ҚАЗАҚСТАН ЖЕНЕВАДА ISO КЕҢЕСІНДЕ ҚАТЫСТЫ

2017 жылдың қыркүйегінде ISO Бас ассамблеясының отырысында баламалы негізде Қазақстан 2018-2020 жылдарға арналған ISO Кеңесінің құрамына сайланған болатын.

ISO Кеңесі Ұйымның әкімшілік, саяси, қаржылық және стратегиялық мәселелеріне қатысты шешімді қабылдайтын ISO-ның басқарушы органы болып табылады.

Кеңес құрамына 20 ел кіреді. Кеңес барысында ISO қызметі туралы және Кеңестің өткен отырыстарының шешімдерін орындау, сондай-ақ ISO 2016-2020 Стратегиясын, жаңа онлайн оқу платформасының жобасы және басқа да маңызды стратегиялық және қаржылық мәселелер туралы баяндамалар ұсынылды.

Сонымен қатар, Сингапурдағы ISO аймақтық кеңсесінің қызметі туралы баяндама ұсынылды, бұл ISO халықаралық техникалық комитеттеріне қызығушылықтың артуы мен қатысу деңгейінің артуына, сондай-ақ оңтүстік-шығыс Азия мен Мұхит аймағындағы ISO стандарттарын қолдануды жақсартуға мүмкіндік береді.

Қазақстан Орталық Азия аймағындағы аймақтық ISO офисін құру тәжірибесін пайдалану туралы мәселені зерттеу бастамасын ұсынды.

Бұдан бөлек, стандарттау саласында жаңа технологиялар құру және енгізу бойынша шет мемлекеттердің озық тәжірибелерін алуға мүмкіндік беретін онлайн оқытуға арналған бірыңғай тұғырнаманы қолдану бастамасы көтерілді.

 

Анықтама үшін:

Онлайндық ISO платформасы 2019 жылдың соңына дейін жасалады.

Кеңестің қорытындысы бойынша Кеңес Ұйымның болашақ жұмысына қатысты бірқатар шешімдер қабылданды. Сондай-ақ, ISO-ның Орталық хатшылығына 2016-2020 стратегиясы аясында аймақтық ISO кеңселерін, соның ішінде Орталық Азияда құру мүмкіндігін зерделеу тапсырылды.