған импортталатын өнімді жеткізуге жасалған шарттарда өнімнің, елдің және дайындаушы кәсіпорынның атауын, сақтау (жарамдылық, пайдалану) мерзімін, сақтау шарттарын, қолдану тәсілін (егер көрсетілген ақпараттың болуы техникалық регламенттен регламенттелетін болса) қамтитын мемлекеттік және орыс тілдеріндегі ақпаратпен өнімді алып жүру көзделуге тиіс.
Өнімді дайындаушылар (импорттаушылар), сатушылар оны айналымға шығарған кезде талап ету бойынша өнімнің техникалық регламенттерде белгіленген талаптарға сәйкестігін растайтын құжаттарды ұсынады.

36-бап. Сәйкестікті ерікті растау

Сәйкестікті ерікті растау ерікті сертификаттау нысанында жүргізіледі.
Ерікті сертификаттау өтінім берушінің бастамасы және талаптары бойынша сәйкестікті бағалаудың кез келген объектілеріне қатысты олардың Қазақстан Республикасының ұлттық стандарттарына сәйкестігі тұрғысынан, ал олар болмаған жағдайда өзге стандарттау жөніндегі құжаттардың талаптарына сәйкес жүргізіледі.
Ерікті сертификаттау жүйесінің жұмыс істеу және қолдану, сондай-ақ тіркелген ерікті сертификаттау жүйелерінің тізілімін жүргізу тәртібін және көрсетілген тізілімде қамтылған мәліметтерді ұсыну тәртібін уәкілетті орган белгілейді.
Ерікті сертификаттау жүйесін заңды тұлға және (немесе) жеке кәсіпкер немесе бірнеше заңды тұлғалар және (немесе) жеке кәсіпкерлер құра алады.

Ерікті сертификаттау жүйесін құрған тұлға немесе тұлғалар сертификаттауға жататын объектілердің тізбесін және оларға сәйкес ерікті сертификаттау жүзеге асырылатын олардың сипаттамаларын белгілейді, осы ерікті сертификаттау жүйесінің қатысушыларын анықтайды. Ерікті сертификаттау жүйесі сәйкестік белгісін қолдануды қарастырылуы мүмкін.

Сәйкестікті ерікті растау, егер бұл техникалық регламентте немесе өзге де нормативтік құқықтық актілерде белгіленген болса, өнімнің сәйкестігін міндетті растауды алмастырмайды.
Сәйкестікті ерікті растауды сәйкестікті растау жөніндегі орган шарттық негізде жүргізеді.
Сәйкестікті ерікті растау рәсімін жүргізу және сәйкестік белгілерін беру тәртібіне қойылатын талаптар ұлттық стандарттармен белгіленеді.
Мемлекеттік органдар, жергілікті атқарушы органдар және өзге де ұйымдар сәйкестікті ерікті растаудан өткен тауарлардың, жұмыстардың, көрсетілетін қызметтердің отандық өндірісін дамытуды ынталандыру үшін қолайлы жағдайлар жасау жөніндегі шараларды іске асырады.

37-бап. Көрсетілетін қызметтердің сәйкестігін растау

Көрсетілетін қызметтердің сәйкестігін растау көрсетілетін қызметтерді қолданыстағы заңнама мен ұлттық стандарттардың белгіленген талаптарына сертификаттау арқылы жүргізіледі.
Сертификаттау кезінде қолданылатын схемаларды көрсетілетін қызметтерді орындау ерекшеліктерін, сынаулар жүргізу мүмкіндігін, дәлелдемелердің талап етілетін деңгейін, сәйкестікті растау қағидаларында көзделген тәртіппен тұтынушы мүлкінің сақталуын қамтамасыз ету кезінде өтініш берушінің ықтимал шығындарын ескере отырып, өтінім беруші айқындайды.

