Сәйкестік сертификаты бланкілерінің нысандарын және оларды толтыру тәртібін бекіту туралы

Сәйкестік сертификаты бланкілерінің нысандарын және

 оларды толтыру тәртібін бекіту туралы

«Техникалық реттеу туралы» Қазақстан Республикасының 2004 жылғы    9 қарашадағы Заңының 29-бабының 3-тармағына сәйкес, БҰЙЫРАМЫН:

  1. Қоса беріліп отырған бекітілсін:

1) міндетті және ерікті сертификаттау кезіндегі сәйкестік сертификаты бланкісінің нысаны;

2) міндетті және ерікті сертификаттау кезіндегі IAF MLA біріктірілген  белгісімен (Халықаралық аккредиттеу форумын тану туралы көпжақты келісімнің халықаралық аккредиттеу форумы) (бұдан әрі – IAF MLA біріктірілген белгісі) сәйкестік сертификаты бланкісінің нысаны;

3) менеджмент жүйесінің сәйкестік сертификаты бланкісінің нысаны;

4) IAF MLA біріктірілген белгісімен менеджмент жүйесінің сәйкестік сертификаты бланкісінің нысаны;

5) менеджмент жүйесінің, сондай-ақ IAF MLA біріктірілген белгісімен ағылшын тілінде сәйкестік сертификаты бланкісі нысаны;

6) көрсетілетін қызметке арналған сәйкестік сертификаты бланкісінің нысаны;

7) міндетті және ерікті сертификаттау кезінде ағылшын тілінде сәйкестік сертификаты бланкісінің нысаны;

8) сәйкестік сертификаттарының нысандарын толтыру тәртібі.

  1. Қазақстан Республикасы Сауда және интеграция министрлігінің Техникалық реттеу және метрология комитеті:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықты Қазақстан Республикасы Сауда және интеграция министрлігінің интернет-ресурсында орналастыруды қамтамасыз етсін.

  1. Осы бұйрықтың орындалуын бақылау жетекшілік ететін Қазақстан Республикасы Сауда және интеграция вице-министріне жүктелсін.
  2. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Лауазымы

 

Аты-жөні

 

Дата публикации
14 апреля 2020