«Мемсараптама» РМК 36 жасқа толдыт

Осы күні, 36 жыл бұрын, Қазақ КСР Мемстрой Төрағасының 1988 жылғы 8 тамыздағы № 45-ос бұйрығымен Қазақ КСР Министрлер Кеңесінің 1987 жылғы 26 тамыздағы № 400 қаулысын орындау үшін ҚазКСР Мемстрой жанындағы жобаларды мемлекеттік ведомстводан тыс сараптаудың Бас басқармасы есігін айқара ашты. Басқарма салалық және ведомстволық бағыныстылығына қарамастан құрылыс жобалары бойынша барлық сараптамалық функцияларды біріктірді.

Қазақстан Республикасы Үкіметінің 1996 жылғы 24 қаңтардағы № 88 Қаулысымен Мемлекеттік ведомстводан тыс жобаларды сараптау бас басқармасы «Мемлекеттік ведомстводан тыс сараптама» Республикалық мемлекеттік кәсіпорны («Мемсараптама» РМК) болып қайта құрылды. «ҚР сәулет, қала құрылысы және құрылыс қызметі туралы» ҚР Заңында жобаларды мемлекеттік сараптау функцияларын қайталауға жол берілмейтін бірыңғай республикалық жүйе болып табылатыны айқындалған.

Бүгінде «Мемсараптама»РМК ҚР Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитетінің құрамына кіреді. ҚР Үкіметі мемлекеттік монополияға жатқызылған жобаларға ведомстводан тыс кешенді сараптама жүргізуге уәкілеттік берді.

«Мемсараптама» жүйесінің ұйымдық құрылымына Астана қаласындағы бас кеңсе, сондай-ақ облыс орталықтарында департаменттері бар Оңтүстік, Шығыс, Батыс, Солтүстік облыстардағы, Ақтөбе, Батыс Қазақстан, Жетісу, Алматы, Қарағанды және Ұлытау облыстарындағы филиалдар кіреді.

Бүгінде сараптама ғимараттарды, құрылыстарды, оның ішінде магистральдық көлік, байланыс инфрақұрылымын, коммуналдық және тұрғын үй шаруашылығы объектілерін салудың жалпы инвестициялық процесінде, сондай-ақ елді мекендердің құрылысын дамытуды қала құрылысын жоспарлау кезінде жобаларды әзірлеу кезеңдерінің бірі ретінде айқындалған.

Өз қызметінің 36 жылында «Мемсараптама» РМК еліміздің сәулет және қала құрылысы үшін маңызды Ақ орда, Алматы метрополитені, Бейбітшілік және Келісім сарайы, Бәйтерек монументі, «Хан Шатыр» СОО және басқа да стратегиялық нысандар сияқты өзіндік «визит карточкаларына» айналған құрылыс объектілері қаралды.