38-бап. Өнімді сынау

Сынау мақсаттары:

1) өнім үлгісінің, сәйкестікті бағалаудың өзге де объектісінің қасиеттерінің сипаттамаларын анықтау;

2) егер сынаулар сәйкестікті растау шеңберінде рәсім болып табылса, сәйкестікті растауды жүргізуді қамтамасыз ету;

3) егер сынақтар сәйкестікті бағалаудың дербес нысаны болып табылса, осы Заңның 4-бабы 1-тармағында көрсетілген өзге де мақсаттар болып табылады.

Сынау принциптері:

1) сынақ нәтижелерінің дұрыстығы, сынақтарды жүргізу кезіндегі бейтараптылық;

2) егер сынақтар сәйкестікті бағалаудың дербес нысаны болып табылса, осы Заңның 4-бап 2-тармағында көрсетілген өзге де қағидаттар болып табылады.

Сынақтар, егер бұл сәйкестікті сертификаттау немесе декларациялау кезінде қолданылатын сәйкестікті растау схемасында көзделсе, сәйкестікті растау шеңберіндегі рәсім болып табылады. Сынақтар, егер бұл техникалық регламенттерде көзделген болса, сәйкестікті бағалаудың дербес нысаны болып табылады.
Сынақтарды осы Заңның 46-бап 1-тармағында айқындалған жағдайды қоспағанда, сынақ зертханасы өтініш берушінің сынауларды жүргізуге өтінімі негізінде және сынауларды жүргізу жөніндегі жұмыстарды орындауға шарт жасалған жағдайда жүргізеді.
Сынақтарды, егер бұл сәйкестікті сертификаттау немесе декларациялау кезінде қолданылатын сәйкестікті растау схемасында көзделген жағдайларда, тиісті аккредиттеу саласы бар аккредиттелген сынақ зертханасы жүргізеді.

39-бап. Шет мемлекеттердің сәйкестікті растау нәтижелерін тану

Шет мемлекеттердің сәйкестік сертификаттары, өнімді сынау хаттамалары, сәйкестік белгілері және сәйкестікті растау саласындағы өзге де құжаттар уәкілетті орган айқындайтын тәртіппен танылады.
Осы баптың ережелері халықаралық мамандандырылған көрме аумағын көрмеден кейін пайдалануға, сондай-ақ арнайы экономикалық аймақтар аумағында жобаларды іске асыруға арналған тауарларға, жұмыстар мен көрсетілетін қызметтерге қатысты шетелдік сәйкестік сертификаттарына, сынақ хаттамаларына, сәйкестік белгілеріне және сәйкестікті растау саласындағы өзге де құжаттарға қолданылмайды.

4-тарау. Техникалық реттеу саласындағы мемлекеттік бақылау және қадағалау

40-бап. Техникалық реттеу саласындағы мемлекеттік бақылау және қадағалау мақсаты

Техникалық реттеу саласындағы мемлекеттік бақылау және қадағалау адам өмірі мен денсаулығы және қоршаған орта, оның ішінде өсімдіктер мен жануарлар дүниесі үшін, жеке, заңды тұлғалардың мемлекеттің мүлкін қорғау, ұлттық қауіпсіздікті қамтамасыз ету, оның ішінде сәйкестікті бағалаудың дұрыстығын қамтамасыз ету, өнімнің, процестердің қауіпсіздігі мен сапасына және саудадағы техникалық кедергілерді жоюға қатысты тұтынушыларды жаңылыстыруға әкеп соғатын жағдайларды болдырмау арқылы техникалық реттеу объектілерінің қауіпсіздігін қамтамасыз ету мақсатында Қазақстан Республикасының техникалық реттеу, метрология және аккредиттеу саласындағы заңнамаларын бұзушылықтардың алдын алуға, айқындауға, жолын кесуге бағытталған.
Техникалық реттеу саласындағы мемлекеттік бақылау және қадағалау субъектілері:

1) сәйкестікті растау жөніндегі сарапшы-аудиторлар

2) аккредиттеу жөніндегі бағалаушылар;

