Олжас Сапарбеков Қазақстан-Германия Іскерлік кеңесінің 15-ші отырысына қатысты
28 тамызда Берлинде Қазақстан-Германия Іскерлік кеңесінің 15-ші отырысы өтті, оның аясында «Қазақстан мен Германияның жаңа синергиясы: іскерлік қоғамдастық үшін мүмкіндіктер» тақырыбында панельдік талқылау өтті.
Іс-шараға ҚР Өнеркәсіп және құрылыс вице-министрі Олжас Сапарбеков қатысты.
Өз сөзінде О. Сапарбеков бұл форумды іскерлік байланыстарды нығайту және Қазақстан мен Германия арасындағы ынтымақтастықтың жаңа мүмкіндіктерін іздестіру үшін маңызды алаң ретінде атап өтті.
Вице-министр Германияның жоғары инвестициялық белсенділігін атап өтті. Бүгінгі таңда Қазақстан мен Германия арасындағы өндірістік кооперация машина жасау, құрылыс индустриясы, химия және тау-кен металлургия өнеркәсібі сияқты салалардағы жобаларды қамтиды.
Ынтымақтастықты нығайту мақсатында осы бизнес-форумда Қазақстан тарапынан машина жасау, химия, тау-кен металлургия саласының өкілдері қатысты. G2B және B2B кездесулерін ұйымдастырды.
Вице-министр Қазақстан Еуропалық Одақ тізіміне енгізілген 34 маңызды минералдар мен металдардың 19-ын қазірдің өзінде өндіретін маңызды шикізатқа бойынша ынтымақтастықтың маңыздылығын атап өтті.. Бұл бағытта оны Қазақстанның индустриясының «мидстрим» мүмкіндіктеріне негізделген серіктестіктің қосымша стратегиялық деңгейімен нығайту қажет.
Шетелдік инвестицияларды тарту үшін заңнамалық базаны жетілдіру жұмыстары жалғасуда және жаңа құралдар енгізілуде.
Сондай-ақ, вице-министр 2024 жылдың қаңтарынан бастап Қазақстан CRIRSCO негізіндегі KAZRC қорлары туралы есеп берудің халықаралық стандарттарына көшкенін атап өтті. Ол қатысушыларды жер қойнауын пайдалану аукционын өткізу туралы, оның аясында неміс компаниялары MINERALS.GOV.KZ цифрлық платформасы арқылы барлау және өндіру лицензияларын ала алатыны туралы хабарлады.
Қосымша ол арнайы салықтық жеңілдіктер, сондай-ақ инвестициялық жобаларды іске асыру үшін барлық қажетті инфрақұрылым қарастырылған экономикалық және индустриялық аймақтар туралы айтты.
Сөзінің соңында ол стратегиялық ынтымақтастық жөніндегі Қазақстан-Германия Іскерлік кеңесі (ҚГІК) екі ел арасындағы сауда-экономикалық қарым-қатынастардағы маңызды институционалдық орган, сондай-ақ Қазақстанның экономикасына неміс инвестицияларын тартудың тиімді тетігі болып табылатынын айтты.