СӘЙКЕСТІКТІ БАҒАЛАУ ЖӨНІНДЕГІ ОРГАН ҚАЗАҚСТАН РЕСПУБЛИКАСЫ ПРЕЗИДЕНТІНІҢ "АЛТЫН САПА" СЫЙЛЫҒЫНЫҢ ЛАУРЕАТЫ БОЛЫП ТАНЫЛДЫ

Компания Кеден одағының техникалық регламенттері шеңберінде өнімді сертификаттау бойынша қызметтер көрсетеді, сынақтарды бірлесіп өткізу бойынша бірқатар еуропалық компаниялармен ынтымақтастықта жұмыс істейді. Бүгінгі таңда Компания біліктілігінің темір жол өндірісінің барлық  қажеттіліктерін қанағаттандыруға мүмкіндігі бар. "Қазақстан темір жол көлігіндегі сертификаттау орталығы" ЖШС директоры Айдар Нығметов табыс тарихы, даму стратегиясы және алдағы жоспарлары туралы әңгімелеп берді.

Айдар Сағадиұлы, Сіздің компанияыңыз айтарлықтай жас, бірақ қазірдің өзінде темір жол өнімінің сәйкестігін растау жөніндегі нарық саласында  "Алтын сапа" номинанты болып, танымалдылыққа және сенімге лайықты. Мұндай жоғары позицияға жетудегі кәсіпорынның құпиясы неде?

Сапа саласындағы жетістіктері үшін Ұлттық награданы алу біз үшін үлкен құрмет. Қазақстанда темір жол өнімінің сәйкестігін бағалау саласындағы алғашқы тар бейінді құзыретті компанияны құру стратегиясы тек 2013 жылы ғана анықталды, ал өтпелі кезең 2014 жылы аяқталды.  Осы кезең ішінде Компания Астана қаласында теміржол өнімінің Кеден одағының техникалық регламенттерінің талаптарына сәйкестігін бағалау жөніндегі жұмыстарды жүргізу үшін  халықаралық стандарттардың талаптарына сәйкес аккредиттелген  сәйкестікті растау жөніндегі органды құрды.

Сондай-ақ, Екібастұзда Кеден одағының "Темір жол жылжымалы құрамының қауіпсіздігі туралы" (КО ТР 001/2011), "Жоғары жылдамдықты темір жол көлігінің қауіпсіздігі туралы" (КО ТР 002/2011), "Темір жол көлігі инфрақұрылымының қауіпсіздігі туралы" (КО ТР 003/2011) техникалық регламенттерінің талаптарына сәйкес темір жол өнімінің сәйкестігін бағалау мақсатында қажетті сынақтардың жеткілікті көлемін қамтамасыз етуге қабілетті бірегей сынақ орталығы құрылды.

Қысқа мерзімде Кәсіпорынның қалыптасуынан бастап сертификат берілгенге дейін өте үлкен жұмыс атқарылды. Компания жетістігінің кепілі-пікірлестер командасының кәсібилігі, ынтасы мен қарқынды жұмысы деп есептеймін.

Компанияның Сынақ орталығы Екібастұзда орналасқан. Бұл өндірістік процесті басқару жүйесіне кедергі келтірмейді ме? Неге Екібастұз?

Біз жобаны бастағанда, нарықты барладық, сынақ орталығының оңтайлы географиялық орналасуын іздеуде деректерді көтердік, онда біз ыңғайлы логистика, тиімді көлік айрығы және қаланың өнеркәсіптік әлеуеті сияқты түпкілікті  шарттарды негізге алдық.

Таңдаудың Екібастұзға түскені кездейсоқ емес. Бұл қаладағы темір жол кластері қарқын алып келе жатыр, ол "Қазақстан вагон жасау компаниясы" ЖШС, "Проммашкомплект" ЖШС бағыттамалы бұрмалар мен темір жол дөңгелектері өндірісі зауыты, "R. W. S.BINDING" ЖШС рельсті бекітпелер үшін пластикалық бөлшектер өндірісі жөніндегі кәсіпорын және басқалары сияқты кәсіпорындармен танылып отыр. Орталықтың дамыған теміржол құрылымында болуы сынақ орталығы үшін кадрларды іздеуге, таңдауға және жұмысқа алуға сапалы түрде ықпал етті.    

