ТМД елдерінің зілзалаға төзімді құрылыс саласындағы базалық ұйымның сайты іске қосылды

Сайтта ұйымның қызметі және отырыстары туралы, ТМД елдерінің нормалары, бірыңғай нормаларды әзірлеу кестесі және т.б. мәліметтер орналастырылған. (https://www.bossciskz.com/)

Естеріңізге сала кетейік, 2019 жылы Қазақ құрылыс және сәулет ғылыми-зерттеу және жобалау институтына ("ҚазҚСҒЗИ"АҚ) ТМД-ға қатысушы мемлекеттердің зілзалаға төзімді құрылыс саласындағы базалық ұйымы мәртебесі берілді.

2021 жылғы шілдеде өткен ұйымның Бақылаушы кеңесінің екінші отырысында ТМД елдерінің мемлекеттік органдары Қазақстан ұсынған "Сейсмикалық аудандардағы құрылыс" нормаларының бірыңғай моделін қолдау үшін ресми хат жолдады.

Аталған отырысқа Украина және Молдова ғылыми қоғамдастығының өкілдері алғаш рет қатысты.