3) аккредиттеу субъектілері;

4) аккредиттеу жөніндегі орган;

5) тауардың шығарылған елін, Еуразиялық экономикалық одақ тауарының немесе шетел тауарының мәртебесін айқындау жөніндегі сараптама ұйымы және сарапшы-аудиторлар;

6) тауардың шығу тегі туралы сертификатты беруге және ішкі айналымға арналған тауардың шығу тегі туралы, Еуразиялық экономикалық одақ тауарының немесе шетел тауарының мәртебесін айқындау туралы сертификатты беруге уәкілетті ұйым;

7) сәйкестікті растау, тауардың шығарылған елін, Еуразиялық экономикалық одақ тауарының немесе шетел тауарының мәртебесін айқындау жөніндегі сарапшы-аудиторларды даярлауды, қайта даярлауды, біліктілігін арттыруды жүзеге асыратын оқу орталықтары;

8) жеке кәсіпкер ретінде тіркелген жеке тұлғалар, заңды тұлғалар, дайындаушылар, импорттаушылар, сатушылар, дайындаушылар уәкілеттік берген тұлғалар.

9) Қазақстан Республикасының аумағында қызметін жүзеге асыратын және техникалық реттеу объектілеріне қатысты Қазақстан Республикасының азаматтық заңнамасына сәйкес пайдалану құқығына ие жеке және заңды тұлғалар.

41-бап. Техникалық реттеу саласындағы мемлекеттік бақылау

Техникалық реттеу саласындағы мемлекеттік бақылау Қазақстан Республикасының Кәсіпкерлік кодексіне сәйкес бару арқылы тексеру және профилактикалық бақылау нысанында жүзеге асырылады.
Техникалық реттеу саласындағы мемлекеттік бақылауды Қазақстан Республикасының заңдарына сәйкес техникалық реттеу объектілерін айналымға шығару сатысында уәкілетті орган ведомствосының аумақтық бөлімшелері (бұдан әрі – аумақтық бөлімшелер) жүзеге асырады.

40-бап. Бақылау субъектісіне (объектісіне) бармай профилактикалық бақылау

Бақылау субъектісіне (объектісіне) бармай профилактикалық бақылау Қазақстан Республикасының Кәсіпкерлік кодексіне және осы бапқа сәйкес жүзеге асырылады.
Бақылау субъектісіне (объектісіне) бармай-ақ профилактикалық бақылаудың мақсаттары бұзушылықтардың уақтылы жолын кесу және оларға жол бермеу, бақылау субъектісіне бақылау субъектісіне (объектісіне) бармай-ақ профилактикалық бақылау нәтижелері бойынша анықталған бұзушылықтарды өз бетінше жою құқығын беру және бақылау субъектісіне әкімшілік жүктемені төмендету болып табылады.
Бақылау субъектісіне (объектісіне) бармай профилактикалық бақылауды аумақтық бөлімшелер Қазақстан Республикасының заңдарына сәйкес әртүрлі ақпарат көздерінен алынған мәліметтерді салыстыру жолымен техникалық реттеу объектілерін айналымға шығару сатысында жүзеге асырады.
Профилактикалық бақылау бармай-ақ субъектінің (объектінің) бақылау жүзеге асырылады аумақтық бөлімшелері негізінде:

1) мемлекеттік бақылау және қадағалау субъектілері, мемлекеттік және өзге де органдар мен ұйымдар ұсынған мәліметтерді зерделеу және талдау;

2) техникалық реттеудің ақпараттық жүйесінен және басқа да ақпараттық жүйелерден алынған ақпараттар мен мәліметтер;

3) бұқаралық ақпарат құралдарынан алынған ақпарат пен мәліметтер, жеке және заңды тұлғалардың, жеке кәсіпкерлердің өтініштері негізінде жүзеге асырылады.

