АРЫС ҚАЛАСЫНДА 3 МЕКТЕП ПЕН 23 БАЛАБАҚША ЖӨНДЕЛДІ

Бүгінгі күні негізгі қалпына келтіру жұмыстары шамамен 7 мың үйде аяқталды, оның 1156-інде әрлеу жұмыстары жүргізілуде. Тағы 42 үй меншік иелерінің келіспеуі себебінен құрылыс бригадалары үшін қолжетімсіз болып отыр.

Естеріңізге сала кетейік, қалада қалпына келтіру жұмыстары кезең-кезеңімен жүргізілуде. Бірінші кезеңде құрылысшылар кезек тәртібі бойынша шатырларды ауыстырады,сонан соң ғана терезелер мен есіктерді орнатады. Одан кейін кезек тәртібінде тұрғын үйлерге әрлеу жұмыстары жүргізіледі. Арыс қаласының тұрғын үй қорын қалпына келтіру барысы тұрақты бақылауда тұр.