Айдар Сағадиұлы, сынақ орталығы  және компания үшін қызметкерлерді іріктеу туралы және Сіздің тар бейінді ұйымыңыздың кадрлық құрамы қалай қалыптасқаны туралы айтып беріңізші.

Ұйымның бастауында 3 адам тұрды, таңертеңнен кешке дейін жұмыс істеуге тура келді. Әмбебап дағдылары бар адамдарды тарту және жұмысқа алу қажет болды. Бастапқыда біз вагон, рама, балка, жиынтықтаушы бөлшектер деген түсінікке ие темір жолдағы жұмыс тәжірибесі бар мамандарды қабылдадық, әрі қарай бізге МЕМСТ-пен және заңнамалық актілермен жұмыс істей алатын мамандар қажет болды. Бізге 3 D форматтағы бағдарламалық қамтамасыз етумен жұмыс істеу және есептеу бойынша кәсіби мамандар жетіспеді. Бірінші кезеңде біз Ресей мен Украинаның мамандарын шақырдық. Бұл жастары 65-70 келген мамандар болды, олардың қарамағына жоғары білімді жас балаларды бекіттік.   Жағдайдың айқын көрінісі біле отырып, біз Днепропетровск институтының (Украина) үздік мамандарын ынтымақтастыққа тарттық, әлеуметтік пакет пен еңбекақы төлеу қорын қамтамасыз еттік, сонымен қатар жергілікті мамандардың біліктілігін арттырдық. Қазақстанда шақырылған Сарапшылар жергілікті заңнаманың барлық ережелері мен нормаларын сақтау мақсатында қайта біліктіліктен өтті.  

Қазіргі кезде штатта 40 адам бар, бұл компанияның тәжірибелі, адал және кәсібилігі жоғары болып табылатын компанияның негізгі активі. Құзыреттілік, ортақ іске деген сүйіспеншілік және өзара құрмет-біздің жетістігіміздің іргетасы. 

Айдар Сағадиұлы,Сіздің амбициялық жоспарларыңыз үшін  ынталандыру болып табылатыны не, қандай міндеттер іске асырылды және тағы не істеу керек? Қол жеткізілген нәтижелерді жетілдіру жөніндегі жоспарларыңыз туралы айтып берсеңіз.

Қазақстанның темір жол машина жасаудағы -бұл рельстер, шпалдар, жүк және жолаушылар вагондары, қазақстандық өндірістің локомотивтері мен жинақтауыштарының құрылысы, қуатты серпілісі ҚТЖКСО-ын құру үшін негізгі түрткі болды  Интеграциялық бірлестік біздің зертханаларымызға және сертификаттау жөніндегі органдарға Ресей, АҚШ, Жапония және Қытайдан келген MTS, HBM, Rohde & Schwarz сияқты әлемдік брендтердің үздік компанияларымен қызмет көрсетуге және ынтымақтасуға мүмкіндік берді.

Қазақстанның темір жол көлігіндегі сертификаттау орталығының серіктестері Қазақстан Республикасының темір жол өнімдерінің барлық ірі жүйе құраушы өндірушілері болып табылады. Олар: "Электровоз құрастыру зауыты" ЖШС, "Тұлпар-Тальго" ЖШС, "ALSTOM KAZAKHSTAN" ЖШС, "Ақтөбе рельс арқалық зауыты" ЖШС, "Қазақстан вагон жасау компаниясы" ЖШС, "Локомотив құрастыру зауыты" АҚ, "ЗИКСТО" АҚ, сондай-ақ "Проммашкомплект"ЖШС компаниялар тобы.

Біз Қазақстандағы ірі компаниялармен жұмыс істейміз. Сондай-ақ, біздің портфельде экспорттық келісімшарттық тапсырыстардың 40% - дан астамы бар. Сондай-ақ мен кез келген компанияның өз дамуының шыңында қол жеткізген жетістікпен тоқтауға құқығы жоқ екенін түсінемін, әйтпесе жоба өзін сәтсіздікке алып келуге мәжбүр болады. Сондықтан мен қабылданған шешімдер үшін даму және жауапты болу қажеттігін жақтаймын. Біздің қазіргі жоспарларымыз Ресей мен Беларусьтің Тихвин теміржол техникасының сынақ орталығы сияқты машина жасау көшбасшыларымен бір консорциумға бірігіп, сынаудың бірыңғай әдістемесін қолдану болып отыр. Бұл кейбір даулы мәселелерді болдырмауға көмектеседі.    Сондай-ақ, біз Қазақстанның оңтүстігінде тағы бір сынақ полигонын құруды жоспарлап отырмыз. Оңтүстік аймақтың климаттық режимі 3-5 ай бойы табиғи жағдайға барынша жақын жағдайларда жоғары температура әсеріне және пайдалануға төзімділікке сынақтар жүргізуге мүмкіндік береді.