Бақылау субъектілеріне бұзушылықтарды өз бетінше жою құқығын беру үшін бақылау субъектісіне (объектісіне) бармай-ақ профилактикалық бақылау салдары Қазақстан Республикасының заңнамасына сәйкес жойылуы мүмкін бұзушылықтар бойынша ғана жүргізіледі.
Бақылау субъектісіне (объектісіне) бармай профилактикалық бақылаудың қорытындылары бойынша бұзушылықтарды жою тәсілдерін бақылау субъектісіне міндетті түрде түсіндіре отырып, әкімшілік құқық бұзушылық туралы іс қозғамай, бұзушылықтар анықталған күннен бастап бес жұмыс күнінен кешіктірілмейтін мерзімде анықталған бұзушылықтарды жою туралы ұсыныс жасалады.
Ұсыным бақылау субъектісіне жеке қол қойғызып немесе жөнелту мен алу фактілерін растайтын өзге де тәсілмен тапсырылуға тиіс.

Төменде санамаланған тәсілдердің бірімен жіберілген ұсыным мынадай жағдайларда тапсырылған болып есептеледі::

1) қолма – қол-алу туралы ұсынымға белгі қойған күннен бастап;

2) пошта – тапсырыс хатпен;

3) электрондық тәсілмен – уәкілетті орган аумақтық бөлімшенің сұрау салуы кезінде хатта көрсетілген бақылау субъектісінің электрондық мекенжайына жіберген күннен бастап жүзеге асырылады.

Профилактикалық бақылау нәтижелері бойынша анықталған бұзушылықтарды жою туралы ұсыным ол тапсырылған күннен кейінгі күннен бастап он жұмыс күні ішінде орындалуы тиіс.
Бақылау субъектісі ұсынымда көрсетілген бұзушылықтармен келіспеген жағдайда, ұсынымды жіберген аумақтық бөлімшеге ол тапсырылған күннен кейінгі күннен бастап бес жұмыс күні ішінде қарсылық жіберуге құқылы.
Профилактикалық бақылау нәтижелері бойынша анықталған бұзушылықтарды жою туралы ұсынымды белгіленген мерзімде орындамау Қазақстан Республикасының Кәсіпкерлік Кодексіне және осы Заңға сәйкес бақылау және қадағалау субъектісіне (объектісіне) бару арқылы профилактикалық бақылау мен қадағалауды тағайындауға әкеп соғады.
Бақылау субъектісіне (объектісіне) бармай профилактикалық бақылауды жүргізу еселігі – ай сайын 25-күнінен кешіктірмей, айына кемінде бір рет.

42-бап. Бақылау субъектісіне (объектісіне) бару арқылы профилактикалық бақылау

Бақылау субъектісіне (объектісіне) бару арқылы профилактикалық бақылауды Қазақстан Республикасының Кәсіпкерлік кодексіне және осы бапқа сәйкес Қазақстан Республикасы заңнамасының талаптарын сақтау үшін Техникалық реттеу объектілерін айналымға шығару сатысында Аумақтық бөлімшелер жүзеге асырады.
Облыстың, республикалық маңызы бар қалалардың, астананың мемлекеттік бақылау және қадағалау жөніндегі бас аумақтық мемлекеттік инспекторының немесе оның міндетін атқарушының, егер бару Қазақстан Республикасының мемлекеттік бақылау және қадағалау жөніндегі мемлекеттік бас инспекторымен немесе оның міндетін атқарушы адамның міндетті түрде келісуімен бұйрық түрінде ресімделген және қабылданған шешімі, егер бару мыналарға:

1) өнім үлгілерін іріктеу қажеттілігіне;

2) бақылау субъектілерінің бақылау субъектісіне (объектісіне) бармай профилактикалық бақылау қорытындылары бойынша ұсынымдарды орындамауына;

3) ақпараттық жүйелерді мониторингілеу нәтижелерін және мемлекеттік органдардан алынған мәліметтерді тексеруге байланысты болған жағдайда, техникалық реттеу саласындағы профилактикалық бақылауды тағайындау үшін негіз болып табылады.

