ҚР ИИДМ-де мемлекеттік қызметтердің сапасын жақсартуға арналған семинар өткізілді

​

ҚР Индустрия және инфрақұрылымдық даму министрлігі көрсететін мемлекеттік қызметтердің сапасын арттырып, халық пен бизнестің сұранысын қанағаттандыру үшін ведомствода арнайы  оқыту семинары ұйымдастырылды

Аталған семинарға министрлікте және оның аумақтық бөлімшелері мен құрылымдық ұйымдарында жұмыс істейтін, атап айтқанда көлік, авиация, автомобиль жолдары, геология, индустриалдық даму, құрылыс және тұрғын үй-коммуналдық шаруашылығы, мемлекеттік қорғаныс тапсырысы, сондай-ақ жер қойнауын пайдалану бағытында тікелей мемлекеттік қызметтерді көрсететін 100-ге жуық қызметкер қатысты.

Оның барысында мемлекеттік қызметтерді көрсету кезінде жүйелі түрде тіркелетін бұзушылықтар жайлы айтылды. Келеңсіз жағдайларға жол бермеу үшін белгілі бірсебептерге байланысты кері қайтарылға нөтініштерді дұрыс рәсімдеу, деректердің және құжаттардың толықтығын тексеру, өтінімдерді уақтылы тіркеу және т.б. Сондай-ақ мемлекеттік қызметтің көрсетілу мерзімдеріне күнделікті мониторинг жүргізу тәсілдері үйретілді.

Бұдан бөлек нормативтік құқықтық актілер және мемлекеттік қызметтерді көрсету кезінде туындайтын ақпараттық жүйелердің техникалық ақауларына байланысты  ақпараттық-түсіндіру жұмыстары жүргізіліп, осыған байланысты қызметкерлер сауалдарын жолдап, өзара пікіралысты.

Сондай-ақ, семинар қатысушыларына рұқсатберу тәртiбi мен оның мерзiмiн бұзғаны үшін ҚР «Әкімшілік құқық бұзушылық туралы» Кодексінде қарастырылған әкімшілік жауапкершілік жөнінде ескертілді.