Сенат Тұрғын үй құрылысының бірыңғай операторы туралы заң жобасын қабылдады
Қазақстан Республикасы Парламенті Сенатының жалпы отырысында «Қазақстан Республикасының кейбір заңнамалық актілеріне тұрғын үй бағдарламалары операторларының санын қысқарту мәселелері бойынша өзгерістер мен толықтырулар енгізу туралы» заң жобасы екінші оқылымда қабылданды. Сол бойынша «Бәйтерек девелопмент» АҚ мен «Тұрғын үй құрылысына кепілдік беру қоры» АҚ-ны «Қазақстан Ипотекалық Компаниясы» АҚ-ға қосу және тұрғын үй құрылысының Бірыңғай операторын құру жолымен «Бәйтерек» Ұлттық басқарушы холдингінің үш еншілес компаниясын біріктіріледі.
Заң Мемлекет басшысының 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауында айтылған тұрғын үй бағдарламалары операторларының санын қысқартуға қатысты тапсырмасын іске асыру мақсатында қабылданды.
Заң нарықтық шарттармен капитал тартуға, жергілікті атқарушы органдар мен жеке құрылыс салушылар үшін қорландыру құнын арзандатуға, оның ішінде субсидиялау және кепілдік беру тетіктері бағытталған. Сондай-ақ бүгінгі таңда «Даму» АҚ іске асырылатын құрылыс салушыларды субсидиялау құралдары арқылы қорландыру құнын арзандатуға, қайталанатын функцияларды алып тастауға және жалпы әкімшілік шығыстарды қысқартуға мүмкіндік беретін Бірыңғай операторға «Бәйтерек» ҰБХ» АҚ Тұрғын үй блогының активтерін шоғырландыруға және құралдарды қайта форматтауға арналған.
Бірыңғай оператор келесі қызмет түрлерін жүзеге асырады:
- ипотекалық қарыз беру және ипотека туралы Заңға сәйкес өзге де қызметтер;
- кейіннен сатып алу құқығымен жалға берілетін тұрғын үй беру.
- Мемлекеттік бағдарламалар шеңберінде құрылыс салушыларға несие беру;
- жеке құрылыс салушылардың несиелерін және ипотекалық қарыздарды субсидиялау;
- тұрғын үй құрылысын қаржыландыру және инвестициялық жобаларды іске асыру;
- құрылысты аяқтауға кепілдік беру, сондай-ақ ипотекалық қарыздарға, жалдау төлемдеріне кепілдік беру жолымен халықтың үлестік салымдарының сақталуын қамтамасыз ету.
Бірыңғай оператор ипотекалық несие және жалға берілетін тұрғын үй беру, үлестік тұрғын үй құрылысын дамыту тетіктері, сондай-ақ құрылыс саласы үшін қаржы ресурстарының қолжетімділігін қамтамасыз ету арқылы ел халқына тұрғын үйдің қолжетімділігін қамтамасыз ету саласындағы мемлекеттік саясатты іске асырады.