ТМД ЕЛДЕРІ СЕЙСМИКАҒА ТӨЗІМДІ ҚҰРЫЛЫСТЫ ДАМЫТУДЫ ШЕШТІ
Осы мақсатта Қазақ ғылыми зерттеу және жобалау институтына ТМД елдерінің сейсмикаға төзімді құрылыс мәселелері жөніндегі базалық ұйым мәртебесі берілді.
Сейсмикаға төзімді құрылысты дамыту үшін маңызды шешім өткен ТМД елдерінің Экономикалық кеңесінің 82-отырысында қабылданды.
ТМД елдерінің сейсмикаға төзімді құрылыс саласындағы Базалық ұйымды құру күрделі және ғылымды қажет ететін білім саласында қажетті шешімдерді белсенді және жылдамырақ қабылдауға, жер сілкіністерінің салдарын алдын-алу және тиімді жою бойынша ұсыныстар қалыптастыруға, ТМД елдерінде маңызды тіршілік әрекетінің объектілерін жедел қалпына келтіру әдістемесін әзірлеуге мүмкіндік береді.
Базалық ұйым сондай-ақ сейсмикаға төзімді құрылыс саласында нормативтік құжаттарды үйлестіру және жетілдіру және ТМД қатысушы мемлекеттерінің сейсмикаға төзімді құрылысы саласында бірыңғай нормативтік база құру арқылы келісілген техникалық саясат жүргізуге жетекшілік ететін болады.
Әсіресе эксперименталдық зерттеулердің күрделілігін, еңбек сыйымдылығын және залалдылығын ескере отырып, Базалық ұйым құру сейсмикаға төзімді құрылыстың теориясы мен практикасын тиімді дамыту үшін ТМД елдерінің ғылыми әлеуетін, қаржылық, техникалық және басқа да мүмкіндіктерін шоғырландыруға мүмкіндік береді.
Анықтама үшін:
«ҚазҚСҒЗИ» АҚ – инженерлік-геологиялық шарттары аса күрделі аудандарды және сейсмикалық қауіпті өңірлерді қосқанда Қазақстанның құрылыс саласын дамыту саласындағы Қазақстандағы жалғыз мемлекеттік ғылыми-зерттеу және жобалау институты.
Институт 1931 жылдың 7 қыркүйегінде құрылған. Қазақстанның құрылыс нарығында 85 жыл тәжірибесі бар.
«ҚазҚСҒЗИ» АҚ-ның заманауи жабдықтармен және өлшеу құралдарымен жабдықталған эксперименталдық базасы бар, ол жерде инерциялық әрекет ететін және полигондарда сейсмикалық жарылыс әсер ететін діріл машинасымен конструкциялардың, натуралық ғимараттардың және олардың фрагменттерінің статикалық және динамикалық сынауларынан тұратын бірегей эксперименталдық зерттеулер жүргізіледі.
