Еуразиялық экономикалық одақтың «Құрылыс материалдары мен бұйымдарының қауіпсіздігі туралы» техникалық регламентінің жобасы талқыланды

Бүгін ҚР Индустрия және инфрақұрылымдық даму министрлігінің алаңында Еуразиялық экономикалық одақтың «құрылыс материалдары мен бұйымдарының қауіпсіздігі туралы» техникалық регламентінің жобасын әзірлеу бойынша кеңес өтті.

Іс-шараға Ресей өнеркәсіпшілер және кәсіпкерлер одағы комитеті тең төрағасының орынбасары Андрей  Лоцманов бастаған Ресей Федерациясының өкілдері, сондай-ақ Төтенше жағдайлар, Денсаулық сақтау, Сыртқы істер министрліктерінің, Техникалық реттеу және метрология комитетінің, «Атамекен» ҰКП және басқа да қауымдастықтар мен кәсіпорындардың 40-тан астам өкілдері қатысты.

Бұл кездесу жобаның ерекшелігін түсіндіру және оның болашақта іске асырылуына байланысты туындауы мүмкін мәселелерін талқылау мақсатында өткізілді. Іс-шара аясында әзірленіп жатқан Техникалық регламент туралы ақпарат ұсынылып, сондай-ақ оны қолдануға байланысты мәселелер талқыланды.

Ресей өнеркәсіпшілер және кәсіпкерлер одағы комитеті тең төрағасының орынбасары Андрей Лоцманов Техникалық регламенттің бұл жобасы еуразиялық нарықты дамытудағы маңызды қадам болып табылатынын және Еуразиялық экономикалық одаққа қатысушы елдердің халықаралық аренадағы ұстанымдарын нығайтуға ықпал ететінін атап өтті.

Өз кезегінде Төтенше жағдайлар, Денсаулық сақтау министрліктерінің және басқа да ведомстволардың өкілдері халықты және экологияны қорғау үшін құрылыс материалдары мен бұйымдарының қауіпсіздігін қамтамасыз етудің маңыздылығын атап өтті.

Кеңес Ресей мен Қазақстан өкілдері арасында пікір алмасу және тәжірибе алмасу алаңына айналып, қатысушылар алдағы уақытта ынтымақтастықты одан әрі жалғастыруға келісті.