Суық және ыстық су есептегіштері үшін
бірыңғай тексеру аралық
интервалды бекіту туралы
Қазақстан Республикасы Инвестициялар және даму министрінің 2018 жылғы 27 желтоқсандағы № 934 бұйрығымен бекітілген Өлшем құралдарына салыстырып тексеру жүргізу, өлшем құралдарын салыстырып тексерудің мерзімділігін белгілеу қағидаларын және өлшем құралдарын салыстырып тексеру туралы сертификатының нысанын бекіту қағидаларының 28-тармағына сәйкес, сондай-ақ метрология жөніндегі ғылыми-техникалық комиссияның 2020 жылғы 14 сәуірінің №2 хаттамасы негізінде суық және ыстық су есептегіштері үшін бірыңғай тексеру аралықты белгілеу мәселесі бойынша БҰЙЫРАМЫН:
Суық және ыстық су есептегіштерінің (бұдан әрі - су есептегіштері) барлық түрлері үшін бірыңғай тексеру аралық интервалы орнатылсын:
- Қазақстан Республикасында өлшем бірлігін қамтамасыз ету мемлекеттік жүйе тізімінде бұрын тіркелген салыстырып тексеру аралығы 5 және одан жоғары жыл болатын су есептегіштері бірыңғай салыстырып тексеру аралығы 5 жыл болып бекітілсін;
- Қазақстан Республикасында өлшем бірлігін қамтамасыз ету мемлекеттік жүйе тізімінде бұрын тіркелген салыстырып тексеру аралығы 5 жылдан төмен су есептегіштерін салыстырып тексеру аралығы өзгеріссіз қалдырылсын.
- Салыстырып тексеру кезінде сертификаттарды ресімдеу кезінде 5 жылдан аспайтын бірыңғай тексеру аралық интервал орнатылсын.
- «Қазақстан метрология институты» РМК Қазақстан Республикасының Мемлекеттік өлшем бірлігін қамтамасыз ету жүйесінің тізіліміне тиісті өзгерістер енгізсін, сондай-ақ осы ақпаратты ресми сайтқа орналастырсын.
- Осы бұйрық күшіне енгенге дейін берілген салыстырып тексеру туралы сертификаттар сертификаттың мерзімі аяқталғанға дейін жарамды.
- Осы бұйрықтың орындалуын бақылау Қазақстан Республикасы Сауда және интеграция министрлігінің Техникалық реттеу және метрология комитеті төрағасының орынбасары Ғ-Б.О. Мейірбаеваға жүктелсін.
- Осы бұйрық қол қойылған күнінен бастап күшіне енеді.
Төраға А. Шаккалиев
Согласовано
12.05.2020 12:10 Мейрбаева Галия-Бану Ондасыновна
12.05.2020 12:22 Токушев Канат Кайратович
12.05.2020 12:24 Нурдаулетова Жаннетта Бакытовна
Подписано
12.05.2020 15:53 Шаккалиев Арман Абаевич