Бақылау субъектісіне (объектісіне) бару арқылы профилактикалық бақылау нәтижелері бойынша аумақтық бөлімшенің лауазымды адамы бұзушылықтар болған жағдайда, егер бұл бұзушылық жойылатын болса және әкімшілік іс қозғамай-ақ профилактикалық сипатта болса, Қазақстан Республикасының Кәсіпкерлік кодексіне сәйкес анықталған бұзушылықтарды жою туралы нұсқама жасайды.
Егер техникалық реттеу объектісінің анықталған бұзылуы жеке және заңды тұлғалардың конституциялық құқықтарына, бостандықтары мен заңды мүдделеріне, адамдардың өмірі мен денсаулығына, қоршаған ортаға, Қазақстан Республикасының ұлттық қауіпсіздігіне тікелей қатер төндіретін жағдайда, аумақтық бөлімшенің лауазымды тұлғасы осы Заңның 44-бабына сәйкес жедел ден қою шараларын қолдана отырып, өнімді айналымға шығару бөлігінде оның техникалық регламенттердің талаптарына сәйкестігіне техникалық реттеу саласында мемлекеттік қадағалауды жүзеге асырады.

43-бап. Техникалық реттеу саласындағы өнім үлгілерін іріктеу

Техникалық реттеу саласында бару арқылы тексерулер, профилактикалық бақылау және қадағалау жүргізу кезінде аумақтық бөлімшелер тәуекел дәрежесі жоғары объектілерге қатысты зертханаларда олардың сынақтарын жүргізу үшін өнім үлгілерін іріктеуді жүзеге асырады.

Қауіп-қатер дәрежесі жоғары объектілердің тізбесін уәкілетті орган бекітеді.

Зертханаларда олардың сынақтарын жүргізу үшін өнім үлгілерін іріктеуді аумақтық бөлімшелердің лауазымды адамдары жүзеге асырады және өнімді сатып алу фактісін растайтын құжатпен куәландырылады.
Зертханаларда тексерулер мен профилактикалық бақылау және қадағалау мақсаттары үшін өнім үлгілерін іріктеу:

өнім техникалық регламенттерде, стандарттау жөніндегі құжаттарда белгіленген талаптарға сәйкес келген жағдайда жұмсалған үлгілердің құнын және сынақ (талдау, өлшеу) жүргізуге арналған шығындарды бюджет қаражаты есебінен жатқыза отырып;

өнім техникалық регламенттерде, стандарттау жөніндегі құжаттарда белгіленген талаптарға сәйкес келмеген жағдайда, жұмсалған үлгілердің құнын және сынақ (талдау, өлшеу) жүргізуге арналған шығындарды тексерілетін тұлғалардың есебінен жатқыза отырып, жүзеге асырылады.

Аумақтық бөлімшелердің лауазымды тұлғалары зертханаларда іріктелген өнім үлгілеріне сынақ жүргізу кезінде қатыса алады және сынақ жүргізетін зертхана қызметкерлерінен барлық қажетті ақпаратты сұрата алады. Сынақ нәтижелерімен және жүргізілген жұмыстардың сапасымен негізді келіспеген жағдайда, аумақтық бөлімшенің лауазымды адамы сынақ нәтижелерін жоюға құқылы, ал зертхана өз қаражаты есебінен қайта сынақ жүргізуге міндетті.

44-бап. Өнімнің техникалық регламенттердің талаптарына сәйкестігін айналымға шығару бөлігінде техникалық реттеу саласындағы мемлекеттік қадағалау (өнімді алып қою бойынша жедел ден қою шаралары)

Жедел ден қою шаралары деп қоғамдық қауіпті салдардың туындауын болдырмау мақсатында бақылау және қадағалау субъектілеріне аумақтық бөлімшенің ықпал ету тәсілдері түсініледі, оның нәтижесі бойынша қаулы жасалады.

