Қарағанды облысында жергілікті жолдардың желісін дамытуға бағытталған 25 жоба жүзеге асырылуда

Өңірде облыстық және аудандық маңызы бар автомобиль жолдарын жаңарту жұмыстары жалғасып жатыр. Осылайша, биыл мұнда 25 жоба қайта жаңарту және орташа жөндеу жұмыстарын көздейді.

Атап айтқанда, жол компаниялары «Новодолинка – Шахан – Молодецкое» (17-34 шақырым), «Осакаров – Молодежное» (69-81 шақырым), «Қаражал – Атасу» (0-28 шақырым) автомобиль жолдары қайта жаңарту жұмыстарынан өтуде. Бұдан бөлек, облыстық маңызы бар «Новодолинка – Шахан – Молодецкое» автомобиль жолындағы Нұра және Соқыр өзендері арқылы өтетін 2 көпірде қайта жаңарту жұмыстары жүргізіліп жатыр.  

Сонымен қатар, Қарағанды облысында «Қарақұдық елді мекеніне кіру жолы» (0-11 шақырым), «Теміртау қаласының айналма жолы» (0-4 шақырым), «Қарқаралы – Аманжолов – Ақкөре – Сарыобалы» (10-20 шақырым), «Пикет – Соналы – Ізенді» (0-14 шақырым), «Осакаров – Озерное -19партсъезд» (0-13 шақырым), «Қызылтау елді мекеніне кіру жолы» (9-18 шақырым), «Қарағанды – Самар – Атасу – Айнабұлақ» (0-24, 61-81 және 111-130 шақырымдар) жобалары аясында орташа жөндеу жұмыстары жүргізілуде.   

Мұнымен қоса, жолшылар жергілікті маңызға ие «Просторное – Жарық – Ақсу – Аюлы – Ақтоғай – Балқаш» (371-396 шақырым), «Қарағанды – Тоғызқұдық – Ботақара» (27-48 шақырым), «Қаражал – Ақтау» (31-61 шақырым), «Осакаров – Молодежное» (18-42,5 шақырым), «Ақсу – Аюлы –Қайрақты – Ағадыр – Мойынты» (45 -71,4 шақырым), «Қарағанды – Ботақара – Ақбел – Үміткер» (0-36,3 шақырым), «Просторное – Жарық – Ақсу – Аюлы –Ақтоғай – Балқаш» (0-33 шақырым), «Ұлытау – Бозтұмсық – Малшыбай –Сәтбаев» (174-204 шақырым), «Қарағанды – Аягөз – Қарағайлы – Қарқаралы» (9-31 шақырым), «Қарағанды – Шахтинск – Есенгелді – Щербаковское – Киевка» (100-123 шақырым) және «Ұлытау – Бозтұмсық – Малшыбай – Сәтбаев» (20-40 шақырым) жолдарын жаңартуда.    

Еске салайық, Қарағанды облысындағы жергілікті жолдардың жалпы ұзындығы 5984 шақырымды құрайды. Аталмыш жолдардың 79 % жақсы және қанағаттандырарлық жағдайда.