АСТАНАДА ТКШ ЖӘНЕ ҚҰРЫЛЫС САЛАСЫНДА ЖЫЛ САЙЫНҒЫ КӨРМЕ ӨТЕДІ

Көрме алаңында ТКШ және құрылыс кешені үшін жаңа техникалық және технологиялық өнімдер ұсынатын жетекші кәсіпорындар кездеседі. Биыл қатысушылар бірінші рет тұрғын үй-коммуналдық шаруашылығын цифрландыру және Smart City концепциясын («ақылды қала») іске асыру шешімдерін ұсынады. Сондай-ақ, энергия тиімділігі мен энергияны үнемдеу, жылу, су және газбен жабдықтау, лифт шаруашылығы, құрылыс технологиясы және материалдар, жарықтандыру техникасы, электр жабдықтары, «жасыл» технологиялар көрсетіледі.

Экспоненттер – қазақстандық кәсіпорындар мен ұйымдар, олардың көпшілігі отандық өндірушілердің тізіліміне енгізілген. Көрмеге Ресей, Беларусь, Украина, Германия, Түркия, Литва, Польша және Қытай компаниялары қатысады.

Іс-шара аясында Біріккен Ұлттар Ұйымының Даму Бағдарламасы (БҰҰДБ) ұйымдастырған «Тұрақты қалалар- Smart Cities» атты халықаралық конференция өтеді. Конференцияның басты тақырыбы – қала шаруашылығындағы «жасыл» және smart-технологиялардың қолжетімділігі. Іс-шараға ПИК қауымдастығы, энергетикалық аудиторлық компаниялар, тұрғын үй инспекциясы, коммуналдық кәсіпорындардың өкілдері, сондай-ақ пәтерлер мен үй-жайлардың иелері, басқару және сервистік компаниялар, ұлттық және халықаралық сарапшылар қатысады.

Көрме-форумның ресми ашылуы 15 қараша күні сағат 10:00-де «КӨРМЕ» көрме орталығында өтеді.

Көрме-форумның барлық іс-шараларына, сондай-ақ бұқаралық ақпарат құралдарын аккредиттеуге қатысу туралы ақпаратты www.zhkhexpo.kz, сайтынан,  +7 (7172) 542677, +77015205037, +77785040273 телефондары бойынша немесе fairexpo_svz@mail.ruэлектрондық поштасына (Светлана Захарова) жазу арқылы алуға болады.