Атырау облысында қыркүйек айына дейін 100 тұрғын үй салынады

Жылыой ауданы Құлсары қаласында су тасқынынан зардап шеккендерге тұрғын үйлер салынып жатыр.

Қазіргі мәлімет бойынша, барлық 80 үйлердің іргетасы құйылған. 29-ында қабырғалар тұрғызылуда. Құрылыс жұмыстарына жергілікті 7 мердігер тартылып, 100-ден астам жұмысшы еңбек етуде.

Құрылысты ағымдағы жылдың қыркүйек айына дейін аяқтау жоспарлануда.

ҚР Өнеркәсіп және құрылыс министрлігінің Ахуалдық орталығының мәліметі бойынша, Атырау облысында 2 674 нысанға техникалық тексеру жүргізілді, оның нәтижелері бойынша:

- 100 үй салу;

-  1 376  үй сатып алу  – 1 341 сатып алынды;

-  1 198 үйді жөндеу – 1 174-інде жұмыстар аяқталды.