ҚОБДА АУДАНЫНДА СУ ТАСҚЫНЫНАН ЗАРДАП ШЕККЕНДЕРГЕ 151 ҮЙ САЛЫНУДА

Ақтөбе облысының Қобда ауданында су тасқынының салдары белсенді түрде жойылуда.  Қазіргі таңда зардап шеккендерге 151 жаңа үйдің құрылысы басталып, 134 үйде жөндеу жұмыстары жүргізілуде, 3 үй сатып алынды. Барлық құрылыс жұмыстарын тамыз айына дейін аяқтау жоспарланған.

ҚР Өнеркәсіп және құрылыс министрлігінің Ахуал орталығының деректері бойынша, Ақтөбе облысында 4 381 нысанға техникалық зерттеу жүргізілген.  Зерттеу нәтижелері бойынша келесі шаралар жоспарланған:

 - 640 үй салу

 - 316 үй сатып алу

 - 3 425 үйде жөндеу жұмыстарын жүргізу.

Мақсат - инфрақұрылымды тезірек қалпына келтіріп, тұрғындарды қысқа мерзімде жаңа баспанамен қамтамасыз ету.