Сіздің даму жоспарыңыз бәсекелестерге бет бұрмай жасалған. Сіз қиындықтардан мүлдем қорықпайсыз ба?

Біздің Компаниямыз жеке компания, біз ­тәуелсіздік, объективтілік және отандық зауыттардың өнімдерін­ сынау нәтижелерінің Одақтың техникалық регламенттерінде белгіленген қауіпсіздік деңгейіне­ толық сәйкестікте болуына­ барымызды саламыз. Бізге сенім артады және бізді тәуелсіз сарапшылар ретінде жиі шақырады. Мен лайықты бәсекелестерден қорықпаймын, мен үшін бұл сын-тегеурін, бірақ ережесіз ойындарға қарсымын. Өкінішке орай, өзін адал деп санайтын компаниялар бар, барлық регламенттер бойынша аккредитациясы бар, бірақ тиісті техникалық және біліктілік базасы жоқ.

Сіздің ережелі ойынға деген ұмтылысыңызда одақтастарыңыз бар ма?

Иә, Қазақстанда да, халықаралық деңгейде да даулы жағдайларды шешудегі үлкен рөл ҚР ИДМ Техникалық реттеу және метрология комитетіне берілген. Біздің сертификатарымыздың шынайылығына тараптардың бірі күмән келтірген жағдайда Комитет үйлестірушінің рөлін атқарады: кеңес шақырады, негіздерді іздеу және біздің ұстанымымызды қорғауда дәлелді құжаттарды жинау үшін пікірталас алаңын ұсынады. Әріптестермен өнімді және тең құқықты диалогтар Қазақстанның машина жасаушылар одағының қатысуымен қалыптасады.

Серіктестермен қарым-қатынас орнатасыз, нәтижеге жауап бересіз, шақыруларды қабылдайсыз. Мінсіз басшының бейнесі қалыптасады. Ал Сіз өз қызметкерлеріңіздің бойындағы қандай қасиеттерді құптайсыз?

Шешуші қасиеттер клиентке деген бағдарлылық, құзыреттілік және командада жұмыс істей білу болып табылады. Біздің компанияда өршіл бастамалар құпталады. Осындай идеялардың бірі Алтын сапа байқауына қатысу болды. Бір жылға жуық уақыт бойы біз құжаттарды жинай отырып, өз мақсатымызға қарай бағыт алдық, сондықтан Қазақстан Республикасы Президентінің сыйлығы – бұл бүкіл команданың жұмысының мойындалғаны.

Біздің жұмысымыз ғылым мен техниканың соңғы жетістіктерінен, технологиялық және басқару үдерістерін үнемі жетілдіруден хабардар болу қажеттілігімен сипатталады.   Біздің мамандар техникалық ағылшын тілін еркін меңгерген және халықаралық деңгейдегі келіссөздерге белсенді қатысып, аса білікті сарапшылар болып табылады.

ҚТЖКСО қауіпсіздік пен сапа үшін жауап береді. Темір жолда барлығы қатаң түрде стандарттарға сай болуы тиіс, рельстерге шығатын кез келген жылжымалы құрам қауіпсіздіктің барлық нормативтеріне сәйкес болуы қажет. Біз сертификатталған өнімге жетекшілік етеміз, мысалы жыл сайын бес жылға берілген сериялық сертификатқа инспекциялық бақылау жүргіземіз. Компанияның оң техникалық және технологиялық имиджін дамыту қазақстандық сертификаттау және бақылау жүйесін халықаралық деңгейде тануда маңызды рөл атқара алады. Бұл Қазақстанның әлемнің дамыған 30 елінің қатарына кіру міндеттерін іске асыруына байланысты ерекше өзекті болып табылады.