МӘЖІЛІС ХАЛЫҚАРАЛЫҚ АЗАМАТТЫҚ АВИАЦИЯҒА ҚАТЫСТЫ ЗАҢСЫЗ АКТІЛЕРМЕН КҮРЕС ТУРАЛЫ КОНВЕНЦИЯНЫ РАТИФИКАЦИЯЛАУДЫ МАҚҰЛДАДЫ

Министрдің айтуынша, ұсынылып отырған Заң жобасы Халықаралық азаматтық авиация ұйымы (ИКАО) Ассамблеясының 38-ші сессиясының шешімін жүзеге асыруға бағытталған. Ол барлық ИКАО-ға мүше мемлекеттерді осы Конвенцияға қол қоюға және ратификациялауға шақырады.

«Бұл жобаның мақсаты азаматтық авиация саласында заңсыз әрекеттер жасаған тұлғаларға қылмыстық жауапкершілік тағайындау. Олар: әуежайда және ұшып келе жатқан әуе кемесінің бортындағы адамға қатысты зорлық-зомбылық актісін жасаса; бұзатынжәне істен шығаратын құрылғыны немесе затты әуе кемесінің бортынаорналастырса; кемені пайдалана отырып жарылғыш заттарды, химиялық, биологиялық, уландыратын, радиоактивтіматериалдарды тасымалдаса және тастаса; ұшу кезінде әуе кемесін жою; әуежайдағы жабдықтарды бұзса және зақымдаса; жалған мәліметтер хабарлап, әуе кемесінің қауіпсіздігіне қатер төндірсе; аэронавигациялық құралдардың зақымдануы; әуе кемесін қару ретінде қолдану және тағы басқалар», - деп атап өтті Жеңіс Қасымбек.

Қазақстанның қылмыстық кодексінде аталған актілер үшін қылмыстық жауапкершілік көзделген. Бұл ережелерді қабылдау Біріккен Ұлттар Ұйымы  Қауіпсіздік Кеңесінің терроризмге қарсы іс-қимылына қатысты талаптарын қанағаттандыруға, сондай-ақ азаматтық авиацияның ұшу қауіпсіздігіне төнетін қауіп-қатерлерге тиісті деңгейде жауап беруге мүмкіндік береді.

Фото ашық ақпарат көзінен