Электр энергетикасын дамыту және энергия үнемдеу институты мен AFD өзара ынтымақтастыққа қызығушылықтарын білдіреді

«Электр энергетикасын дамыту және энергия үнемдеу институты (Қазақэнергиясараптама)" АҚ алаңында Француз даму агенттігі - AFD делегациясымен кездесу өтті, кездесу барысында тараптар бірлесіп жұмыс істеу мүмкіндігін талқылады.

AFD атынан аталған кездесуге Орталық Азиядағы Француз даму агенттігінің директоры – Вэнсан Копэн, Француз даму агенттігінің энергетика департаменті жобаларының жетекшісі - Адам Айаш, Француз даму агенттігінің энергетика департаменті жобаларының жетекшісі - Оливье Гранвуанэ, Орталық Азиядағы Француз даму агенттігінің жобалар жөніндегі маманы - Матильда Камю қатысты.

Тараптар энергия үнемдеу және энергия тиімділігін арттыру саласындағы бірлескен ынтымақтастыққа қызығушылық білдірді. Өзара қызығушылықты бекіту мақсатында Француз даму агенттігі делегациясының Қазақстан Республикасына сапары шеңберінде институт пен AFD арасында ынтымақтастық және өзара түсіністік туралы Меморандумға қол қоюды ұйымдастыру ұсынылды.

Анықтама:

Француз даму агенттігі (AFD) – Францияның даму саласындағы саясатын және әлемнің тұрақты дамуына жәрдемдесу мақсатында қызметін жүзеге асыратын мемлекеттік қаржы мекеме.