Қанат Шарлапаев Қытай Халық Республикасының өкілдерімен кездесті

Бүгін Өнеркәсіп және құрылыс министрі Қанат Шарлапаев Қытай елшілігінің өкілдерімен кездесу өткізді.

Кездесу барысында тау-кен металлургия кешеніндегі ынтымақтастықты кеңейту және тау-кен өнеркәсібінде жаңа бағыттарды құру мүмкіндіктері талқыланды. Екі тарап ашық ынтымақтастық, инновациялық даму және өзара тиімділік қағидаттарын ұстануға келісті. Олар үйлестіруді жақсартуды, жасыл дамуды және энергетикалық трансформацияны жеделдетуді, тау-кен металлургия кешеніндегі ынтымақтастықтың басымдықтарын анықтауды және екіжақты қарым-қатынастардың сапалы дамуын ынталандыруды жоспарлап отыр.

Министр елдер арасындағы қарым-қатынастың жоғары деңгейін атап өтіп, ҚХР-ның Қазақстанның халықаралық аренадағы маңызды серіктесі ретіндегі маңыздылығын атап өтті.

ҚХР Елшісі Чжан Сяо кездесу үшін алғысын білдіріп,  екі ел арасындағы бірлескен күш-жігерге кәсіпорындар, ғылыми-зерттеу институттары, өнеркәсіптік ұйымдар және т.б. арасындағы қарым-қатынас пен алмасуға жәрдемдесу, ынтымақтастық әлеуетін зерделеу, үздік тәжірибелермен алмасу және тау-кен металлургия кешені саласындағы ынтымақтастықты тереңдету кіретінін атап өтті.

Келіссөздер қорытындысы бойынша тараптар сындарлы диалог үшін ризашылықтарын білдіріп, екіжақты қатынастарды дамытудың маңыздылығын атап өтті.