Геологиялық ақпаратты цифрландыру: саланы цифрландыру және дамыту

Қазақстандағы жер қойнауын пайдалану және геология цифрландыруды қажет ететін салалар болып табылады. Бұл бағыттағы негізгі жобалардың бірі – Жер қойнауын пайдаланудың бірыңғай платформасын құру. Өнеркәсіп және құрылыс министрлігінің бұл жобасы халыққа геологиялық ақпарат базасына қол жеткізуге мүмкіндік береді. Оның негізгі ерекшеліктерінің қатарында мәліметтер қорын толтыру үшін бастапқы және қайталама геологиялық ақпаратты цифрландыру бар

Геологиялық ақпаратқа ХХ ғасырдың 60-жылдарынан бастап қағаз карталардың, есептердің, магниттік таспалардың және басқа да геологиялық зерттеу құралдарының мұрағаттары жатады.

Учаскелерді тереңірек зерттеу үшін ел мұрағаттарынан алынған бастапқы геологиялық ақпаратты цифрландыру жұмыстары жүргізілуде. Қазақстанның геологиялық қорларындағы алғашқы геологиялық ақпараттың жалпы көлемі 4 579 342 бірлікті құрайды. Деректерді жинаудан, орналастырудан, сканерлеуден сапаны бақылауға және дерекқорға қосылуға дейінгі жеті кезеңді цифрландыру процесі құрылды.

Осылайша, барлық ақпарат, оның ішінде геологиялық, геофизикалық және гидрогеологиялық зерттеулердің нәтижелері ел аумағына байламданып, цифрлық форматқа көшірілетін болады.

Қазақстан территориясының геологиялық-геофизикалық зерттелуі туралы ақпарат барлық жүргізілген 1:10000, 1:50000, 1:200000 және т.б масштабта жұмыс істейтін геологиялық, геофизикалық, гидрогеологиялық және т.б. нәтижелері бойынша цифрлық ақпараттан тұрады. Қайталама геологиялық ақпарат зерттеу контурларымен байланыстырылады, бұл геологиялық есептердің электрондық нұсқалары және оларға бірыңғай стандарт бойынша құрылымдалған графикалық қосымшалар.

Ағымдағы деректерге сәйкес, бірыңғай стандартқа сәйкес құрылымдалған 56 180 электрондық есеп ЖҚПБП-ға орналастыру үшін дайындалған. Есептер геологиялық қорларға физикалық бару қажеттілігін жоя отырып, тегін қарау үшін онлайн режимде қол жетімді болады. Мүдделі тұлғалар үшін толық пакетті сатып алу мүмкіндігі бар.

Одан бөлек, геологиялық деректерді цифрландыру жер қойнауын пайдалану секторын дамытуға, инвестиция тартуға және бизнестің жаңа мүмкіндіктерін жасауға ықпал етеді.