Жедел ден қою шараларын жеке және заңды тұлғалардың конституциялық құқықтарына, бостандықтары мен заңды мүдделеріне, адамдардың өмірі мен денсаулығына, қоршаған ортаға, Қазақстан Республикасының ұлттық қауіпсіздігіне тікелей қатер төндіретін бұзушылықтар анықталған жағдайда, жоспардан тыс тексерулер мен бару арқылы профилактикалық бақылауды жүзеге асыру барысында қоғамға қауіпті салдардың туындауын болдырмау мақсатында өнімді алып қою арқылы аумақтық бөлімшелердің лауазымды тұлғалары қолданады.

Қоғамдық қауіпті салдарға:

1) сәйкестікті бағалау жөніндегі құжаттарды беру кезінде техникалық регламенттер талаптарының бұзылуы анықталған;

2) өнімге сәйкестік сертификаты болмаған;

3) өнім үлгілерін сынау нәтижелері бойынша өнімді таңбалауға қойылатын талаптарды қоспағанда, өнімнің техникалық регламенттердің талаптарына сәйкес келмеуі жағдайлар да әсер етуі мүмкін.

Сәйкестікті бағалау туралы сертификаты жоқ және (немесе) сәйкестікті бағалау туралы құжат бұзыла отырып берілген, сондай-ақ үлгілерді іріктеу жүргізілген өнімнің сериясы және (немесе) партиясы алып қоюға жатады.
Өнімді алып қою өнімді алып қою туралы қаулының негізінде жүзеге асырылады, ол міндетті түрде орындау үшін қадағалау субъектісіне тапсырылады.

Өнімді алып қою туралы қаулының нысанын уәкілетті орган бекітеді.

Қадағалау субъектісі өнімді алып қою туралы қаулыны орындамаған жағдайда аумақтық бөлімшенің лауазымды адамы үш жұмыс күні ішінде сотқа қадағалау субъектісін қаулыда көрсетілген іс-әрекеттерді жасауға мәжбүрлеу туралы талап қояды.

Өнімді алып қою туралы қаулыны орындамағаны үшін қадағалау субъектісі Қазақстан Республикасының заңнамасында белгіленген жауапты болады.

Алынған өнімді сақтау уәкілетті орган айқындаған тәртіппен жүзеге асырылады.
Техникалық регламенттердің талаптарына сәйкес келмейтін өнім шаруашылық және өзге де қызметте қолдануға жатпайды.

Техникалық регламенттердің талаптарына сәйкес келмейтін өнім жойылуы тиіс. Жоюға жататын өнім экологиялық заңнамада, Қазақстан Республикасының халықтың санитариялық-эпидемиологиялық салауаттылығы саласындағы, азаматтық қорғау туралы және техникалық реттеу саласындағы заңнамасында белгіленген талаптар сақтала отырып кәдеге жаратылуы және қайта өңделуі немесе Қазақстан Республикасының шегінен тыс әкетілуі мүмкін.

45-бап. Техникалық реттеу саласында мемлекеттік бақылауды және қадағалауды жүзеге асыратын лауазымды тұлғалар

Мемлекеттік бақылауды және қадағалауды жүзеге асыратын лауазымды тұлғаларға:

1) Қазақстан Республикасының мемлекеттік бақылау және қадағалау жөніндегі Бас мемлекеттік инспекторы - уәкілетті орган ведомствосының басшысы;

2) Қазақстан Республикасының мемлекеттік бақылау және қадағалау жөніндегі Бас мемлекеттік инспекторының орынбасарлары - уәкілетті органның және уәкілетті орган ведомствосы басшысының орынбасарлары;

3) облыстардың, республикалық маңызы бар қалалардың, астананың мемлекеттік бақылау және қадағалау жөніндегі бас аумақтық мемлекеттік инспекторлары - аумақтық бөлімшелерінің басшылары;

4) мемлекеттік бақылау және қадағалау жөніндегі бас аумақтық мемлекеттік инспекторлардың орынбасарлары – аумақтық бөлімшелері басшыларының орынбасарлары және (немесе) олардың құрылымдық бөлімшелерінің басшылары;

5) мемлекеттік бақылау және қадағалау жөніндегі мемлекеттік инспекторлар – аумақтық бөлімшелерінің мемлекеттік бақылау және қадағалау жөніндегі мамандары кіреді.

