"ИНТЕРАКТИВТІ КАРТА" ҚАЗАҚСТАН АВТОЖОЛДАРЫНДАҒЫ ҚҰРЫЛЫС САПАСЫ МЕН ЖҰМЫС БАРЫСЫН БАҚЫЛАУҒА КӨМЕКТЕСЕДІ
Бұл туралы Автомобиль жолдары және көліктік бақылау саласындағы сыбайлас жемқорлыққа қарсы іс-қимыл жөніндегі агенттіктің хаттамалық тапсырмасын орындау жөніндегі кеңес барысында АЖК басшысы Сайранбек Бармақов хабарлады.
Комитет арқылы «Автомобиль жолдары комитетінің 2018-2020 жылдарға арналған сыбайлас жемқорлыққа қарсы іс-қимыл жөніндегі іс-шаралар жоспары» әзірленді және бекітілді. Жоспарда сыбайлас жемқорлық тәуекелдерін жыл сайын ішкі талдау көзделген. Тоқсан сайын Комитет қызметкерлерімен сыбайлас жемқорлыққа қарсы бірыңғай стандартты сақтау бойынша мониторинг жүргізіледі. Тоқсан сайын сыбайлас жемқорлыққа қарсы насихаттау бойынша іс-шаралар жүзеге асырылады. Жарты жылда бір рет Комитетке келіп түскен және қаралған ден қою актілері бойынша мониторинг жүргізіледі. Комитеттің және оның ведомстволық бағынысты ұйымдарының интернет-ресурстарында сыбайлас жемқорлыққа қарсы іс-қимыл жөніндегі қызметі туралы арнайы бөлім, сондай-ақ "сенім телефоны" жұмыс істейді",-деді АЖК басшысы.
Оның мәліметінше, жемқорлыққа қарсы іс-қимыл агенттігімен және "ҚазАвтоЖол "ҰК" АҚ-мен бірлесіп, "ҚазАвтоЖол" ҰК "АҚ ресми сайтында орналасқан "интерактивті карта" әзірленді (http://www.kazautozhol.kz/map) және ол әрбір автожол жобасы бойынша егжей-тегжейлі ақпаратты көрсетеді (жұмыс түрлері, байланыс, кеңселердің мекен-жайлары, техникалық қадағалау туралы деректер көрсетілген мердігерлік ұйым туралы деректер). Карта пайдаланушыларға жолдардың тиісті жағдайын қадағалауға мүмкіндік береді.
"Қазіргі уақытта "ҚазАвтоЖол" ҰК "АҚ" «интерактивті» картада қосымша ақпаратты және әр учаске бойынша шарттарды орналастыру бойынша жұмыстар жүргізуде, одан кейін «интерактивті карта» ЖАО арқылы қайталанатын болады. Өз кезегінде, "ҚазАвтоЖол "ҰК" АҚ және ЖАО сайттарының ақпаратты уақытылы орналастыру бойынша мониторингін агенттік жүргізеді. Меморандум аясында біз "ҚазАвтоЖол "ҰК" АҚ-ның әрбір облыстық филиалының штатында автомобиль жолдарын салу саласында маманданған аттестацияланған сарапшыларды орналастыруды қамтамасыз еттік", - деп атап өтті Сайранбек Бармақов.
Комитет басшысы сондай-ақ жұмыстар мен материалдардың сапасын бақылауды және сараптауды күшейту мақсатында "Жол активтері сапасының ұлттық орталығы" РМК құрылғанын, ол тек республикалық маңызы бар ғана емес, сонымен қатар жергілікті, сондай-ақ елді мекендердегі көшелердің жұмыстарына және материалдарының сапасына сараптама жүргізетін болады.
Бұдан басқа, сыбайлас жемқорлыққа қарсы іс-қимыл агенттігімен бірлесіп, орталық базасында "Сапалы жол" жобалық кеңсесі құрылды, оның мақсаты парақорлыққа қарсы күрес бойынша ISO 37001 халықаралық стандартына қол жеткізу болып табылады.
"Сондай-ақ осы бірлескен жұмыс қызметкерлерді қабылдаудан бастап сынақтар бойынша деректерді енгізуге дейінгі барлық процестерді барынша автоматтандыруға бағытталған. Жалпы, комитет өз құзыреті шегінде сыбайлас жемқорлық тәуекелдерін азайту бойынша тиісті жұмыстар жүргізеді және сыбайлас жемқорлықпен байланысты құқық бұзушылықтар жасауға ықпал ететін себептер мен жағдайлардың туындауын болдырмау бойынша жұмысты одан әрі жалғастыруға ниетті", - деп қорытындылады АЖК басшысы.
Сондай-ақ 2016 жылы Қазақстан Республикасы Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) автомобиль жолдарын салу кезінде сыбайлас жемқорлық тәуекелдерін жою бойынша ұсынымдар жолдады, бүгінгі таңда Комитет арқылы ол ұсынымдар басшылыққа алынды және орындалуда:
Комитет Қазақстан Республикасының Сыбайлас жемқорлыққа қарсы іс-қимыл агенттігімен және "ҚазАвтоЖол "ҰК" АҚ-мен бірлесіп, 2019 жылғы 22 ақпанда автожол саласындағы сыбайлас жемқорлық тәуекелдерін жою бойынша ұсыныстарды пысықтауға бағытталған "Сыбайлас жемқорлық тәуекелдерін жою, автомобиль жолдары құрылысының сапасын арттыру мәселелері бойынша өзара іс-қимыл туралы" Меморандумға қол қойды.
Агенттік пен оның аумақтық бөлімшелері құрылыс-монтаждау жұмыстарының барысына қоғамдық мониторингті жүзеге асыру мақсатында өңірлерде қоғамдық мониторинг топтарын құрды.
Өз кезегінде министрлік "ҚазАвтоЖол "ҰК" АҚ-мен бірлесіп, жаңа жобаларды іске асыру жөніндегі шарттың талаптарына сәйкес құрылыс-монтаж жұмыстарының барысына қоғамдық мониторингті жүзеге асыру үшін жоғарыда аталған топтардың құрылыс учаскелерінің аумағына кедергісіз қол жеткізу құқығы енгізілетін болады.