БҚО: Қаратөбе ауданындағы 90 тұрғын үйдің құрылысы аяқталуға жақын

Қаратөбе ауданы Қоржын ауылында су тасқынынан зардап шеккен азаматтарға арналған 90 үйдің құрылысы аяқталу үстінде. Құрылыс жұмыстары тамыздың соңына дейін аяқталады. Құрылыс барысын gov.kz порталы арқылы онлайн бақылауға болады.

ҚР ӨҚМ Ахуалдық орталығының мәліметінше, Батыс Қазақстан облысында 775 жеке тұрғын үйдің  80-і салынып бітті.  Сонымен қатар, зардап шеккен отбасыларға екінші нарықтан 1098 үй сатып алынды,   1310 үйде жөндеу жұмыстары аяқталды.