Өнеркәсіп және құрылыс министрлігі жер қойнауын пайдаланушыларды отандық өндірушілерді қолдау бойынша бірлескен жұмысқа шақырды

ҚР Өнеркәсіп және құрылыс министрлігінде «Атамекен» ҰКП және бизнес-қоғамдастықпен бірлесіп елішілік құндылықты дамыту бойынша заңнамалық өзгерістер талқыланды.

Кездесуге сондай-ақ «Қазақмыс корпорациясы» ЖШС, «KAZ Minerals Management» ЖШС, «ERG» ЖШС, «Казцинк» ЖШС, «Полиметалл Еуразия» ЖШС, «Qarmet» АҚ, «Тау-кен өндірушілері және тау-кен металлургиялық қауымдастығы», «ErliconCG» ЖШС, «Haller Lomax» өкілдері қатысты.

Шара барысында «Жер қойнауы және жер қойнауын пайдалану туралы» Кодекске және «Өнеркәсіптік саясат туралы» Заңға ұсынылған өзгерістер жайында түсініктеме берілді. Талқылау қорытындысы бойынша Министрлік жер қойнауын пайдаланушылар көтерген сұрақтарға жауап берді.