ҚР Индустрия және инфрақұрылымдық даму министрлігінің жаңа уақытша жұмыс тәртібі туралы

         Әлемдегі коронавирус инфекциясы бойынша күрделі эпидемиологиялық жағдайға, Қазақстанда инфекция тіркелу оқиғаларына байланысты және коронавирустық инфекцияның таралуына жол бермеу мақсатында Министрлік:

         «Transport tower» әкімшілік-технологиялық кешені ғимаратына кіруге шектеу қойылғанын;

         жоспарланған барлық кеңестер шегерілгенін;

         Министрліктің жауапты қызметкерлерінің азаматтарды қабылдауы уақытша тоқтатылғанын хабарлайды. 

         Бос немесе уақытша бос әкімшілік мемлекеттік қызметтерге орналасуға жарияланған байқауларға қатысуға ниет білдірген азаматтардың құжаттары 1-қабатта («Transport tower» әкімшілік-технологиялық кешені ғимаратының № 5, 6 және 7 есіктер) қабылданады.    

         Бос немесе уақытша бос әкімшілік мемлекеттік қызметтерге орналасудың конкурстық шаралары аясында әңгімелесу 1-қабатта жүргізіледі.

         Оған қоса, басшылықтың тапсырмасына сәйкес Министрлік қызметкерлерінің көпшілігі қашықтан жұмыс істеу тәртібіне көшірілді. Уақытша қолайсыздықтар туындаған жағдайда түсіністікпен қарауды сұраймыз.