Қатты пайдалы қазбаларды өндіру кезіндегі шығындарды есепке алу бөлігінде кен орнын игерудің техникалық жобаларын бекіту қағидалары әзірленді
«Қазақстан Республикасының кейбір заңнамалық актілеріне бизнес жүргізу мәселелері бойынша өзгерістер мен толықтырулар енгізу туралы» 2024 жылғы 6 сәуірдегі Қазақстан Республикасының Заңымен «Жер қойнауы және жер қойнауын пайдалану туралы» Қазақстан Республикасының Кодексіне (бұдан әрі - Кодекс) қатты пайдалы қазбаларды өндіру кезіндегі шығындарды есепке алу бөлігінде өзгерістер енгізілді.
Осылайша, Кодекстің 72-бабының 8-1-тармағын іске асыру үшін «Қатты пайдалы қазбаларды өндіру кезінде шығындарды есепке алу бөлігінде кен орнын игерудің техникалық жобаларын бекіту қағидаларын бекіту туралы» бұйрықтың жобасы (бұдан әрі - Бұйрықтың жобасы) әзірленді.
Бұйрықтың жобасында пайдалы қазбаларды өндіру салығын есептеу мақсатында қатты пайдалы қазбаларды өндіру кезіндегі шығындарды есепке алу бөлігінде кен орындарын игерудің техникалық жобаларын бекіту тәртібі бекітіледі.