5-тарау. Қорытынды ережелер

46-бап. Қазақстан Республикасының Техникалық реттеу саласындағы заңнамасын сақтамағаны үшін жеке тұлғалардың, заңды тұлғалардың және жеке кәсіпкерлердің жауапкершілігі

Жеке тұлғалар, заңды тұлғалар және жеке кәсіпкерлер Қазақстан Республикасының заңдарына сәйкес жауапты болады.
Өнімнің техникалық регламенттерде белгіленген талаптарға сәйкес келмеуі нәтижесінде жеке тұлғаның өміріне, денсаулығына немесе мүлкіне не заңды тұлғаның және жеке кәсіпкердің мүлкіне келтірілген зиян Қазақстан Республикасының азаматтық заңнамасына сәйкес өтелуге тиіс.
Алып қоюға жататын өнімге сәйкестікті бағалау туралы құжат болған жағдайда техникалық регламенттердің талаптарына сәйкес келмейтін өнімге сәйкестікті бағалау туралы құжатты берген аккредиттеу субъектісі Қазақстан Республикасының заңнамасында белгіленген бойынша жауапты болады.

47-бап. Өтпелі ережелер және осы Заңды қолданысқа енгізу тәртібі

Осы Заңға сәйкес техникалық регламенттер қолданысқа енгізілгенге дейін осы Заңның 4-бап 1-тармағында белгіленген қауіпсіздік мақсаттарына қол жеткізуге бағытталған стандарттау жөніндегі тиісті нормативтік құжаттардың талаптары Қазақстан Республикасының аумағында міндетті болып табылады.
Осы Заң ресми жарияланған күнінен бастап алты ай өткен соң қолданысқа енгізіледі.
Күші жойылды деп танылсын:

«Техникалық реттеу туралы» 2004 жылғы 9 қарашадағы № 603 Қазақстан Республикасының Заңы (Қазақстан Республикасы Парламентінің Жаршысы, 2004 ж., № 21, 124-құжат; 2006 ж., № 3, 22-құжат; № 15, 92-құжат; № 24, 148-құжат; 2008 ж., № 15-16, 60-құжат; 2009 ж., № 17, 80-құжат; № 18, 84-құжат; 2010 ж., № 5, 23-құжат; 2011 ж., № 1, 2-құжат; № 2, 26-құжат; № 11, 102-құжат; 2012 ж., № 5, 41-құжат; № 14, 92-құжат, 95; № 15, 97-құжат; 2013 ж., № 4, 21-құжат; № 14, 75-құжат; № 15, 81-құжат; № 21-22, 114-құжат; 2014 ж., № 10, 52-құжат; № 19-I, 19-II, 96-құжат; № 23, 143-құжат; 2015 ж., № 20-IV, 113-құжат; № 22-V, 156-құжат; 2016 ж., № 6, 45-құжат; № 7-II, 53-құжат; 2017 ж., № 11, 29-құжат; № 22-III, 109-құжат; № 23-III, 111-құжат; 2018 ж., № 10, 32-құжат).

Қазақстан Республикасының

Президенті

«Қазақстан Республикасының кейбір заңнамалық актілеріне техникалық реттеу мәселелері бойынша өзгерістер мен толықтырулар енгізу туралы» Қазақстан Республикасының Заңы

Дата публикации

23 апреля 2020