АЛМАТЫДА ХАЛЫҚ ТҰТЫНАТЫН ОТАНДЫҚ ТАУАРЛАР ЖӘРМЕҢКЕСІ АШЫЛДЫ
Республиканың барлық өңірлерінен барлығы 60-тан астам компания кең ауқымды әйелдер, ерлер мен балалар киімі, аяқ киімдер, шұлық, тұрмыстық тоқыма, кілем бұйымдары, кітап өнімдері, тұрмыстық химия, аксессуарлар, косметика, кәдесыйлар, тамақ өнімдерін және тағы көптеген басқа да өнімдерді ұсынды.
Сонымен қатар, жәрмеңке аясында өз өндірістерінде заманауи инновациялық технологияларды қолданатын қазақстандық кәсіпорындардың қатысуымен жасыл технологиялар көрмесі өтті. Олар: «Әлем Тынысы» ЖШС - Қазақстан Республикасының аумағында және ТМД елдерінде антифриздерді, салқындатқыштарды, антифризді, су гликольных сұйықтықтарын өңдеу және кәдеге жарату, «Kuntech» ЖШС - Қазақстанда күн сәулесінен жылытатын қондырғылар - күн коллекторлары өндіретін ғылыми-өндірістік компания, «Эко Продактс Групп» ЖШС - биологиялық ыдырайтын қапшықтарды өндіру.
Естеріңізге сала кетейік, отандық өнімдердің жәрмеңкесі Агенттік тарапынан «Қазақстанда жасалған» ұлттық акцияны қолдау үшін үшінші жыл өтті. Бұл жолғы жәрмеңкеде өткен жылдармен салыстырғанда қатысушылар саны артты, өнім түрлері де көбейді. Бұл елімізде өндірілетін тауарлардың өсіп келе жатқанын дәлелдейді.
«Ішкі тұтыну тауарларының жәрмеңкесі келушілерге қазақстандық өнімдер мен танысуға мүмкіндік береді. Алматы тұрғындары мен қонақтары біздің өнімдерімізді шетелдік өнімдермен салыстыра отырып, қазақстандық өнімдердің бағасы ғана емес, сапасы жағынан да бәсекеге қабілеттілігіне көздері жетті. Қазақстандық тұтыну тауарларына сұраныстың артуы кәсіпкерлерге де осы салаға инвестиция салуды ынталандыру болып табылады. Тұтастай алғанда, біздің компаниямыздың жұмысы болашақта қазақстандықтардың тауарларды «Қазақстанда жасалған» логотипімен сатып алу және пайдалануды мақтан тұтуға бағытталған» - деді «NADLoC» АҚ-ның Жергілікті қамту идеологиясын дамыту орталағының директоры Руслан Ибраимов.
Жәрмеңке барысында ұтыс ойындар өткізілді. Әйелдер, ерлер мен балалар киімдерінің сән жинақтары көрсетілді, отандық өнімдердің дәмін тату шаралары ұйымдастырылды.
Келушілердің айтуынша, жәрмеңкенің ұйымдастырылуы жоғары деңгейде өтті. Көптеген байқаулар өткізілді, онда қазақстандық өндірушілер құнды сыйлықтар тапсырды. Жәрмеңке қонақтары сүт өнімдерінен кондитерлік өнімдерге дейінгі барлық тағамдардың кең ассортиментін көруге және дәмін татуға мүмкіндік алды.
Сондай-ақ, мұндай жәрмеңкелер жергілікті өндірушілердің өнімдеріне деген қызығушылық пен сенімнің артуына ықпал ететінін атап өту керек. Сонымен қатар, өз өнімдерін ашуды жоспарлап отырған кәсіпкерлерге де үлгі болды.
